شركة القرين لصناعة الكيماويات البترولية (القرين) ...4

[wa7dany]

أنا شخصيا مستانس مو على التعليقة لأ.. أنا مستانس من كسرة الكابوس اللي كان كاتم على ال 450 طول الفترة اللي طافت والعروض اللي بالهبل على هالسعر.. أتوقع كان في مثلث محايد على حسب تحليل واحد من الشباب الطيبين مايذكرني اسمه حاليا وكان كلامه منطقي.. وألحين شكلنا طلعنا منه وبكمية تداول طيبه.. مرة ثانية ماأعرف بالتحليل بس على حسب كلام الشباب سابقا...
يا ريت أحد يأكد صحة هالكلام أو ينفيه

 

[schizophrenia]

مبروكين عالتعليقة

رغم اني بعت اليوم اسهم خذيتها بسعر نازل
ولازلت محتفظ باسهم الاكتتاب ولا فيه نية بيع ست شهور قدام

حبيت ابارك لاخواني اللى باعوا بفايدة وابارك لاخواني اللى للحين
محتفظين بالسهم لانه

والعلم عند الله
في ظل غياب الاسهم القيادية ((القيادية)) وظهور اسهم لمجموعات
نوعا ما فاقدة الثقة عند اغلب المتداولين وهي اللى قادت تداولت السوق الايام اللى فاتوا وخففت من خساير السوق

اعتقد
والعلم عند الله
انه القرين بدأ يشغل مركزه كسهم قيادي مستقبلي
والعلم عند الله
القرين والدار
راح ياخذون مهمة قيادة تداولات السوق الفترة القصيرة القادمة حتي
تعود معها الاسهم القيادية من جديد لادارة كفة التداولات

مبروك التعليقة
مبروك للي باع بفايدة واتبع النصيحة اللى قلتها وقالها الكثير قبل اسبوعين
شيل كثير ما تقدر بسعر 440 او اقل وبيع لما تحقق فايدة مرضية

ومبروك للي محتفظ بالسهم لانه لا زال فيه خير كثير

وبالتوفيق للجميع

 

[مستثمر صغيرون]

انا كنت بالسوق وماكو شي ولا خبر
لكن اللي قاعد يشتري ماعنده مخزون قوي لتنزيل السهم فقرر ان يشتري جم مليون بالسعر الرخيص قبل لا يصل 500 فلس لان مخزونه من الاسهم قرب ينفذ فخاف من تسرب الخبر ويدش عليها شخص آخر فسبقهم وشرا وانا اتوقع ان في نزول في القريب العاجل الي 410
هذه وجهة نظر لا اتحمل اي مسؤليه
مع العلم انا بعت وماشريت للحين

 

[**بو عبدالله**]

اذا علق حد اعلى باجر ان شاء الله ...راح اسميه قريندايزر

على على .... هيا هيا قريندايزر!!!!!!!!

 

[قليل البخت]

الف مبروك بس مو حق اليوم حق بكرة :d

 

[قاروه]

دائما ملاحظ اغلب الي يبيعون يقولون السهم بينزل !

على فكره محد ياخذ غير رزقه المكتوب له

قول الله يبارك لملاكه


اذكركم بحديث رسولنا الكريم عليه افضل الصلاة والسلام =حب لاخيك كما تحب لنفسك=

 

[مستثمر صغيرون]

دائما ملاحظ اغلب الي يبيعون يقولون السهم بينزل !

على فكره محد ياخذ غير رزقه المكتوب له

قول الله يبارك لملاكه


اذكركم بحديث رسولنا الكريم عليه افضل الصلاة والسلام =حب لاخيك كما تحب لنفسك=

مشرفنا العزيز انا اتمني الخير للناس كلها
ملاحظاتك جيده ولكن بغير محلها
وفر نصايحك لنفسك
انا قلت تحليل شخصي ومنت مجبور علي الاخذ فيه ولايحق لك التشويه بالنوايا

اظن علم
دمت مشرف لبق

 

[فيتو كوراليون]

مبروكين التعليقة وانشاء الله فوق يا رب

 

[bo fawaz]

انا كنت بالسوق وماكو شي ولا خبر
لكن اللي قاعد يشتري ماعنده مخزون قوي لتنزيل السهم فقرر ان يشتري جم مليون بالسعر الرخيص قبل لا يصل 500 فلس لان مخزونه من الاسهم قرب ينفذ فخاف من تسرب الخبر ويدش عليها شخص آخر فسبقهم وشرا وانا اتوقع ان في نزول في القريب العاجل الي 410
هذه وجهة نظر لا اتحمل اي مسؤليه
مع العلم انا بعت وماشريت للحين

صعبه اخوى مستثمر صغيرون

انا اتوقع السهم اسس على 440 445

حده اذا نزل

وعسى الله يرزق الجميع

 

[bo fawaz]

مشرفنا العزيز انا اتمني الخير للناس كلها
ملاحظاتك جيده ولكن بغير محلها
وفر نصايحك لنفسك
انا قلت تحليل شخصي ومنت مجبور علي الاخذ فيه ولايحق لك التشويه بالنوايا

اظن علم
دمت مشرف لبق

الله يسامحك انت ماعرفت ابوعبدالعزيز

ابوعبدالعزيز من اطيب الناس فى المنتدى

ويتمنى الخير للجميع

 

[بو سليمان]

