في الكويت للبيع لابتوب آيسر ( ACER Aspire 3680 ) مستعمل شبه جديد

[the2nd]

السلام عليكم ؟؟

في الكويت للبيع لابتوب آيسر ( ACER Aspire 3680 ) مستعمل شبه جديد مع جنطه انيقه واللزقه على ظهر الجهاز للحين موجوده ... وكامل اغراضه الا الكرتون

انتل سيلرون موبايل 1.86 | رام 512 | الهارد 80 جيجا | الشاشة 14.1 كرستال | كرت الشاشة 224 انتل شيرد | بلوتوث | وايرلس لان | ديفيدي رايتر | كاميرا | وندوز فيستا | كفاله تقريبا 10 اشهر على الغانم ...

البيع لاعلى سعر ...6251177

 

[أبو تركي]

120

 

[momoshkla]

125
شنو وياه غير الجنطه واللزقه ترى التناتيف هم تونس
ايه وبعد فيه اير كارد سلوت ؟ واي نوع يركب عليه؟
تحملنا اخوي ذسكند

 

[the2nd]

120

مشكور على فتح السوووم

125
شنو وياه غير الجنطه واللزقه ترى التناتيف هم تونس
ايه وبعد فيه اير كارد سلوت ؟ واي نوع يركب عليه؟
تحملنا اخوي ذسكند

اكيد الشحن الاصلي ...ويركب عليه الاري كارد العاديك الايدج والـ 3 جي

 

[momoshkla]

150 kd
حد السليتر

 

[the2nd]

150 kd
حد السليتر

هلا فيك مشكور على السوم زيد شويه واذا مافي احد زاد عليك تره من نصيبك انشالله ... هذا تعبيراً على حد السليتر

 

[momoshkla]

ماشالله اجهزتك اكثر من روعه الله يباركلك فيهم و (حد السليتر) مفهومه نقزر بم شوشه لين تيي المنقوشه
وبالنسبه للسومه قائمه لي باجر الظهر انشالله واراجعك عالنقال اذا محد زاد والله الموفق.

 

[the2nd]

ماشالله اجهزتك اكثر من روعه الله يباركلك فيهم و (حد السليتر) مفهومه نقزر بم شوشه لين تيي المنقوشه
وبالنسبه للسومه قائمه لي باجر الظهر انشالله واراجعك عالنقال اذا محد زاد والله الموفق.

بالتوفيق انشالله

 

[مرور الكرام]

خوش جهاز يابو يوسف فعلا جهاز شبه الجديد

وشكرا على سعرك الخاص

 

[momoshkla]

نقول مبروك و نستلم الحين؟ صج الوقت متأخر بس انسخن حق رمضان

وبهالمناسبه احب ابارك للجميع بقدوم الشهر الفضيل(( اللهم أهله علينا باليمن والبركات وأجعلنا فيه من المقبولين عندك, وأجعلنا فيه من عتقائك من النار))

 

[the2nd]

خوش جهاز يابو يوسف فعلا جهاز شبه الجديد

وشكرا على سعرك الخاص

مبروك لك الجهاز يا بو يوسف

نقول مبروك و نستلم الحين؟ صج الوقت متأخر بس انسخن حق رمضان

وبهالمناسبه احب ابارك للجميع بقدوم الشهر الفضيل(( اللهم أهله علينا باليمن والبركات وأجعلنا فيه من المقبولين عندك, وأجعلنا فيه من عتقائك من النار))

هلا فيك يا الحبيب تم بيع الجهاز والله يبارك لصاحبه فيه

 

[the2nd]

تم بيع الجهاز وارجو حذف الموضوع

 

[momoshkla]

عليكم بالعافيه ياشباب. والله يبارك لكم جميعا
مرور الكرام 140 انا شراي اذا ما يازلك الجهاز ورقمي عند الثاني او ذسكند

 

[مرور الكرام]

يبارك بعمرك اخوي ومشكور وماقصرت

اما بخصوص الجهاز انت وصلته 150 والحين تسوم 140 والجهاز هو نفسه

على كل حال حاليا مالي نية بيع وعندي سفره اسبوع وراجع وبعدها يمكن

وبالتوفيق لنا ولك

 

