شركة دار الإستثمار ش.م.ك.م ( الدار ) ...3

[Loyal_Q8]

يا جماعة الخير أنا أتوقع السهم رح يبدي يرتفع

بتاريخ 3 / 10 / 2007 حسب تحليلي للسهم

والله أعلم

شلون حسب تحليلك؟ ارجو الافادة.

 

[human67]

شوف الله يسلمك لما راجعت الشارت على السنوات السابقة لقيته يقفز بهالفترة
اللي هي ما بين أخر شهر تسعة وشهر عشرة وهذي الفترة هي بداية أعلانات الربع
الثالث والسهم أرباحة 121 لنصف السنة يعني لو بيعلنون أرباح أقل شي 20 فلس رح
يكون السهم محقق أرباح 141 فلس هذا وباقي أرباح الربع الرابع للي ألحين ما وصل وقتها
يعني لو بيحقق السهم 10 فلوس زيادة عاى أقل تقدير رح يكون 151 فلس وهي أرباح فوق العادة
بالنسبة للسهم , والشركة شغلها ممتاز وأخبارها طيبة ولا في شي يدل على خساير إلى
هذه اللحظة والله أعلم ولكن توقع

ثانيا ال P/e للسهم حتى منتصف السنة 4.4 (حسب تقرير جريدة القبس وتم حسابه على أرباح
نصف السنة ) لكن حتى لو أحسبها بشكل مبسط بأن أقسم السعر على الربحية علما بأني
ليس ملم بحسبة الp/e تطلع 8.9 طبعا يوجد فرق بين حسبتي وبين تقرير القبس
بحدود النصف لكن في الحالتين أهو أقل من ال10 مما يعني بأنه مضغوط ورح يقفز سعره

هذا والله أعلم وأنا ما أقولك أنا محترف بالأسهم لا والله لكن السهم واضح حتى للغشيم
بس الخوف من مستجدات غير متوقعة على الشركة من أخبار

 

[البيت الخليجي]

السهم مضغوووووووط حده ... و أنا بصراحة ما عندي هذا السهم
لكن السيناريو الذي سيحصل و الله أعلم هو كالتالي:
ضغط شديد ثم دخول بنك ميريلينش على الشركة ثم إدراج في بورصة لندن
ولن يقل سعر الإدراج عن 1600 فلس
وسيحصل مثل سيناريو تمويل الخليجي اللي انضغط على سعر 460فلس إلى أن شبع و من ثم انطلق إلى 650فلس وهو سعر إدراجه في بورصة لندن ...

هذا الكلام ليس دعوة للشراء بل هي دعوة لملاك السهم بأن يصبروا عليه إذا كانوا خسرانين بالسهم أو لم يكن عندهم فرص أكيدة الربح ...

وبالتوفيق
(لو عندي فلوس لحطيتهم بالسهم و أنام مرتاح و ما أطل على البورصة )

 

[Loyal_Q8]

تسلم على التوضيح و الوقت المبذول ...

المفروض اللي تفضلت فيه يكون صحيح

السيناريو هالسنة يختلف قليلا، ستكون هناك زيادة رأس مال للشركة مما سيؤدي الى تماسك السهم على هذه الاسعار المتدنية.

بعد زيادة رأس المال (لما الملاك الكبار) يلمون الزيادة (لأن كلنا راح انكون ملينا من السهم).
راح يرتفع وهذا اتوقع راح يكون مع اغلاق الربع الرابع علشان يمديهم يضبطون شغلهم..

مادري بس اتوقع هيك..

 

[FLOOD]

شوف الله يسلمك لما راجعت الشارت على السنوات السابقة لقيته يقفز بهالفترة
اللي هي ما بين أخر شهر تسعة وشهر عشرة وهذي الفترة هي بداية أعلانات الربع
الثالث والسهم أرباحة 121 لنصف السنة يعني لو بيعلنون أرباح أقل شي 20 فلس رح
يكون السهم محقق أرباح 141 فلس هذا وباقي أرباح الربع الرابع للي ألحين ما وصل وقتها
يعني لو بيحقق السهم 10 فلوس زيادة عاى أقل تقدير رح يكون 151 فلس وهي أرباح فوق العادة
بالنسبة للسهم , والشركة شغلها ممتاز وأخبارها طيبة ولا في شي يدل على خساير إلى
هذه اللحظة والله أعلم ولكن توقع

ثانيا ال P/e للسهم حتى منتصف السنة 4.4 (حسب تقرير جريدة القبس وتم حسابه على أرباح
نصف السنة ) لكن حتى لو أحسبها بشكل مبسط بأن أقسم السعر على الربحية علما بأني
ليس ملم بحسبة الp/e تطلع 8.9 طبعا يوجد فرق بين حسبتي وبين تقرير القبس
بحدود النصف لكن في الحالتين أهو أقل من ال10 مما يعني بأنه مضغوط ورح يقفز سعره

