اوتي بخار يزيل البقع

[أروع]

للبيع اوتي بخار صيني الصنع

صغير الحجم خفبف الوزن

ينفع للسفر و للكوي المستعجل

او تحطه بالسيارة لانه

فيه ميزه انه يزيل البقع او الوصخ


البيع على السوم

الكمية محدوده

 

[azzd]

اشفيه انكسر ( الصورة الثالثة ) ؟؟

 

[قرناس1]

شي طيب مشالله

اخوي جم سعره ؟؟

 

[أروع]

هههههه اخوي azzd

الجهاز ما انكسر ... هذيالطريقة علشان تفتحة وتحط فيه ماي

========

اخوي قرناس1 ... عطنا سومتك

وعلى فكره الجهاز والله طيب انا حاط واحد عندي بالسيارة حق وقت الضروره

تدرون الدشاديش الصيفية بسرعة تتوصخ

 

[Bo-SaNaD]

السلام عليكم ورحمه الله وبركاته....

اخوي العزيز اروع... بضاعه روعه والله وشي طيب انا جبت منهم من الصين بس للاستعمال الشخصي او وزعت على الاهل منهم وبصراحه شي رهيب الاوتي هذا .... بس للعلم اخي العزيز ياريت تحط سعر محدد عشان الناس تعرف وياريت سعرك مايكون فوق حيل لان انا اعرف سعرهم بالصين جم مو معقوله تبيع سلعه بدبلات سعرها الاصلي لان هذا حرام ومايجوز شرعا اربح فيها ربح يريحك ويريح الشاري بنفس الوقت والله يرزقك من فضله ويفتح عليك باب رزق ماينقطع وهذي نصيحه اخي الكريم ( يوم لاينفع مال ولا بنون الا من اتى الله بقلب سليم) ومبارك عليكم الشهر وتقبل الله منا ومنكم صالح الاعمال

 

[وليد السعيدي]

عليه كفاله والا لاااا

 

[أروع]

يطولي عمرك يا بوسند على الشهادة هذي

و على فكره حسبه البضاعة تختلف اذا كنت رايح بس حق تجارة

يعني بتضيف على سعر البضاعة التذكره والسكن و الاكل و المترجم و الشحن

وغير هذا انت تبي تربح

بس عموما الاسعار انشالله مو غالية حق الطيبين

=============

اخوي وليد ... الجهاز صيني حتى لو عليه كفالة يعني كفالتة بالصين

 

[وليد السعيدي]

حط سعرك

 

[أروع]

اخوي باقي عندي اخر حبتين

سعر الوحده 15 دينار

 

[Bo-SaNaD]

تستاهل كل خير اخوي اروع والبضاعه اللي انت جايبها خاصه الاوتي هذا

شي طيب وانا جربته وليلحين اجربه صارله سنه عندي الحمدلله مافيه اي مشاكل وعلى قولتك انا حاطه بالسياره عندي للحظات الحرجه صج موطبيعي انا يا اخوان والله ماعرفه صاحب الموضوع لكن انا قاعد اتكلم عن تجربه للاوتي هذا نصيحه لا يطوفكم والله واللي ياخذه ماراح يتحسف وسعره مثل ماقال اخونا اروع 15 صراحه سعر طيب والجهاز يستاهل وتقبلوا تحياتي وبالتوفيق اخوي اروع

 

[قرناس1]

10 انا شراي

واذا اوكي حط رقمك بالخاص عشان اشتريه .

 

[al.dosari]

أخوي في وحده عند الغانم سعرها 18 دينار واكيد عليها كفاله يعني مو معقوله آخذ كوايتك ب15 من غير كفاله ... اذا 10 شرااااي وياليت رقمك على الخاص ... وعساك ع القوه

 

[أروع]

مشكوور يا بوسند ... وهذا من طيب اصلك ومعدنك الاصيل

الحمدالله احنا نرضي بالقليل

===================

شباب والله كسرتوني عدل

اخر سعر اقدر ابيع فيه اهو 12 دينار

موفقين انشالله

 

[أروع]

شباب باقي عندي حبتين بس

 

[al.dosari]

أخوي أروع ياليت رقمك على الخاص

 

[سليمان]

اخوي انا شريت منك
اواعدك اليوم العصر او بعد الفطور واخذه منك

يرجى الاتصال 9414151

 

[متداول اسلامي]

اخوي اروع
ضروري اخذ منك وحده اليوم ان شالله

شلون نشوفك ؟