مسباح كهرب

[يقولون]

مطلوب مسباح كهرب ألماني الرجاء من الاخوان اللي عنده ويبي يبيع الدخول على الخاص وشكرا

 

[ابو عيسى]

ياريت تحط بالعنوان مطلوب مسباح كهرب

عشان الكتاب يبين من عنوانه

وبالتوفيق اخوي

كلنا اندور وعلقتنا

 

[Death match]

الحين المسابيح صارو يصنعونها بألمانيا وحنا الي نستخدمها

 

[يقولون]

ياريت تحط بالعنوان مطلوب مسباح كهرب

عشان الكتاب يبين من عنوانه

وبالتوفيق اخوي

كلنا اندور وعلقتنا

عشان ادشون يا بوعيسى وانا عندي كميه طيبه بس ابي بعد واللي عندي مو للبيع اخاف تسألني تبيع

 

[abanos]

الحين المسابيح صارو يصنعونها بألمانيا وحنا الي نستخدمها

حبيبي اييبون الاحجار من المانيا ويسوونها مني او ترسل الى مصر عند ناجي واهو يسوي المسابيح والريال هذا معروف اغلب الناس يرسلون الاحجار عنده ويسويهم مسابيح يقعد على المسباح يوم كاامل

عل عموم الله يوفقك يا يقولون
هوايه حلوه جمع المسابيح بس انصحك بالعاج تره له مستقبل حلو لحق عليه للحينه سعره حلو

 

[يقولون]

عدل كلامك

عدل كلامك ياخوي اعاج حلو واعتقد صح راح يصعد سعره بس والله مالي فيه لي الحين ما دش خاطري لانه الكهرب الالماني شاغل كل تفكيري بس الحين حلوت شوي وقاعد انقي دومينكاني وهذا فعلا سعره راح يصعد بقوه لانه ماكو الا منجم واحد بالعالم في دومينكان واكيد راح يصعد سعره وصح كلامك الكل عند ناجي او حميدو او يودونهم تركيا

 

[bo5aled]

يعطيك العافية أخوي يقولون ، عندي واحد من الربع أبو عنده مسباح كهرب محشر وحده من حباته فيها ( دودة أم 44 ) ما أتذكر نوعه بس كان من أغلى الانواع وحجمه كبير حباته مجدوله و حجم الحبه تقريبا كبر ال 100 فلس ، انسام منه 2006 بسعر 1200 وهو كان يبي فيه 1500 اذا لك خاطر وكنت جدي أدز لك رقمه على الخاص

 

[يقولون]

والله ياخوي انا مالي بالحشري بس عندي شخص يهتم بجميع الانواع واعتقد هذا المسباح يعجبه فا ياليت ادز لي رقمه ادق عليه وامر اشوف المسباح واذا كانوا الحشرات كاملين وواضحين معناته يسوه ويستاهل فا ياليت ادز لنا رقمه واكون شاكر لك

 

[stillhamad]

عندى صديق يمتلك مسباح كهرب مزحف بمعنى أن اللى بالخرز زواحف تتفاوت بأحجامها وأكبرها مقارب لحجم البريعصي بالحجم وأنواعها مختلفه وكذلك هى ألوانها وحجم الخرز كبير وهو يحتفظ بها معلقه فى احدى صالات منزله كنوع من الزينه

 

[bo5aled]

عندى صديق يمتلك مسباح كهرب مزحف بمعنى أن اللى بالخرز زواحف تتفاوت بأحجامها وأكبرها مقارب لحجم البريعصي بالحجم وأنواعها مختلفه وكذلك هى ألوانها وحجم الخرز كبير وهو يحتفظ بها معلقه فى احدى صالات منزله كنوع من الزينه

بالنسبة للمسباح اللي تتكلم عنه فهو سندلس تعمد الصانع وضع الزواحف فيه وان كان كهرب فهو لا يقدر بثمن ،،،

 

[عاشق الكهرب]

عندي لك كهرب الماني قديم اذا كان لك خاطر

 

[buz126]

عندي لك كهرب الماني قديم اذا كان لك خاطر

يعطيك العافيه اخي العزيز اذا ممكن صورة المسباح لو تكرمت وجم جرام فيه تقريبا