مع البدر .. الثالثة ثابتة

[حمد حمادة]

الثالثة ثابتة ( سواها البدر )
يا اخوان كثر الكلام على مجموعة البدر وتحدث الكثيرون ما بين السخط والغضب والحسرة والاهات و...
واليوم كشف البدر عن عدم المصداقية ومحاولاته للضحك على الذقون بمقولته الشهيرة يوم الجمعية العمومية حيث قال
الاولى ... صيف المجموعة ساخن جدا وحتى الان لم نرى من صيفه الا هبوط في اسهمه رغم اكتساب السوق لالاف النقاط منذ تصريحاته ووعوده

الثانية ... قال ان الذي ترك اسهمنا ( راح يتحسف ) واللي شفناه ان اللي ما ترك اسهمه تحسف وتحسف وتحسف

واليوم الثالثة ثابتة ... حيث قال اذا نزل السوق راح تشوفون المجموعة فوووق واللي صار اليوم المجموعة حد ادنى ( وزادها 5 فلوس في الثانية الاخيرة )
والسؤال : الى وزير التجارة اما آن لك ان تتدخل وتسأل البدر عن تصريحاته ووعوده التي ضاع بسببها الكثيرون ؟ ام ان ذلك ليس من اختصاص التجارة ؟
وماذا لو صرح البدر بهذه التصريحات النارية ولم تتحقق ؟ ماذا ستكون ردة الفعل ؟

هذه الاسئلة موجه لكل من تضرر ولكل من يريد الاجابة عليها
ونرجو المشاركة

 

[موفق خير]

البدر انسان كذاب كذاب كذاب كذاب

وشركاته زباله نفس وجه

 

[أبو فلسين]

لا مصداقيه مع البدر

 

[برق الشرق]

اليوم لا لوم على أحد!!
الربع ساعه الأخيرة ليست مقياس, السوق كله أحمر دموي!!!
وغدا تتضح الرؤية

 

[bo-3boud]

يا اخوان ليش دايمن تضعووون احد يكون شماعه على تجارة تحتمل الربح والخساره يبا هذا سوق للجميع ليس هذا سوق البدر بروحه وثاني شى التصريحات الى صرح فيها بأيجابية السهم هذا شي طبيعي خلك انت فى مكانه وعندك سلعه وتبي اتبيعها مو لازم تقعد تمدحها وثالث شي اهوااا مو مطالب بأن يرفع السهم عشان خاطر فلان و فلان ورابع شي لازم كل واحد يتحمل مسئولية قراره ....

ولكم مني جزيل الشكر​

 

[عصويد]

الثالثة ثابتة ( سواها البدر )
يا اخوان كثر الكلام على مجموعة البدر وتحدث الكثيرون ما بين السخط والغضب والحسرة والاهات و...
واليوم كشف البدر عن عدم المصداقية ومحاولاته للضحك على الذقون بمقولته الشهيرة يوم الجمعية العمومية حيث قال
الاولى ... صيف المجموعة ساخن جدا وحتى الان لم نرى من صيفه الا هبوط في اسهمه رغم اكتساب السوق لالاف النقاط منذ تصريحاته ووعوده

الثانية ... قال ان الذي ترك اسهمنا ( راح يتحسف ) واللي شفناه ان اللي ما ترك اسهمه تحسف وتحسف وتحسف

واليوم الثالثة ثابتة ... حيث قال اذا نزل السوق راح تشوفون المجموعة فوووق واللي صار اليوم المجموعة حد ادنى ( وزادها 5 فلوس في الثانية الاخيرة )
والسؤال : الى وزير التجارة اما آن لك ان تتدخل وتسأل البدر عن تصريحاته ووعوده التي ضاع بسببها الكثيرون ؟ ام ان ذلك ليس من اختصاص التجارة ؟
وماذا لو صرح البدر بهذه التصريحات النارية ولم تتحقق ؟ ماذا ستكون ردة الفعل ؟

