البنك اوطني : فائض الكويت هذه السنه 25 مليار

[ياسر الروقي]

اللهم زد وبارك​

 

[yoyo1983]

ماشاء الله

 

[فوركسي]

دولار

 

[الفال الطيب]

ماشاءالله , ديرتنا الحمدلله ديرة خير , والله يحفظها من الحساد ..
يا ليت اعلانهم هذا ما يكون علني جذيه , عشان ما تحسدنا الدول بره , انما اعلانها يكون بمجلس الامة وبجلسة خاصة عن الحسد بعد ..

 

[ياسر الروقي]

دولار

25 مليار دينار

والخبر على العربيه
وازمة البلد اسكانيه

 

[ابوفيصل77]

مشالله اللهم زيد وبارك ............ مايسلفوني مليون اضارب فيها بالبورصه واردها لهم عقب اسبوع

 

[فوركسي]

70 دولار *28.فلس* 2400000برميل يوميا * 365 يوم =17 مليار دينار

 

[عصويد]

25 مليار ماشالله مانبي شي نبي 500 مليون منهم يبخونها بالسوق بس .

 

[ولد البورصه]

الحمدلله على كل حال

بس صدقنى حسبتها حسبه طلع بالشهر 5مليار وشى

يعنى ب6 شهور 30 مليار

 

[المستشار الصغير]

ما شاء الله اللهم زيد وبارك
بس أبي أعرف ليش كل ما نبي شي يقولون ماكو فلوس ماكو ميزانية
هالفلوس وين اتروح هالمليارات ما شاء الله منو قاعد ياخذها طيحوا شوي من على المواطنين وزعوا فلوس شوي على الشعب
وآخر شي إطلعولنا طلعه بالترشيد وماكو كهرباء والعام ماكو ماي والسنة الياي راح يقولون ماكو نفط
ولا شرايكم يا جماعة

 

[Master-Leo]

ماشاءالله الله يزيد ويبارك بس عندي نقطة نظام

مانبي يوزعونها علينا .... مانبي مستشفيات ... مانبي مدارس ... مانبي شوارع .. مانبي سكك حديد .... مانبي زيادات رواتب ولا كوادر .. مانبي بيوت اسكان

نبي شي واحد بس




لا يبوقون منها سراق المال العام والمتنفعين وماشابه ذلك بس واحنا نكون بألف خير

 

[البراق2]

والله شي مخجل جدا

فائض البلد 25 مليار ونصف الشعب يعاني من ازمة اسكان


عيل شنو فايده هلفائض بالله؟
بس لي متي البوق كافي كافي والله كافي

مالوا وهم يبوقون؟؟؟؟؟؟؟؟؟


علي الاقل عدل الصبية وسولك جسر يربط الصبية بالديرة علشان تحل جزء كبير من الازمة السكانية الي قاعد يعاني منها الشعب الكويتي


هم ما يبون يسوون الصبية علشان لاتنزل قيمة الاراضي بالديرة لان هم ياعدين يبيعون تلك الاراضي بالقطارة واكيد ان توفرت الاراضي وصارت وايد بتطيح اراضيهم بجبودهم



بصراحه سواء ان حققنا فائض ام عجز فالحال من بعضه ما تفرق

 

[طيران]

لو عطو كل عائلة 250 الف دينار منحه العيد ويفتكون من طلبات الاسكان اللى على الدور الحين احسن

 

[almoress]

لو عطو كل عائلة 250 الف دينار منحه العيد ويفتكون من طلبات الاسكان اللى على الدور الحين احسن

جان زين :d

 

[azzd]

بالجريدة كاتبين قد يصل 7 مليار دينار بس وليس 25 مليار دينار من وين الخبر ؟؟ظ

 

[سناعيس]

ياريت يوجهون هالفائض المالى لمشاريع تخدم الجميع
وترفع من مكانة البلد بدل ما يجيها حرامى ياكل برطم الذيب مثل ابو الاستثمارات والناقلات و....و.....و.....و....و

واعتقد اذا ماتدخل صاحب السمو اطال الله بعمره ما راح يصير شئ

 

[بيل غيتس]

بالجريدة كاتبين قد يصل 7 مليار دينار بس وليس 25 مليار دينار من وين الخبر ؟؟ظ

نعم 7 مليار دينار ما يقارب 25 مليار دولار

طبعا حامض على بوزكم ما فى ولا فلس لكم والجماعه الحين طايحين مضاربات بالسوق الامريكى والنزله الاخيره كانت عندهم خسائر دفتريه بقيمه 8 مليار دولار

 

[أبو فلسين]

الهم زيد وبارك يارب

 

[mar022]

25 مليار دينار

والخبر على العربيه
وازمة البلد اسكانيه

للتصحيح يا أخوان
الصحيح هو 25 مليار دولار وتعادل بالكويتي 7 مليار دينار
والحمدلله على هالعوائد والله يبارك لنا فيها ويجعلها من أسباب التقدم في بلدنا الحبيبه الكويت.

 

[عصويد]

تبون أصج كل صعود دولار أحراج للحكومه .71 دولار النفط الكويتي والميزانيه ليما ألحين علي 16دولار تخيل واحد دخلة 70 ألف دينار لي ألحين علي طمام المرحوم علي باله دخلك 700 دينار