دعوة للكويتيين لمحاربة غلاء المكالمات

[q879]

فكره صح وانا معاكم وان شاء الله

 

[KUWAIT_220]

[QUOTE]اقتباس:
المشاركة الأصلية كتبت بواسطة خبير النفط


بس الكويت ارخص مكالمات فى الخليج

اذا جربت المكالمات بهواتف الخليج بعدين رد وقول ان الكويت ارخص مكالمات بالخليج

السعوديه الدقيقه 1 ريال والامارات درهم هذا فى تلفوناتهم لاكن اذا انت مشغل الجوال راح تدفع سعر المكالمه الدوليه + المحليه + نسبه الهواتف
احنا مكالماتنا اكثر شىء 40 فلس الدقيقه يعنى نصف سعر الامارات والسعوديه[/QUOTE]


صدقني قاعد اتكلم بالتلفون السعودي مايخذ ي شي اكثر المكالمات قيمة في الخليج الكويت
ولا في عروض
ولا يوم بالاسبوع فري
وشكو واحد يدق على من برا يحسب على فاتورتي
وليش لما ادق على برا ومدة المكالمة 1 دقيقة وثانية يحسب على سعر دقيقتين و59 خمسين ثانيه لييييـــــــــــش حاسبينها على وانا ماتكلمتها
وليش لما ادق يحسب على سعر مكالمه محلية ودولية
والمسجات الدولية زادو سعرها
من فترة واشكرك

 

[KUWAIT_220]

ههه

جنك تدري

الله اعز الجمارك

هههه قول من الاول جذية

 

[الريان]

ما في مانع .. بس نتفق على التاريخ .. ونبي اكثر من 50,000 شخص معانا عشان نأثر.

وشيل الحريم من الحسبة .. لو تعطي كل وحدة 100 دينار باليوم وتبطل تلفون .. اشك تسويها

وفي اخت فوق تثبت كلامي .. وامبين انها عصبت عليك شوي بعد D:

ماراح اعلق على موضوعك

بس هل تعلم ان اذا اتصل عليك شخص من الخارج التكلفة تحسب على الطرفين ولكن انت اقل من المكالمة الدولية واغلى بشي قليل عن الاتصال العادي والمضحك بالامر لو صار العكس الطرف الاخر لايحسب عليه بتاتا

 

[خبير النفط]

بدبي شريت خط دو السياحي ياجماعه شي مو طبيعي سيرفس قوي وكل بعد مكالمه يجيك مسج يقولك جم باقي برصيدك كلمت الكويت عشرين مره وكلمت مصر مرتين كل هذا بس بثلاثين درهم او 35 وبعدين في خدمه ثانيه اذا تبي البداله تتصل على 199 مجانا ويردون عليك بسرعه ويدزلك الرقم اللي تبيه مسج يستغرق مكالمة البداله خمس ثواني بالضبط والرقم عندك.......وفي معلومه مهمه الكويت الدوله الوحيده اللي خط الايزي او الوطنيه لازم يكون فيه رصيد علشان تستقبل مكالمه دوليه ويخصم عليك على قد المكالمه؟؟؟ باقي الدول حتي لو مافيه رصيد يستقبل والحساب على المتصل؟؟!!

22 فى 10 = 220 دقيقه
35 درهم تقسيم 220 = 16 فلس اماراتى = 12 فلس كويتى للدقيقه مكالمات دوليه اكثر من ممتاز بس اكيد يا بو فيصل 77 ما دفعت الا 35 درهم

 

[ابوفيصل77]

22 فى 10 = 220 دقيقه
35 درهم تقسيم 220 = 16 فلس اماراتى = 12 فلس كويتى للدقيقه مكالمات دوليه اكثر من ممتاز بس اكيد يا بو فيصل 77 ما دفعت الا 35 درهم

اخوي اكيد مراح تصدق وانت حر ... على فكره اهم مسوين عروض وخصومات ...ولما تروح دبي وتشتري خط دو السياحي راح تدعيلي الله يسلمك

 

[أبو فلسين]

انا اقول لو انشوف المنتجات الغذائيه اللى قاعده ترتفع واحنى لا نبالى برتفاعها وايد احلى لانه المنتجات الغذائيه لها مده معينه وتنتهى صلاحيتها راح يعدلون بسعارها صدقونى

 

[NBK]

حاضرين للطيبين

وانا بعد وياكم

 

[abdulaziz-81]

صراحة المكالمات غاليه خاصة الدفع المسبق
اما الفواتير في نظام الشركات والوزارات والحمدالله تكلفه اقل.
انا معاكم في الدفع المسبق

 

[KUWAIT_220]

رد

انا اقول لو انشوف المنتجات الغذائيه اللى قاعده ترتفع واحنى لا نبالى برتفاعها وايد احلى لانه المنتجات الغذائيه لها مده معينه وتنتهى صلاحيتها راح يعدلون بسعارها صدقونى