هذه الاسئلة موجه لكل من تضرر ولكل من يريد الاجابة عليها
ونرجو المشاركة

ياخوي كبر عقلك أشعلي الرجل من السوق الرجل لاهي بشغله وتطوير شركاته أنت علي بالك أن البدر ولا أي صاحب شركه أو قروب هاد شغله وقاعد يضارب بسوق بعدين موشر فوق 12 ألف نقطه لانزل 200 طبيعي والله وثم والله يوم الموشر 2000 نقطه يوم ضربة بن لادن وصكرو البورصه يوم الاربعاء وفتح السبت والاحد ودحدر 200 نقطه هذاك صج النزول ألي خلاء الواحد يضيع الباب وكيد فيه من الاخوان من يذكرها ويذكر أنهيار 98 وبعدين أنتوا ألحين فوق 12 ألف وقاعدين أنشوف مضاربات قويه بسوق طبيعي يعطيك 200 نزول 300 صعود لازم تجمد قلبك اكبر دليل السعودي يوم كان فوق 12 ألف يوم طالع 200 ويوم نازل 400 شي عادي جدا بس أهم شي يكون عندك كاش 20% من سيولتك لضروره .والله يستر علي الجميع.

 

[cocacola]

في قلمت حق لازم تنقال ان البدر قاعد يخطط لجدام موهامه سعر سهمه

 

[سهمى خضر]

يجماعه الله عطنا عقل عشان انميز فيه ومن قالكم تمشون وره البدر او وره تصريحاته الناريه يا خى اللى بيشترى مايشترى عشان تصريح وبعدين احمل صاحب التصريح خسارتى , والله اللى موقد السوق ونزوله خل يطلع , كل مانزل السوق سوينها حسينه , ياخى روح شوف السوق السعودى شصار فيه يوم انهز ونهار وناس بعضها جلطات والبعض الثانى بالمستشفى , الحمدالله نزول السوق اليوم مو نهايه المطاف ولا معناته انهيار السوق واحتمال تكون استراحه محارب بعدها يرجع بصعود القوى انا اتوقع نزول السوق اليوم خيره على السوق

 

[نعيم]

قلنا و قلنا وقلنا البدر ما عنده سيوله كلفيه ترفع اسهمه

لكن شنو كانت النتيجه ولا شي الناس متعلقه بالأمل

والحين قاعد يتكرر نفس السيناريو مع المدينه و اكتتاب

لكن في احد يتعلم

يقول المثل ابعد عن الشر و غني له

السوق متروس شركات ليش العب بالنار

 

[فؤاد]

من صالح السوق انه يريح
ما يصير كله صعود
المدينة عليها تداول حقيقي واعلن عنه امس

 

[ولد البورصه]

اى والله ياخوى قص علينا بتصريحاته الناريه

انا بجمع تصريحاته من الجرايد وبروح للوزير بالدوانيه

وبقوله شوف لو انتى مثلى تخطط للاستثمار بجم الف يعنى650الف

تصدقه او تتجاهله

اذا قال اصدقه بقوله بس السعر نزل والمعطيات غير والتجاوب مع السهم وهم(وحسسنى انى غشيم)

واذا قال لا اتجاهله بقول ليش؟؟؟؟؟؟؟؟؟؟؟؟ اذا هذا شخص معروف بالتصريحات الوهميه

بقوله الله يرحم والديك ابى حقه منه اذا كان لى حق (ارجوك ابى الانصاف)

واذا الوزير ماعنده شى يقدمه ترى القضاء موجود والله يعز ابو ناصر امير البلاد

 

[سعود222]

لا توجد مصداقيه للبدر حتى لو تعلقت اسهمه اسبوع حد اعلى
شخصيا اقول المصداقيه عند البدر 0%
والله يوفق الجميع

 

[Q8_POOS]

ماكو شي يديد هذا سيفووووة وهذي خراجينة

انشالله انشوف شي يسر البال بالمستقبل القريب بخصوص شركات البدر
تكلمنا او ماتكلمنا البدر مادرا عنا

البدر طبق معاة قاعدة اضرب واهرب وصدقوني راح اطلعون رزقة طيبة

مع اني او واحد مدبوس باسهمة وعسي الله يفكني منة بأقرب وقت طبعا اطلع بربح مو بخسارة

وعسي الله يرزق الجميع