مطلوب مساعده

[فني بورصه]

السلام عليكم ورحمة الله وبركاته .....................

بصراحه أنا جديد بسوق الأسهم و ( عندكم بالمنتدى ) وأرجوا مساعدتي ومأزرتي وكل الشكر لكم .

أرجوا أن توضحوا لي سر صعود سهم الصفوة منذ أسبوع .

وهل أستطيع شراءه وبيعه بعد ( 3 ) أسابيع .

وشرايكم بسهمي ( جيزان ----- عقارات ك ) راح يرتفعون بتصوركم .

وشكراً ....................


وأقبلوا تحياتي .
أخوكم ( فني بورصه )

 

[kuwait25]

حياك الله اخوي فني بالمنتدى وان شالله الاخوان مارا ح يقصرون

بالنسبة لي ماقدر افيدك بهالشي لكن حبيت ارحب فيك

 

[boalons]

اخوي اذا انت جديد بالسوق فنصيحه ابتعد عن اسهم البحر ترى الي صاير عليها الحين مضاربات عنيفه ويمكن تصعد اكثر او يتضاعف سعرها لكن لازالت خطره

ونصيحه قبل لا تدخل السوق تعلم التحليل الفني اما عن طريق كتب او دورات وانا افضل انك تدخل دوره لانك راح تتعلم افضل

لاتاخذ السوق بسهوله ترى اخطر ستثمار البورصه فالافضل او الواحد مايدخل الا ويكون متسلح بادوات تساعده على اتخاذ القرارات السليمه !

والله يوفقك

 

[بن تركي]

اخوي اذا انت جديد بالسوق فنصيحه ابتعد عن اسهم البحر ترى الي صاير عليها الحين مضاربات عنيفه ويمكن تصعد اكثر او يتضاعف سعرها لكن لازالت خطره

ونصيحه قبل لا تدخل السوق تعلم التحليل الفني اما عن طريق كتب او دورات وانا افضل انك تدخل دوره لانك راح تتعلم افضل

لاتاخذ السوق بسهوله ترى اخطر ستثمار البورصه فالافضل او الواحد مايدخل الا ويكون متسلح بادوات تساعده على اتخاذ القرارات السليمه !

والله يوفقك[/QUOTE

النصيحة اللي اضيفلكياها على كلام اخونا الكريم انك لا تدخل في مغامرات ممكن بالنهاية تخسر راس مالك فيها وماخاب من استشار وفي اخوه كثر هني بالمنتدى معرفين بنزاهتهم وبتفانيهم بالمعلومات والتحاليل الفنية وهم في شغلة ثانية مو كل مايكتب هني بالمنتدى تاخذه لأن هم في ناس للأسف تطبل لأسهم وممكن انك تاخذ بكلامهم وتدخل وبعدين تتوهق

بالنسبة للصفوة سبب ارتفاعها هاليومين بسبب انه ارباح النصف سنه كانت فوق الممتازة ومقارنة مع سعر السهم السوقي لتلك الأرباح يعتبر السهم رخيص جداً وماهو سعره العادل فلذلك تشوف هالإرتفاعات اللي عليه

مايمنع دخولك على السهم في الوقت الحالي ولكن لازم تحدد نوعيت عملك في البورصة هل راح تكون مضارب يومي اسبوعي او مستثمر قصير الأجل من شهر لشهرين مستثمر متوسط الأجل من ثلاث شهور لغاية الستت شهور كونك مبتدى انصحك انك تكون مستثمر متوسط الأجل يعني تحط فلوسك بسهم يكون ايجابي وتنطر عليه من غير اي مضاربات لأنك بهالحاله هذي ممكن تدخل براس المال ولاقدر الله ممكن تطلع ومعاك الشي القليل من راس مالك وهذا اللي ما اتمنالك ياه لك ولجميع المبتدئين وهذا الشي اللي قاعد اقولكياه انا مريت في ببداية عملي بالبورصة منذ ثلاث سنوات وخسرت الكثير من راس مالي حتى تعلمت القليل من خفايا الأسهم الركادة ثم الركادة ثم الركاه والإستعانه باشخاص ذوي خبره في هذا المجال قبل الدخول على اي سهم والمغامرة فيه اتمنالك التوفيق وارجوا انك تكون حذر