حرامية الاكتتابات !!

[boalons]

بعد قرار لجنه السوق بتشديد شروط الادراج و الانتكاسات والخسائر التي اصابت الكثير من المكتتبين بسبب تداول اسهمهم باقل من سعر الاكتتاب سواءا للشركات المدرجه بالسوق او بسوق الجت

هل اصبحت الاكتتابات الخاصه مغريه كالسابق ؟

 

[NaaaaR]

من وجهن نظرى انها مغريه عن نفسي خسرت باكتتابات خاصه تقريبا 10% وفيه اكتتابات ثانيه ربحت فيها 3 و 5 اضعاف انا اشوفه مغريه واذا تصبر عليها ماراح تخسرك باذن الله ويعتمد على اصحاب الشركه هل ثقه او لا

 

[بوسعود66666]

بس الاكتتابات بالكويت مو مغريه لان ماتنزل بالبورصه الا بعد اربع سنوات اما فى الخليج بعد يومين او بالكثير اسبوع شفتو الفرق الحين ؟؟؟؟؟؟؟؟؟؟؟؟؟؟

 

[boalons]

الله يعطيكم العافيه

حبيت انبه على نقطه

انا اقصد الاكتتابات الخاصه وليست العامه

وهذا مثال للتوضيح

العامه مثل بنك بوبيان ,القرين ,الاولى للوقود وماشابه

اما الخاصه مثل اوكيانا , اجال , استحواذ ...

 

[*بو عبدالله*]

انا اتصور ان الاكتتابات يظل فيها هامش امان اكبر بكثير من التداول المباشر بالاسهم

والربح فيها الى اكثر من الضعف ايضا شبه مضمون بالمقابل ان التداول في السوق تكون معرض للخسائر


عموما ممكن نحسبها ان خلال 3 سنوات راح تدرج الشركة واتصور الادراج لا يقل عن 200 فلس يعني الضعف

بالمقابل السؤال الي يطرح نفسه كم ربحيتك خلال السنه عن طريق التداول بالسوق ؟؟؟؟؟؟؟؟؟؟؟؟

اتصور 25 الى 30 % كمحصلة وحط في البال التعب والمتابعه و و و و ...الخ من امور
وطبعا هذي تفرق من شخص الى اخر وفي ناس يخسرون وفي ناس ربحيتهم بالسنه ما تطوف ال 5 % وفي ناس يمكن يتضاعف راس مالهم حسب التوفيق من الله عز وجل


بو عبدالله

 

[FOCUS]

إخرطيييييييييييييييييييييي !!!!

والله إلي إشوف إستحواذ وأوكيانا ومنازل وخباري والخليج القابضة وغيرهم كثير .... شنو إقول !!!!! (

أنا مكتتب في أوكيانا قالي أحد موظفين الدار أن الأدراج بعد سنة من الإكتتاب .. وإلى يومك قربنا من السنتين يتهربون عن موعد الإدراج .

الحاصل جمدنا جم آلاف الدنانير بدون فايدة

لو مضارب فيهم إلى هذا اليوم جان طلعت منهم مكسب محترم .

يعني الإكتتابات الخاصة إخرطي إي نعم إخرطي ( مومغرية ) ووضحت الأسباب !!!!.

بس شقول والله ماودي أقول جذبوا علينا قوية ... أقول اضحكوا علينا وارفعوا ضغطنا ومرمرونا حسبيا الله على إبليسهم . لا حول ولا قوة إلا بالله ..


وشكرا لك .

أخوك فوووووكس .

 

[حفار قبور]

الحمد لله آنه ولا إكتتاب خسرت فيه من العشر شركات اللي إكتتبت فيهم ، بالعكس الربح حلو وبعضهم الربح أضعاف مضاعفة ولله الحمد والمنة ، لأني ببساطة مو أي شركة أكتتب فيها ، الشركة اللي لها صيت كبير بين الناس أكتتب فيها واللي مالها صيت ما أغامر لأن هاذي فلوس مو ورق عنب

 

[ناصر دشتي]

سؤال وتكفون ابي جوابه محيرني الحين اللي بسوق الجت الاسهم راح تندرج بسوق بعدى فتره ولا راح تروح فلوسنا علينا وحده منهم ما ابي ثالث وتسلمووووووووووووووون

 

[ابوعايض]

الاكتتابات الخاصه بوق وحرمنه ولكن بطريقه رسميه وللاسف دعم من الدوله
الشركه بدال لا تاخذ قرض تاسس شركه وهميه وتسوي اكتتاب وتنصب على العالم دار الاستثمار تبي 250 مليون اسسة شركة استحواذ

 

[Believer]

والله إلي إشوف إستحواذ وأوكيانا ومنازل وخباري والخليج القابضة وغيرهم كثير .... شنو إقول !!!!! (

أنا مكتتب في أوكيانا قالي أحد موظفين الدار أن الأدراج بعد سنة من الإكتتاب .. وإلى يومك قربنا من السنتين يتهربون عن موعد الإدراج .

الحاصل جمدنا جم آلاف الدنانير بدون فايدة

لو مضارب فيهم إلى هذا اليوم جان طلعت منهم مكسب محترم .

يعني الإكتتابات الخاصة إخرطي إي نعم إخرطي ( مومغرية ) ووضحت الأسباب !!!!.

بس شقول والله ماودي أقول جذبوا علينا قوية ... أقول اضحكوا علينا وارفعوا ضغطنا ومرمرونا حسبيا الله على إبليسهم . لا حول ولا قوة إلا بالله ..


وشكرا لك .

أخوك فوووووكس .

لو !!!!
الي نضارب من سنتين أغلبه خسران ...

 

[مضارب عقاري]

انا بوجهة نظري مغريه بس تبي صبر وان الله مع الصابرين

 

[ولد البورصه06]

انا انصح بلعامه بس الخاصه كلش لا

 

[الفاخر]

ليست مغريه مقارنه مع العام بجميع النواحي سواء عدد الاسهم والحد الادنى والاعلى العام افضل