تصحيح كبير لأسهم البحر

[قاروه]

اقول الي ما يعرف الصقر يحطه بالمكروييف

 

[قنوع ؟]

شباااااااااااب عن الاحباطات قاعدين تكسرون مياديفنا بروحنا مو ناقصين

احنا مركبنا صار سماااااااااارى
لا شراع ولا مجاديف
حسبى الله على من كان السبب

 

[قنوع ؟]

يا جماعه ارتفع الضغط والسكر
والنفسيه مو صفر الا زيرو
نبى الاسعاف والدعم وما نبى مقاومه ولا تصحيح

 

[المضارب السريع]

يبا نصيحه اللي قلبه رجيج لا يدش على مجموعة البحر لان البحر دائما يسوي خض بطون واذا انت رجيج ماينفعك راح تخسر

 

[بانوراما]

عندي احساس ان باجر راح يكون وضع اسهم البحر افضل من اليوم ( مجرد احساس لاغير )​

 

[قنوع ؟]

يبا نصيحه اللي قلبه رجيج لا يدش على مجموعة البحر لان البحر دائما يسوي خض بطون واذا انت رجيج ماينفعك راح تخسر

افا عليك يالمضارب السريع
وراه وراه ما ابيع الا وانا ربحان باذن الله
وانا متفائل ببكره والله يقسم الخير
وانا اعتز برايك
ومشكوووور بس لا تلومنى صابتنى رجفه

 

[قنوع ؟]

عندي احساس ان باجر راح يكون وضع اسهم البحر افضل من اليوم ( مجرد احساس لاغير )​

ايه هذا الحجى الزين اللى يخلى الواحد ينبسط
بس نبى الماسنجر يروح ويقوم برحله مكوكيه لبرج الصالحيه ويجيب الخبر والله يوفقكم ويوفق اخوى المضارب السريع

 

[خوش خبر]

سوق الكويت

تمنياتى لكم بل التوفيق

 

[كوستا]

ومشكوووور بس لا تلومنى صابتنى رجفه
..........................................................................
والله يا اخ قنوع ؟
....................
انا هم مثلك رجفيه على سحكيه يبيلى الشويح عند ميزان اسد يرفعونى على الدكت ويضبطون الهيئه كلها
كله منك يا البحر ارفع عقارات الكويت
مع التحيه وناطريق اخونا المضارب السريع
مع التحيه

 

[قنوع ؟]

ومشكوووور بس لا تلومنى صابتنى رجفه
..........................................................................
والله يا اخ قنوع ؟
....................
انا هم مثلك رجفيه على سحكيه يبيلى الشويح عند ميزان اسد يرفعونى على الدكت ويضبطون الهيئه كلها
كله منك يا البحر ارفع عقارات الكويت
مع التحيه وناطريق اخونا المضارب السريع
مع التحيه

اخوى انا بروح حق سعد بريك
لان الهيئه كلها بوشت
وما راح انام لغاية ما اشوف الخبر من اخونا الماسنجر وصل من الرحله او لا

 

[قاروه]

يا جماعه عسى ماشر ! صلوا على النبي

اول مره تشترون سهم وينزل فيكم !

خلكم ريلاكس :d

 

[قنوع ؟]

عليه الصلاة والسلام سيد الخلق اجمعين

بس لا تلومنى اخوى قاروه
عيونى احولت من السهم
بس وراه وراه ما اهده الا بربح ان شاءالله
وانا متفائل خير بكره
بس من خضة البطن صابتنا رجفه الواحد صار يمشى على جنب

 

[قاروه]

عليه الصلاة والسلام سيد الخلق اجمعين

بس لا تلومنى اخوى قاروه
عيونى احولت من السهم
بس وراه وراه ما اهده الا بربح ان شاءالله
وانا متفائل خير بكره
بس من خضة البطن صابتنا رجفه الواحد صار يمشى على جنب

اذا تبي نصيحه

انسى سهمك مدة شهر وتعال شوف الاسعار بعدين

 

[الاديب]

اخ قاروه كلامك يبرد القلب بس نبي تحليل فني شنو المؤشرات ل الدوليه م ا بالنزول ولا راح يصعد،،،وليش باعت ايفا سهم دوليه م ا

 

[قنوع ؟]

اخوى قاروه
اشكرك على النصيحه
وكذلك اشكر اخوى المضارب السريع
وما راح ابيع وراح ادفن اسهمى تحت الكاشى وراح اطلعهم بعد شهر

 

[المضارب السريع]

اخوى انا بروح حق سعد بريك
لان الهيئه كلها بوشت
وما راح انام لغاية ما اشوف الخبر من اخونا الماسنجر وصل من الرحله او لا

ههههههههههههههه
ان شاء الله تروح منك الرجفه على طول لان هذا البحر اذا فيك رجفه تغرق

 

[alcaptin]

غدا التماسك باذن الله

وانا اقول الدعم 260 قوى جدا باذن الله

وباكر التماسك راح نشوفه شوف العيان ههههههههه

واللى يشوف د م ا تحت 260 يخمطها بدون تردد

 

[سهم بورصوي]

السلام عليكم

يعطيكم العافيه ياأخواني نصيحه لوجه الله اللي يبي يدخل على أسهم البحر لازم يدخل ويطلع بنفس اليوم القصد انك تضارب في هذه المجموعه ولايسكر السوق الا وانت مكيش بمعنى لو حب البحر يخفس بالعالم راح يصكه كل حد ادنى وماراح تلقون طلب شراء عموما هذه نصيحه وقرار البيع والشراء لكم ولكم مني جزيل الشكر

 

[بورصراتي]

اذا تبي نصيحه

انسى سهمك مدة شهر وتعال شوف الاسعار بعدين

متى تبي الاكشن؟ :d

 

[سهم بورصوي]

وانا اقول الدعم 260 قوى جدا باذن الله

وباكر التماسك راح نشوفه شوف العيان ههههههههه

واللى يشوف د م ا تحت 260 يخمطها بدون تردد

يعطيك العافيه يالكابتن حبيت اقول على شي انت ماتعرفه البحر مؤشراته كلها فوق والحين قاعد يجني أرباح ممكن يسوي حركه نفس الحركه اللي سواها اليوم يصعد العالم وبعدين يخفس فيهم عموما حبيت ارد واقول البحر مايرد على دعم ولا على مقاومه بسبب عنده دعم قوي 285 ومارد عليه وكسره عموما انت صاحب القرار وشكرا