أشتريت أسهم أخوي ؟؟؟

[binbarood]

السلام عليكم ورحمة الله وبركاته

أخواني ........ من لديه خبره في المقاصه
أنا أخذت أسهم أخوي كيف أحولها بأسمي....؟
هل أعطيه بطاقتي ورقم تداولي ويذهب هو ويحولها أو لازم حضوري معاه
أو الشغله كلها ماتسير ........... أفيدونا مأجورين .
للعلم الأسهم كسر مو وحده ....

 

[Sniper_q8]

وعليكم السلام ورحنة الله وبركاته
سؤال: هل شي الشركه مدرجه بالبورصه او غير مدرجه ؟

اولا :
اذا كانت الاسهم مدرجه بالبورصه يروح اخوك ويبيع الاسهم ويطلع الشيك بسم اخوك ويعطيك فلوسك وفي طريقه ثانيه انك تحولهم من اسمك اخوك الى اسم والدك اذا كان عايش وتحولهم الى اسمك .

ثانيا :

اذا كانت الشركه غير مدرجه مايصير تحولهم باسمك يبقون بأسم اخوك حتى الدمج او الادراج للشركه .

ثالثا : يوجد شركات يصير التحويل فيها ولكن اذا كانت السور للوقود او الكويتيه الصينيه او الوطنيه للطيران ...... هذي الشركات مايصير .
اذا حطيت اسم الشركه الي شتريتها من اخوك انا او الشباب ماراح يقصرون بالاجابه على سؤالك وشكرا

 

[binbarood]

وعليكم السلام ورحنة الله وبركاته
سؤال: هل شي الشركه مدرجه بالبورصه او غير مدرجه ؟

اولا :
اذا كانت الاسهم مدرجه بالبورصه يروح اخوك ويبيع الاسهم ويطلع الشيك بسم اخوك ويعطيك فلوسك وفي طريقه ثانيه انك تحولهم من اسمك اخوك الى اسم والدك اذا كان عايش وتحولهم الى اسمك .

ثانيا :

اذا كانت الشركه غير مدرجه مايصير تحولهم باسمك يبقون بأسم اخوك حتى الدمج او الادراج للشركه .

ثالثا : يوجد شركات يصير التحويل فيها ولكن اذا كانت السور للوقود او الكويتيه الصينيه او الوطنيه للطيران ...... هذي الشركات مايصير .
اذا حطيت اسم الشركه الي شتريتها من اخوك انا او الشباب ماراح يقصرون بالاجابه على سؤالك وشكرا

أخوي بارك الله فيك الأسهم مدرجه ..أولى وقود
أنا أتداول في شركة الخليج للوساطه وسألتهم قالوا روح المقاصه
والمقاصة تعرف مشوار .... ودي ماروح إلا على بينه
وبعدين مابي أبيعهم في الوقت الحالي
والوالد متوفي الله يرحمه والوالدة عايشه الله يطول بعمرها
المقاصه ماتحولهم بسمي مافيه طريقه ثانيه غير اللبيع
حتى لو نعطيهم رسوم ماكو مشكله

تعبتك معاي
!!!

 

[Sniper_q8]

في طريقه اذا كان جدك ابو والدتك عايش تحولهم بأسمه ومن اسمه الى اسم والدتك وبعدها بأسمك بس هذي قصه تصير .

في حل ثاني خل اخوك يبيع الاسهم بالسوق وانت اشترهم بأسمك راح يطلع الفرق العموله ويمكن تشتريهم بأرخص وعتقد ان هذي اسهل طريقه لك وشكرا

 

[الدينار الخليجي]

صباح الخير يمكن تحويل الاسهم عن طريق الوالده اخذ معاك الميلاديه

 

[ضحية المخازن]

ياجماعة الخير ليش هالقصة الطويله باختصار يجوز تحويل الاسهم للاقارب من الدرجه الاولى بكل سهوله فيعني يجوز تحويل الاخ لاخيه ويشترك حضور المحول فقط للبورصه الدور الارضي قسم دمج الاسهم وتحويل الملكيه

 

[هداف]

صحيح اخوي ضحية
يصير التحويل بحضور اخوك معاك او بالتنازل للوالدة ثم التنازل لك
( فيه طلب التنازل لازم تاخذه من البورصه ويروح أخوك بنكه علشان يسوونله اعتماد توقيع علشان اخوك يتنازل لأمك ثم يتنازل بنفس الطريقة لك) وكان الله غفرا رحيما

 

[binbarood]

مشكورين

السلام عليكم ورحمة الله وبركاته

أخواني :-
1-sniper-q8
2-الدينار الخليجي
3-ضحية المخازن
4-هداف

الله يجزاكم خير وحقيقه ما قصرتوا ............. وجعلكم الله دوما عوننا لأخوانكم