استقالة مجلس ادارةالخطوط الجوية الكويتية

[السور]

قام اعضاء مجلس اداراة الخطوط الجوية الكويتية بتقديم استقالتهم احتجاجا على تدخل وزير المواصلات فى الية عمل المؤسسة!!


واستقالوا الديناصورات بعد ان وصلت الكويتية الى القاع !!

 

[KUWAITI MAN]

هذي راح تكون بداية لعملية الخصخصة بإذن الله

الديناصورات يقدرون يروحون المتحف الحين

 

[على قاسم على]

بدا تكتتيك الخصخصة ومن بعدها الموانئ

 

[الفهلوي]

قام اعضاء مجلس اداراة الخطوط الجوية الكويتية بتقديم استقالتهم احتجاجا على تدخل وزير المواصلات فى الية عمل المؤسسة!!


واستقالوا الديناصورات بعد ان وصلت الكويتية الى القاع !!

الحمدلله

زين جت منهم ... عسى الله ان يبدلنا خيرا منهم



الفهلوي

 

[بوشعيب]

هل هذه شي ايجابي لسهم الانظمه الاليه ولا سلبي؟؟؟

 

[البراق2]

عاد من زينهم خل يستقيلون ويخفون من البوق شوي

بصراحه مؤسسة فاشله في ظل وجود مجلس ادارة فاشل ما يعرف الا السرقة وشفط مال الحرام


هلناس ان استقالوا يكونون قد ارتاحوا وريحوا لاهم كفاءه ولاعندهم ولاء الي يخلي الواحد يتحسف عليهم


يعني دفعة مردي

 

[FOCUS]

زين فكه أحسن خبر سمعته لازم الحين يبدلوا شعار الكويتية من على مبنى المطار ويحطون طيران الجزيرة مكانه علشان إعرفون الشغل عدل ....!!!

أخوكم فووووكس .

 

[بورصة جمبزه]

مساكم الله بالخير بخصوص الاستقاله ممكن الرابط للخبر ومن وين مصدره للرفع مشكورين

 

[السور]

جريدة الوسط

 

[خبير النفط]

صحيح الخبر ممتاز لاكن المشكله لايكون يردون يعينون نفس النوعيه او اردى

 

[السور]

ودكم يمسكون اعيالهم !!

 

[خبير النفط]

مو غريبه على الب......................................

 

[الامبراطور]

هههههه

ياحليلكم جنكم مو عايشين بهالديرة يبى احنا بالكويت عندنا نظام معروف يقول هالنظام استقيل وارجع مرة ثانية المهم يطلع بالسي في مالهم انهم استقالوا وبعدين يردون مره ثانية بذمتكم ناس مثل هذول يهدون الكرسي..وقد يكون سبب الاستقالة لما الحكومة ما عطتهم فلوس للطيارات اليديده والصفقات لهم همجة منها الحين ماكو صفقات يقعدون شحقى ..يكشون ذبان..

 

[WishToWin]

قام اعضاء مجلس اداراة الخطوط الجوية الكويتية بتقديم استقالتهم احتجاجا على تدخل وزير المواصلات فى الية عمل المؤسسة!!


واستقالوا الديناصورات بعد ان وصلت الكويتية الى القاع !!

أحسسسن ما بغواا

 

[kwt.to.kwt]

الحمد لله الذي بنعمته تتم الصالحات
الصراحة يستاهلون بعد الاهمال ما وصل إلى الفوضى
وخاصة خط القاهرة والتأخير بالوصول والاقلاع
والمكتب الموجود بمطار القاهرة
وقد سميتها بمكتب الجبايات والرشاوي

 

[FOCUS]

لايحوشـــــــــــــــــــــــــك !!!!!!

احتمال يرجعون الزبن رئيس للكويتية !!!!!!!!!!!

مايحتاي كل يوم صفقة طائرات من آلافكو ...!!!!


أخوكم فوووكس .

 

[أحمـــــــد]

يا جماعه يعني ما تدرون شيصير

عشان أتروح للخطوط الوطنية

حركااااااااااااااااااااااااااات

 

[نمر بن عدوان]

((احمد كاسكو معاهم ؟ تحياتبي لك ؟؟

 

[نمر بن عدوان]

((احمد كاسكو معاهم ؟ تحJPDHJD
لك ؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[فوركسي]

يا جماعة لا تظلمون روحكم وتحطون بذمتكم على اقاوييل اشدراكم انهم كانو متقاعسيين؟ شفتوا بعيونكم ؟ ان بعض الظن اثم ولاتنسون ان المؤسسة مكبلة من الحكومة ومو قاعدة اتعاملها مثل الشركات الخاصة وفوق هذا التدخل الحكومي الي مايحترم اعضاء مجلس الادارة لكن مانقول الا جزاهم اللة خير واللة يوفقهم