موقع حملة المقاطعه الشعبيه للحد من ارتفاع المكالمات

[الـهـاشـمـي]

للدخول للحمله الشعبيه اضغط هنا​

 

[yoyo1983]

شكرا

 

[Pivotrend]

شركات مدعومة
من حقها القانوني أن تسرق و تنهب

كل الشركات الضخمة

 

[sa3od29]

اي والله اخوي كلامك عدل حتى خدمات مثل الناس ما عندهم تعال شوف موبينيل مالت مصر او سوا مالت السعوديه والجوال والله اننا نفشل بهالتخلف اللي عايشين فيه والناس وين اوصلت

كلامج صحيح.....لا تشوفين الدول العربية روحي بريطانيا او الدول الاوروبيه بشكل عام.....مجرد ان العميل ياخذ خط في بريطانيا يكون الجهاز مجاني ومن الاجهزه الي اخذتها n95بلاش مجرد اني ادفع اشتراك شهري وقدره 25 باوند يعني 12.5 دينار ويعطوني 1200 مسج و500 دقيقه مجانيه بالشهر...فلو تحسبين هذا كله يطلع الاتصال في بريطانيا مجاني بالنسبه لجميع دول العالم وفوق هذا الربح بالشركه عندهم 80 بالميه من العميل...احنا بالكويت الشركات ربحها 500 بالميه من العميل....فما نقول اله الله يعينا عليهم....مع العلم ان انا مشترك في الوطنيه وشركة الاتصالات...واشوفهم اثنينهم يسرقون وحراميه واخر مشكله لي وياهم قبل امس انا حاط بحسابي 200 دينار ولما جيكت طلعو اهما يطلبوني 120 شلون مادري مع العلم ان ماصارلي اسبوع بالشي هذا....واخر شي يقولون لي هذا خطا مننا واحنا نتاسف لك

 

[kobr]

اخواني لاتلومون الشركات لوم اعضاء المجلس اللي موراضين يحطون رقابه على هالشركات وهم يدرون الله المستعان.

 

[WishToWin]

جزاك الله خير

بس تتوقعون يفيد فيهم؟؟

الإحتكار ذبحنا ... أول ما طلعت شركة إيزي شرتها الإتصالات وقعدت معها الوطنيه ومناشبينا ولا حياة لمن تنادي

حتى الدول اللي بوطقه ما تنحسب عليهم استقبال المكالمات الدوليه إلا عندنا تنحسب

والخدمات الله .. صارلي أكثر من 3 أسابيع أتصل على الوطنيه أبي خدمة الواب والإنترنت لحد الآن جاري التطوير ... دول فقيره وصلوا لل Push to talk وللحين الواب تحت التطوير

الشكوى لغير الله مذله

 

[ابو غانم]

تكفون ياشباب نبيها مقاطعة صجيه والكل ينشرها ... صج لما أشوف المكالمات في اوروبا وامريكا والعروض اللي يسوونها شي خيالي ... مجرد تفتح خط يعطونك نوكيا جديد بالكرتون ومسجات بلاش وعدل كلام اخوي اللي تكلم بالشي هذا .

احنا هنيه حراميه صج .. شكو الواحد يدق من برا ينحسب علي والله قهر

 

[hassankoc]

اي والله لازم انقاطعهم بس اتمنى نتحد كلنا كل البلدان الي يتصل هو الي يتحمل المكالمه الا احنا الطرفين يتحملون المكالمات+الرسائل القصيره الدوليه كانت20فلس سوها 50فلس

بس يا شركتين كفايه طمع كفايه جشع لو تخلون الرساله القصيره والدقيقه 5فلوس والغاء الأشتراك الشهري او يكون رمزي وكذلك تخفيض باقي الخدمات المبالغ فيها اقسم بالله انتو ربحانين 100% بس للأسف منو الي يحس بالفقير

 

[الاحرش]

مشكور اخوي

بس مادري ليه محد يبي تفاعل مع الموضوع

 

[hassankoc]

الله المستعان

 

[kobr]

عدم التفاعل ناتج لان الشركتين محتكرين كل شئ ومتفقين فالمقاطعه راح تكون ضعيفه وهني المشكله.