هذا والله أعلم وأنا ما أقولك أنا محترف بالأسهم لا والله لكن السهم واضح حتى للغشيم
بس الخوف من مستجدات غير متوقعة على الشركة من أخبار

الله يعطبك العافيه بحطلك جدول فيه P/E لشركة الدار على اقفال اليوم

 

[Loyal_Q8]

كثر حقد المستثمرين والمضاربين في هالشركة,,,,,
حقد ماتشيله حتى البعارين .....

 

[human67]

الله يعطبك العافيه بحطلك جدول فيه P/E لشركة الدار على اقفال اليوم

شكرا لك يا أخ Flood

بس ممكن تفيدني منين هالجدول وشلون أقدر أحصل عليه
لجميع الشركات بارك الله فيك


تحياتي لمستثمرين شركة الدار
والفرج قرييييييييييييب بإذن الله

 

[SMoOoKY]

بسنا ضغط بسنا ضغط ....
انا محد كاسر خاطري الا اخونا لويال كيو ايت احس انك بتفجر بالشركه على يوم....بس قولي خلني انحاش من مجمع الرايه قبل لاتفجر.....

انا اقول الي مو نازل عليه وايد السهم يصبر ولاكن لاتنسون الستوب لوووز....

 

[Loyal_Q8]

SmoOOooOooKy انا وضعي الحالي مو ستوب لوز، اللي صاير هو كللو لوز .
1,480 قبل مايتفصخ السهم و جددت 3-4 مرات، عليك الحسبة p:

الله كريم انشاءالله :]

 

[SMoOoKY]

SmoOOooOooKy انا وضعي الحالي مو ستوب لوز، اللي صاير هو كللو لوز .
1,480 قبل مايتفصخ السهم و جددت 3-4 مرات، عليك الحسبة p:

الله كريم انشاءالله :]

والله ماقولك الا الله يعينك ويوفقك خير ان شاءالله......
وهذا السوق يا فوق ياتحت ....

وأخوك ماهو محلل فني متمكن بس انا اشوف الدعم الاخير 1.020 والله يعين...
الله يوفق الجميع ان شاءالله....

 

[مضارب 2]

سلام عليكم


الله كريم ويرتفع السهم ..........



ودمتم...............................

 

[Bubyan]

شباب معقولة خايفين من سهم دار الاستثمار؟
وين بيروح بعد؟
وهو تفسخ على 1.020
معقولة ينزل عنها وهو محقق 0.121 فلس ارباح نصف سنوية؟

شباب السهم عليه خبر زيادة رأس المال مأثر على سعره اصبروا وبعدها وان شاء الله راح يرجع لسعره القديم وأعلى... قولوا آمين

والله الموفق

 

[misho200]

ابي بنج اكثر

 

[human67]

ابي بنج اكثر

هاهاهاها هاااااااااااااا

والله ضحكتني يا ميشو

 

[Loyal_Q8]

الله كرييييييييييييم انشاءالله

 

[misho200]

http://www.middleeastbulls.com/weekly/StockPage.asp?CompanyTicker=TID&MarketTicker=KUWAIT&Typ=S


كحلوا عيونكم BUY IF

 

[SMoOoKY]

أهو من ناحية باي باي بس تصيده من الدعم او قريب أحسن....
وانا تضامنا معاكم بدش يا يرتفع فينا يا نخفق الله لايقوله ....
والله انا اشوف سعره وايد مناسب وصارلي جم يوم من افتح صفحة البورصه عيوني بروحها تقعد تراقبه....

شكلي برد نفس اول مادخلت السوق ادرعم وأذا نزل اقول استثماري ايام الله لايعودها....

 

[Bubyan]

ابي بنج اكثر

الله يرزق ويرزقنا معاك من خيره

 

[Loyal_Q8]

غير معقول، السهم انطلب على ال 1,060 ..
شالطاري،، شنازل عليهم، ولا تهقون مايبونة ينزل تحت ال 1,060 للاقفال الربع سنوي؟

 

[misho200]

قبل يومين عزمت ابيع .. الطيور طارت بارزاقها وانا من خساره لي خساره بهالسهم
آخر لحظه ما هان علي صبري وقريت تعليق من واحد من الشباب يقول 03\10\2007
الغشمره تنتهي ويبتدي اللعب بالحلاوه .. آخر لحظه ما هان علي صبري
عموما الله لا يضيع لكم تعب ولا صبر انشالله.