اشكرك على هاذي المشارك واشكر جميع الي شاركو لاكن 100 خطوة تبدآ بخطوة حنا خلنا نبدآ وحده وحده ورايك حلو ومتفق معاك بس خلنا نركز على موضوع 1 ولم نخلص منه نبتدأ بالثاني لكي لانتشتت

 

[عتيج]

اشكركم جميعا ياشباب اهتمامكم برسالتي
لابد تبدون رايكم باختيار يوم لتنفيذ ذلك او ايام
اشاريكم يوم الجمعه 21-9-2007
او
5-10-2007
او
19-10-2007
او
2-11-2007

hk
انا اقول يوم 7-9

 

[((بن حسين))]

ما عليه ان شاء الله تتعدل

في بعض الدول باوربا المكالمات مجانية اذا تتكلم مع احد بنفس الشبكة

وهذا راح يصير عندنا بعد 50 سنة بعون الله

الله يكون بالعون​

 

[ماسنجر كويتي]

بسم الله الرحمن الرحيم

السلام عليكم ورحمة الله وبركاته

هذه فكرة سبقآ فيها اشقائنا السعوديين
لتحديد يوم عدم استخدام الهواتف النقالة إلا لضرورة
وهي وسيلة نستخدمها لضغط على الشركات من تقليل جميع الرسوم واسعار المكالمات وجميع الخدمات

هاذي فكرة وانتظر ردودكم بشأن تخصيص يوم يفضل اجازة ويكون على مدى يعيد ليتم ابلاغ جميع القروبات والمنتديات وارسال الاميلات

لا ياخوك تبي الهواتف والأتصالات باجر حد أدني(

 

[jeme_E]

انا عن نفسي بديت حربي ضد الاتصالات من زمان

وقليت البديل الوطنيه فحولت لها

والسبب

ان الاتصلات تقدم خدمات خياليه من عروض لخارج الكويت فورعها بالبحرين
والاردن وغيرهم

تعبي الايزي مثال اب 10 لك 20/100 او اكثر مجانا فوق فلوسك

غير لك عدد صور مجاني وعروض خاصه للعسكرين
واخرى للطلبه

وووووووو

بالكويت ولا شي

والاغرب بس الكويت اللى اعرف لما تستقبل مكالمة من برى يحسب عليك

مكالمه محليه !!!!

بالاردن مافي مجانا مع العلم انها نفس الشركة

بالبحرين مافي معالعلم انها نفس الشركه

قيمة المكالمات بالكويت اضعاف الاردن اللى توصل الدقيقه 5 فلوس قرش واحد !!!
فوق 12 بالليل وبالوقت العادي 15 فلس تقريبا 3 قروش

غير العروض والدقائق المجانيه

ولا الحين احنا بشياء كثيره عين عذاري !!!!!

 

[ياسر الروقي]

توني جااى من السعوديه بعد عشر ايام كنت هناك وقبل لا اسافر

مصفر النقال 48 دينار ولا استخدمت النقال الا 45 دقيقه تقريبآ تجوال

تدرون جم فاتورته 36 دينار يعني الدقيقه 800 فلس تقريبآ
ام تي سي شركة الاختلاسات

 

[مضارب شجاع]

فكره حلوه ولاكن تحتاج الى شجاعه فى اتخاذ القرار ويجب ان نحدد يوم معين ونحن والاصدقاء والاعضاء فى المنتدى وسوف نكبل الشركة خساره لا تنسى !!!!!
وانا اوقع ان الشركة مو معتمده عليها نحن بس فى الكويت والدليل ان رئيس الشركه البراك قال يوما ما اناا لا نعتمد على السوق الكويت لاننا فى الكويت نفتح خط واحد فى اليوم!!! ونفتح مئات الخطوط فى العالم فى اليوم الواحد
وهذا يدل على انهم لا يعتمدون علينا بس
ولكن لنحاول على الاقل ويمكن نعطيهم درسا لا ينسونه ابدا

 

[ميثاق]

انا اؤيد هذة الفكرة بقووة وياليت نحدد هاليووووو خلال الشهر القادم

كذلك ياليت نحدد يوم مانستعمل فيه السيارات الا للضرورة للمساهمة في حماية البيئة من تلووث عوادم السيارات


مؤيد ( شعاااار الحملة )

 

[Zero]

كذلك ياليت نحدد يوم مانستعمل فيه السيارات الا للضرورة للمساهمة في حماية البيئة من تلووث عوادم السيارات
مؤيد ( شعاااار الحملة )

شلون بالله روح نخلص اشغالنا او نروح لدواماتنا ؟ نواى تفصلنا انت !!

 

[ميثاق]

شرايايكم في تحديد يوم
الاحد 9 / 9 / 2007م ؟؟


مــــــــؤيـــــــد

لحملة مقاطعة شركتي الاتصالات لتخفيض قيمة المكالمات........

 

[kuwaiti_Nice]

انا علي مكالمات اليوم جيكت 123 دينار الوطنيه بفتره اقل من شهر اليوم دفعتهم بصراحه السعوديه مكالماتهم اقل وبعدين هني اشكره بووووووووووووووق