 

[الـهـاشـمـي]

عدم التفاعل وين بالمنتدى تقصدون

 

[Pivotrend]

إذا أنتوا جادين في هذة المقاطعة فالجوال السعودي قد يكون أرخص من MTC و Alwataniya و هو بالتأكيد أفضل

الجوال و سوا تكلفة مكالماتهم الدولية للكويت تساوي تقريبا 50 فلس
و إذا طولت ممكن تكون 40 فلس
يعني أرخص من مكالمه محليه بالكويت
مسخره

إذا أنتوا جادين هذة أفضل طريقه


عرض من سوا
أشتر خط ب 100 ريال و فيه رصيد 100 ريال
و خذ الآخر مجانا مع رصيد 100 ريال أيضا

يعني خطين جدد فيهم رصيد 200 ريال بسعر 100 ريال

 

[Bo_NaJeM]

عاد تبون الصج
احنا الدوله الوحيده اللي تاخذ فلوس المكالمات الخارجيه اذا احد اتصل فيك من الخارج
شنو هاللعب اللي احنا قاعدين يحصل لنا

والاسواااء من هالشي انه
في حركه بوقه يديده من الشركه الام تي سي سابقا زين حاليا
انه والله ما يقول لك جم تكلمت اول باول لا يخليييييييك ثلاث ايام ما تدري اشكثر متكلم ووبعدها يحطها لك انا صارت فيني جذي صار لي ثلاث ايام ادق على 107 ابي اعرف اشكثر وصل رصيدي صار لي ثلاث ايام اسمع 45 دينار ليمن اليوم تفاااجاة انه علييييي 75 دينار
30 دينار مكالمات بثلاث ايام

45 دينار مكالمات شهر


والله الشركه اتعرف اشلون اتبووووووووق لا من السووق ولا من الفواتير



ليش ما يسوون مثل خدمة السعوديه انه كل ما اتخلص من المكالمه على طوول اييلك مسج يقول لك اشكثر تكلمت واشكثر صار رصيد حسابك
بس ما اعتقد انه اداره الحراميه اتسويها خوافاااا من الفضييحه


ووبالختام سلام

 

[بو هادي.]

حرامية ما يشبعون بوق

المكالمة كانت تحتسب بالثانية للدفع المسبق بعد ذلك صارت الوحدة 20 ثانية

بس الحرامية ما اشبعوا لأن أرباحهم مو كفاية فتم الإتفاق بين الشركتين زين ومو زين على أن تكون الدقيقة الأولى تحتسب كاملة حتى لو كانت ثانية واحدة فشوف كم مبالغ إضافية أخذت بدون وجه حق

طبعا خطوط الفواتير حدث ولا حرج البوق حلالي

 

[Eng_004]

والله مهزله لاكن شنسوي.....قال انفخ ياشريم قال مامن برطم..

 

[hassankoc]

عطونا ارخص شركه دقيقه رخيصه دوليه ومحليه وكذلك رسائل محليه ودوليه رخيصه وتحسب على المتصل وخط رخيص واحنا مستعدين نقط تيلفوناتنا

 

[Abdulazeez]

السلام عليكم ورحمة الله


تنبيه للأخوان وشيء حصل معاي شخصيا ... بمعدل شهري مكالماتي مع الإشتراك الشهري ما يتعدى الـ 30 دينار

وقبل مده بسيطه لاحظت أنه في فرق كبير ومكالماتي دبل معاي 3 مرات دبل ووصل 111 دينار وكسور

وبعد هواش ومراجعه الإتصالات وكل يوم أرجع وأكلم واحد وبعد حوسه مع إدارة الحسابات أكتشفوا أنه كلامي عدل في مبلغ 84 دينار على كلامهم الكمبيوتر حاسبه بالغلط

ولغوا لي المبلغ بعد 3 أيام

المهم بشهر 8 لاحظت نفس الشيء وراجعتهم وقالوا لي أصبر كم يوم

على العموم أخذت خط إيزي من صديق ما يستعمله وقمت أستخدمه للمكالامات الصادره

أما المكالمات الوارده لجهاي قمت أرد عليها .]عني عندي خطين للإستقبال والإتصال

وكنت أسجل تقريبا كل كم ساعه الرصيد والغريب من 3 إلى 8 ساعات يزيد شوي شو نص دينار أو ربع