اللي حاصل بالقرين هو عملية تدوير بالبيع و الاسترداد لتخفيف تكلفة السهم
الملاحظ مثلا اليوم ذهبت لسوق لبيع سهم القرين كنت قمت بشرائها قبل الادراج و قمت اليوم باستردادها
معظم المتعاملين بالسوق مضاربين علي اسهم اخري و قليل من حملة القرين
اعتقد اللي كان له نية بيع باع و الان دور المضاربة اما عملية بيع المكتتبن شبه انتهت
لا يمكن الحكم علي ان عمليات الشراء كلها تجميع بل بدء دور التدوير و المضاربة​

اتوقع غدا راح يحضر عدد لابس به من المكتتبن و يقومون بالبيع بس الحمدالله السوق خف منهم
تصدقون ينامو و كل ما علق السهم ثاني يوم يجون يبعون
السهم متي ما جف من ايدي المكتتبن و خصوصا البياعه راح يحدث له تدوير بالعالي
تدرون ليش التدوير الان المشاريع شبه حصلت علي النسبة لان هناك نسب مستترة و شركاتها واجد راح ترفع السهم حتي اللي يدش عليه يطلع عليه اغلي من بيع السوق

 

[خبير النفط]

[quotعلى على .... هيا هيا قريندايزر!!!!!!!!e][/quote]
المسلسل كان يقول (( قرندايزر انطلق ))
عموما انا كنت شارى السهم 440 وما بعت لما وصل 490 لانه ماكان السعر المستهدف عموما خل نشوف هالمره يوصل ولا لا

 

[مسكين]

ألف ألف ألف مبروك لآخونى الصامدين مساهمين القرين

أبارك لكم و بالتوفيق

منها إلى أعلى بإذن الله

"وبشر الصابرين"​

 

[al-abdli]

qurain chart

اماهه مقاومتين إذا تجاوزهما فغدا شره سيحلق بآفاق جديده حول 600

وهو الآن سيخرج من عنق الزجاجه كما في الشارت وسيخرج غداً إن شاء الله

ليقتحم المقاومه الأولى 490 ثم الثانيه في اليوم التالي 510 ثم ينطلق

بس لو الناس تركد شوي عن الإندفاع للبيع برخيص كان تراه كل يوم تعليقه للأعلى

وبلا شك كلٍ ياخذ نصيبه . نسأل الله التوفيق للجميع

 

[NaaaaR]

مبروكين ومنها للاعلى

 

[issa7952]

الحمد الله ومبروكين شباب على التعليقة الحين صج الواحد يشتهى الغدا ومن صبر ظفر

 

[الفال الطيب]

نعم , ياليت الناس تركد شوي وما تندفع بالبيع..
يا أهل القرين اركدوا واثقلوا واتكنوا ,,,,,,,[/COLOR]
شنو اللي خلا السهم ينزل الايام الماضيه غير هالملاقيف اللي بسرعة يقطون , والحمدلله فكة من هالملاقيف اللي باعوا لانهم طلعوا من السهم , اعتقد ما فيه بياعه منهم بالسهم الان , والدليل الكميات بالايام الماضية قليل مقارنه بأول الايام , وهذا بفضل الله ثم شجاعة اخواننا اللي ماسكين للاستثمار , وانا والله العظيم ما بعت حالي حال اخواني اللي ماسكين السهم , حتى لا احد يشكك , واتمنى اسعار فوق ال650 فلس قريبا.
وملاحظة اخيرة.... حتى لا ننسا البورصة للان ان شاءالله امورها زينه , كل اعلانات ارباح ممتازة , مجلس امة معطل , ماكو حروب , ماكو مشاكل , بالتالي ليش الخوف , توكلوا على الرحمن الرزاق سبحانه.
وادري يمكن فيه ناس تنتقد هالكلام , لكن هذي وجهة نظري الشخصية.
ودمتم بخير................

 

[قاروه]

مشرفنا العزيز انا اتمني الخير للناس كلها
ملاحظاتك جيده ولكن بغير محلها
وفر نصايحك لنفسك
انا قلت تحليل شخصي ومنت مجبور علي الاخذ فيه ولايحق لك التشويه بالنوايا

اظن علم
دمت مشرف لبق

اتمنى ذلك ومو غريب على اهل الكويت حبهم للخير

ثانيا : اي تنبأ يكون مبني على اساس وتحليل ومبدأ

ولاحظت كلامك مو مبني على اي واحد فيهم للاسف

عندك تحليل فني ؟ اتمنى ترفق لنا الشارت

عندك تحليل اساسي او دراسه ؟ اتمنى تحفنا بقرائتها


اتمنى كلامي يكون واضح لك ولغيرك

 

[بانوراما]

دائما ملاحظ اغلب الي يبيعون يقولون السهم بينزل !

على فكره محد ياخذ غير رزقه المكتوب له

قول الله يبارك لملاكه


اذكركم بحديث رسولنا الكريم عليه افضل الصلاة والسلام =حب لاخيك كما تحب لنفسك=

اي والله كلامك صحيح 100%

اغلب الي يبيعون يحبطون الناس وودهم ان السهم ينزل


حب لاخيك ما تحبه لنفسك

صج الي قال " الكويت ماكو شي دامرها غير الحقد والحسد "​

 

[بانوراما]

مشرفنا العزيز انا اتمني الخير للناس كلها
ملاحظاتك جيده ولكن بغير محلها
وفر نصايحك لنفسك
انا قلت تحليل شخصي ومنت مجبور علي الاخذ فيه ولايحق لك التشويه بالنوايا

اظن علم
دمت مشرف لبق

اخي الكريم مشرفنا العزيز ما قال ان انت الي قلت هلحجي
بس الي علي راسه بطحه يسحسسها


انت فضحت روحك الله يهداك ​