والله آنا ماني شايف شي جديد بهالخبر !!! الكويت عطت قرض حق أحد الدول شنو يعني ؟؟؟؟ شي ماهو جديد ولا مستغرب وياما تعودنا على هالاخبار ... قروض ... منح ... مساعدات حق أمريكا !!!
فيا عزيزي الشي هذا مو غريب ولكن الغريب لو نسمع خبر إن الدوله أسقطت قروض مواطنيها أو طورت من البنية التحتيه لديرتها أو طورت مرافقها اللي صارت مرتع للفئران والصراصير ,,, فإهنيه تكون الغرابة وليس في موضوعك لأن موضوعك تعودنا نقراه من عمر فما فيه شي غريب ... يعني تعودنا نشوف وننطم ... والدول الثانيه اللي نروح لها ونصيف فيها وتبهرنا بجمالها وبعمرانها وبتطورها كلها من صنع ديرتك اللي أغدقت عليها بالهبات والمنح وبنتها طوبه طوبه لين صارت ديرة سنعه ,,, لا وكل سنه تتدمر والكويت تعيد بنائها مرة ثانيه ,,, وديرتنا على ما هي على طمام المرحوم ,,, يا حبيبي حكومتنا تمشي على نهج اللي يقول عط المتعود وخل المحروم ,,,, وسلملي على الباذنجان يا المحروم .