ولما اتصلت عليهم وشرحت لهم الوضع كان رد الموظف أنه في مكالمات ما تبين إلا بعد 8 أو 12 ساعه !! قلت له أنا أتكلم عن 3 أيام !!
من وين هل المكالمات وكل شيء بعد 3 أيام !!؟؟؟؟؟

على العموم بعد ما واجهتم وطلبت كشف حساب مفصل لمكالماتي الصادره والوارده تهربوا

وقالوا القانون يقول لازم تصبر من 7 إلى 10 أيام عشان تستلم فاتوره للأيام المطلوبه .. يعني فاتورة أمس لازم أصبر بعدها 10 أيام

على العموم حسيت من كلامهم أنه مجرد محاوله لصرفي وتوزيعي

وكاني ردي للمسؤول راح أصبر 15 يوم وبعدها راح أطلب الكشف

هل الكلام مو تبلي أو شيء .. هل الكلام حصل معاي والله شاهد أني صادق بكل كلمه ... والحين باقي 6 أيام للــ 10 أيام وأنا صابر وناطرهم وناطر شنو سالفه هل الكمبيوتر مع الناس​

 

[kobr]

نبي حل طيب نفتك من هالبوق العلني وان شاء الله تكون الانطلاقه من الحين

 

[هرقل]

السلام عليكم ورحمة الله


تنبيه للأخوان وشيء حصل معاي شخصيا ... بمعدل شهري مكالماتي مع الإشتراك الشهري ما يتعدى الـ 30 دينار

وقبل مده بسيطه لاحظت أنه في فرق كبير ومكالماتي دبل معاي 3 مرات دبل ووصل 111 دينار وكسور

وبعد هواش ومراجعه الإتصالات وكل يوم أرجع وأكلم واحد وبعد حوسه مع إدارة الحسابات أكتشفوا أنه كلامي عدل في مبلغ 84 دينار على كلامهم الكمبيوتر حاسبه بالغلط

ولغوا لي المبلغ بعد 3 أيام

المهم بشهر 8 لاحظت نفس الشيء وراجعتهم وقالوا لي أصبر كم يوم

على العموم أخذت خط إيزي من صديق ما يستعمله وقمت أستخدمه للمكالامات الصادره

أما المكالمات الوارده لجهاي قمت أرد عليها .]عني عندي خطين للإستقبال والإتصال

وكنت أسجل تقريبا كل كم ساعه الرصيد والغريب من 3 إلى 8 ساعات يزيد شوي شو نص دينار أو ربع

ولما اتصلت عليهم وشرحت لهم الوضع كان رد الموظف أنه في مكالمات ما تبين إلا بعد 8 أو 12 ساعه !! قلت له أنا أتكلم عن 3 أيام !!
من وين هل المكالمات وكل شيء بعد 3 أيام !!؟؟؟؟؟

على العموم بعد ما واجهتم وطلبت كشف حساب مفصل لمكالماتي الصادره والوارده تهربوا

وقالوا القانون يقول لازم تصبر من 7 إلى 10 أيام عشان تستلم فاتوره للأيام المطلوبه .. يعني فاتورة أمس لازم أصبر بعدها 10 أيام

على العموم حسيت من كلامهم أنه مجرد محاوله لصرفي وتوزيعي

وكاني ردي للمسؤول راح أصبر 15 يوم وبعدها راح أطلب الكشف

هل الكلام مو تبلي أو شيء .. هل الكلام حصل معاي والله شاهد أني صادق بكل كلمه ... والحين باقي 6 أيام للــ 10 أيام وأنا صابر وناطرهم وناطر شنو سالفه هل الكمبيوتر مع الناس​

أخوي اذا تقدر اتوثق كلامك بالفواتير دزهم لي على الخاص وآنا أقاضي الشركة ،،، واخليهم يحطون برصيدك ضعف اللي خذوه منك ،،،