[momoshkla]

عزيز وغالي يا مرور الكرام وبالسلامه ان شالله.
اما بخصوص عتبك علي فالعتب على the2ndمع جزيل احترامي له. قطها بينا ومشى نعم انا وصلت الجهاز 150 عنده وهو باع ((هلا فيك مشكور على السوم زيد شويه واذا مافي احد زاد عليك تره من نصيبك انشالله)) ولا رد علي وباع يسعر خاص الي هو اكيد اقل من سومتي و المفروض أدبيا اعرفه يمكن ازيد. وبعدين انت الحين المالك الجديد للجهاز يعني مزايده جديده. وانا عند سومتي ليلحين. عدل ولا انا غلطان؟
حافظك الله يالحبيب

 

[the2nd]

عزيز وغالي يا مرور الكرام وبالسلامه ان شالله.
اما بخصوص عتبك علي فالعتب على the2ndمع جزيل احترامي له. قطها بينا ومشى نعم انا وصلت الجهاز 150 عنده وهو باع ((هلا فيك مشكور على السوم زيد شويه واذا مافي احد زاد عليك تره من نصيبك انشالله)) ولا رد علي وباع يسعر خاص الي هو اكيد اقل من سومتي و المفروض أدبيا اعرفه يمكن ازيد. وبعدين انت الحين المالك الجديد للجهاز يعني مزايده جديده. وانا عند سومتي ليلحين. عدل ولا انا غلطان؟
حافظك الله يالحبيب

لؤؤؤؤؤؤؤؤؤؤؤؤؤؤل والله فاهمني غلط الصراحه عشان ما تزعل ابو يوسف امكلمني قبلك على الجهاز قبلك بم ساعه شخصاً هاتفياً وقالي شريت لي باجر الصبح بعد المعاينه .... وآنا مخليك خط رجعه عشان اذا ما اشتراه ادق عليك واقوولك مبروك هذي السالفه كلها اسمحلي جان قصرت وانشالله اعوضك بجهاز ثاني

تحياتي لك

 

[momoshkla]

مسموح يا بو يوسف. بس انا أطالبك الحين سعر خاص ومعاينه بعد

 

[the2nd]

مسموح يا بو يوسف. بس انا أطالبك الحين سعر خاص ومعاينه بعد

حاضرين انت آمر بس

 

[مرور الكرام]

حبيب قلبي والله اذا الجهاز بخاطرك تستاهله ولا يغلا عليك

وللعلم والله إني مكلم بويوسف قبل هالسومات هذي كلها واتفقنا ولكن مارحت استلم فهو كمل العرض هنيه خاف إني ما اخذه بعد المعاينة وتصير دايما هالشغله تشتري بالتلفون وتتفق ويبقى والمعاينة وبعد المعاينة تتغير بعض الأمور اما السعر واما البيعة كلها تتكنسل

وللأمانة لو إنت اللي حاجز وأنا جاي لأبويوسف أبيه راح يسوي نفس الشي معاي مثل ماسوى معاك


بالتوفيق ولا عتب بينا ولا شي ياخوي كلها دردشة أخوية

ا

 

[momoshkla]

هلا والله يالحبيب, لا يبه ماكو عتب ولا شي والجهاز عسى الله يعطيك خيره ويبارك لك فيه, وبالنسبه لسوء الفهم اللي صار انت معاك حق والله هذي شغلات فعلا اتصير بس لما الواحد يفهم السالفه عدل اكيد راح يقدر. انت وبويوسف رايتكم بيضه
وللعلم بويوسف بيضها معاي وخدمني بجهاز ديل جدا رائع مع اني عنيت له بمكان بعيد بس العنوه كانت تستاهل معرفه هالرجل المحترم شرواك.
عموما اتمنى لك سفره موفقه ان شاء الله و لا تنسى الصوغه واذا رديت بالسلامه بنزلقك بسومه الايسر
عزيز وغالي يا بويوسف