هذا اللي وصلتة الكويت

[al_buloshi_32]

( ( (


والله زمن قبل الغزو الناس تقول الكويت سابقه العمر 20 سنه
والحين راجعه فوق 20 سنه

موحرام ياجماعه

الكهرباء طافيه كل شوي والدعايات والترشيد نبيه اخضر نبيه ابيض
والماي نفس الشي


وكل شوي نرفع الدينار موقابل الدولار

والشوارع مسكره

والجمعيات الاستهلاكيه الاسعار نار

وغيره وغيره

والله زمن غدار

ياريت تعليق وبدون رفع ضغط
لانه الموضوع موشي هين والناس موعارفه
ديراتنا بتروح واحنى نطالع الغريب فيها غير كويتي من الجنسيات الاخرى
مستفين وماكل من حلاوتها واحنى للاسف بدون فايده

ياريت بس نشوف الافه اللي فيها​

( ( (

 

[sa3od29]

سنة 1985 كنا من الدول المتقدمة عربيا ومن الدول العالم الثالث الي لنا مكانه عالميا....الحين صرنا من الدول الناميه......وتاخرنا بالزمن اكثر من 20 سنه

 

[انطلق2]

ما نشوف الخير دام في شي إسمه مجلس

 

[jemee]

البوق ذابحنا الله يخلصنا منه

 

[Speed90]

يقولون ماذا فعلنا للكويت
انا عسكري و اسير سبع شهور بأيام الغزو عساها ما تعود
و خدمتي 18 سنه و عندي 4 اطفال
مابقى شي على التقاعد و راتبي 845 دينار و 200 فلس
ممشي اموري و لله الحمد
بس ماكل هوا

 

[الاديب]

ياهووه ياناس

السلام عليكم،،،ياجماعه اشكرووا ربكم على النعمه الحمدلله احنا بخير ونعمه،،،والله مافي دوله في العالم مثل الكويت,,التعليم مجاني،،العلااج مجاني،،المطلقات والارامل ياخذون شؤن,,والبطاله خفت،،وفي بدل بطاله والله عيب هالحجي،،،شوفو مصر شكثر البطاله شوفو ا دول افريقيا الجوع ذابحهم حتى الماي مومحصلينه شوفووا العراق ماكووا امان الحمدلله نحن فيه نعم كبيره وهي الامن والامان،،،شوفووا دارفورر قتل واغتصاب شوفوا باكستان المسلمين يقتلون بالمساجد،،شوفواا افغانستان بعد الامان جاهم جحيم،،،كل واحد منا عنده خمس سيارات ،،،وبدول افريقيا يدورون حمير جلكم الله ،،،ولوو عندنا حمير جان حولناها اقساط من كثر الترف الله يرحم اميرنا جابر ويحفظ اميرنا ابو ناصر صباح الاحمد يلي فكره في هالبلد وحبه لهلبلد والسلام عليكم ورحمة الله وبركاته

 

[saeed]

مرحبا شباب

طبعا ما نقارن الكويت بدول فقيره ونقول شوف الفرق

فى دعايه بالتلفزيون يقولون بحرنا يشتكى يا اخى حس بالمواطنين وبعدين البحر فى ناس كثيره شهاداتهم متوسطه او ثنوي لا عندهم كوادر ولا غيره

راعي الناس هذى مو تشوف اللى فوق الالف معاشاتهم وتقول الناس بخير

الله يعين المسلمين

 

[الاديب]

الله اعرف ناس رواتبهم اقل منك بين 300 دينار و400 وعايشين مستانسيين ومرتاحين تدري ليش لانهم قنوعيين...كمل دراستك وتحصل على مميزات ،،والله فشلتوونا في عرب وخليجيين يدشوون المنتدى خلك حريص على سمعة بلدك وديرتك وحكومتك ومجلسك

 

[Speed90]

الله اعرف ناس رواتبهم اقل منك بين 300 دينار و400 وعايشين مستانسيين ومرتاحين تدري ليش لانهم قنوعيين...كمل دراستك وتحصل على مميزات ،،والله فشلتوونا في عرب وخليجيين يدشوون المنتدى خلك حريص على سمعة بلدك وديرتك وحكومتك ومجلسك

في طريقه ثانيه اسهل
شرايك ندس رؤوسنا بالتراب
مثل النعام
بس جذي تصير مكشوف
لازم اتتنح

 

[modina]

احمد ربك واشكرة على النعمة الى غيرك مو محصلها
شوف بلوشستان شصاير فيهم من ايران
وحس بالامن والامان بهالديرة

 

[saeed]

مرحبا شباب

طبعا ما نخلط الامور احنا نتكلم عن المعيشه اشلون غلت ما نتكلم عن الامان

محد يفهم الكلام اللى نقوله الا من فتح بيت وعنده جم جاهل يبي يعيشهم

ولكن لللاسف ناس كثيره تجهل سلم الرواتب وتهرف بما لاتعرف

والسلام

 

[دينااار]

الحمدلله على كل حال

ياأخواني مايصير الي تسووونه والله عيب تتكلمون عن الكويت جذيه أحنا بخير ونعمه بعدين ماراح تستفيد شي اذا تكلمت في المنتديات جدام الي يسوى والي مايسوى وانتم تدرون الحاقدين على الكويت شكثر ويدورون الزله علينا لا تنزلون من قيمتكم جدام الناس عشان جم دينار وانا والله مثل حالكم بس الحمدلله اني مسلم كويتي.......
ماتذكرون قبل نمشي ونسوي الي نبي ونقول كيفي كويتي لوووووووووووول وللحين كيفي كويتي اسوي الي ابي ولا تزعلون على جم دينار وان شاءالله فتره وتعدي الكويت للحين فيها خير مدام بوناصر الله يطول بعمره شيخنا......
والله يرحم أبونا جابر ويعز أبونا سعد................................

 

[ريماس_82]

حب الكويت

ما نشوف الخير دام في شي إسمه مجلس

وهذا احنا دوم يالكويتيين ندور أي شي نعلق عليه أخطائنا
اللي يقول المجلس واللى يقول الحكومة ، البوق......الخ
ونسينا السبب الرئيسي في ضياع ديرتنا
منو اللي اختار المجلس ؟
منو اللى يستلم راتبه واهو نايم بفراشه ؟
منو اللي ضيع قيم وأصالة هالشعب غير الشعب نفسة

احنا الأصل ضاع فينا حب هالديرة
لو كل منا يسأل نفسه سؤال شلي عمر الكويت ، وكانت في مقدمة الدول قبل
لان كان فيها رجال تحملت وكافحت وشالت الصخر وغنت اليامال و تحملو الجوع وقلة الدخل عشان الياي يكون أحسن
وصارت الكويت بس للأسف كل واحد يدور مصلحته وبس
لو كل واحد فينا يراعي ضميره ويخاف ربه بهالديره كان ظلينا الأوائل
لو كل واحد ما يقول واشمعنى أنا اللى ما أسوي كان ظلينا الأوائل
لا تسكت عن الحق وراعي ضميرك و بالتأكيد راح تلقى من يحاربك بس على الأقل توفي حق ديرتك عليك وتنام وضميرك مرتاح
علمو عيالكم حب الكويت
مو مهم تعيش في فيلا دورين ولا تركب سيارة كاملة المواصفات ولا بالضرورة تسافر كل سنة
بس الأهم تكبر وتقوم بواجبك في المجتمع،ملي عيونك بتراب هالديرة وشكثر بعطي مو شكثر باخذ
كون اسرة وعلم أهلك وعيالك حب الكويت والقناعة بقسمة ربك
تربح الأهم


بنت الكويت