للبيع اجهزة IPhone 8GB Unlocked جديده مفتوحة القفل بالكويت

الموضوع في 'اعلانات بيع وشراء متفرقة' بواسطة man7os, بتاريخ ‏20 سبتمبر 2007.

حالة الموضوع:
مغلق
  1. man7os

    man7os عضو جديد

    التسجيل:
    ‏14 ديسمبر 2006
    المشاركات:
    162
    عدد الإعجابات:
    0
    السلام عليكم

    عندي اجهزة IPhone 8GB جديده
    طبعا مثل ما انتو عارفين انه هالاجهزه مقفوله والحمد الله تم فتح القفل والكمية محدوده .. جدا جدا ( باقي جهازين بس ) :eek:
    معلومه : الاجهزه تشتغل على خطوط الوطنيه 100% ارسال واستقبال مكالمات ومسجات لكن على mtc فيتصل مكالمات ويرسل ويستقبل مسجات لكن لا يستقبل مكالمات

    والي عنده جهاز نفسه ومقفول نقدر نفتح له القفل .. بسعر معقول جدا نسبة للبرنامج الي راح نشتري الليسن له وشكرا

    السعر 245 دينار
    للطلب والاستفسار : ارسل مسج على 6563377
     
  2. man7os

    man7os عضو جديد

    التسجيل:
    ‏14 ديسمبر 2006
    المشاركات:
    162
    عدد الإعجابات:
    0
    تم بيع الاجهزه .. وفي 5 اجهزه بتوصل بعد سبوعين

    الرجاء خذف الموضوع
     
  3. stillhamad

    stillhamad موقوف

    التسجيل:
    ‏13 نوفمبر 2005
    المشاركات:
    1,965
    عدد الإعجابات:
    0
    بللللللللللللللللل مسرع بعتهم

    ما يمديك حطيت إعلان !!!

    تسلفنى حظك أسبوع ؟؟
     
  4. man7os

    man7os عضو جديد

    التسجيل:
    ‏14 ديسمبر 2006
    المشاركات:
    162
    عدد الإعجابات:
    0
    قول ماشالله يمعود
     
  5. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    بعد اذنك حبيبي منحوس

    وانا بتييني اجهزه بعد بعد اسبوعين بنفس المواصفات للاستفسار بالخاص
     
  6. Em7md

    Em7md عضو جديد

    التسجيل:
    ‏20 سبتمبر 2007
    المشاركات:
    93
    عدد الإعجابات:
    0
    تم تشغيل الخدمة
     
  7. Em7md

    Em7md عضو جديد

    التسجيل:
    ‏20 سبتمبر 2007
    المشاركات:
    93
    عدد الإعجابات:
    0
    عند جهاز .. بالكويت ؟؟ عاجل؟
    وبجم؟؟
     
  8. ابن قرناس

    ابن قرناس موقوف

    التسجيل:
    ‏21 ابريل 2007
    المشاركات:
    614
    عدد الإعجابات:
    0
    ياشباب الجهاز نزل بيوريكا بالكويت
     
  9. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    نزل بيوريكا وكفالته على ابل الكويت وعندك فكره انه ابل الكويت اصدرت اوامر بعدم اصلاح اي اي فون ايي عن طريق يوريكا لانها مخالفه بالاعلان وعلى كيفها قالت ابل اتصلحلكم وابل نفسها مو موافقه وتم الشكوى على يوريكا من قبل شركه ابل لاستعمالها اعلان يخص سلعه من شركه ماك من غير اذن منها واستعمالها شعارهم
    ويوريكا اتبيعه على اربعميه دينااااار مع العلم انه الشباب اهني قاعد يبيعونه بره بميتين واربعين كادنى سعر وما يتعدى ميتين وستين ونفس المواصفات اللي عند يوريكا لا و يايبينه من الشركه الرئيسيه اللي بامريكا :)

    فشراي الشباب بهالشي يوريكا ولا شبابنا اولى
     
  10. ناصر الكويت

    ناصر الكويت عضو جديد

    التسجيل:
    ‏17 يوليو 2007
    المشاركات:
    198
    عدد الإعجابات:
    0
    والله لا يوركا ولا شبابنا اللطيف ... كلهم أسعارهم مبالغة فيها :D


    والى حاب يطلب الجهاز لازم يكون عنده حساب Aramex حتى يحط العنوان بأمريكا ويستخدم بطاقة البنك الوطني ويكلف تقريباً الـ 8 جيجا 445 دولار يعني 125 + تكاليف الشحن 135 دينار وفترة التوصيل من عشر أيام الى اسبوعين كحد اقصى

    [​IMG]

    وهذا الرابط للموضوع كامل

    http://www.248am.com/mark/kuwait/order-your-iphone/

    وبخصوص كسر شفرة الجهاز " مجانا " وتقدر تسويها بنفسك وبالعربي

    www.iphone4arab.com


    والانجليزي "فيديو "

    http://cre.ations.net/creation/ibrickr


    اتمنى الشباب ما يزعلون علينا ولكن الأسعار مبالغ فيها

    والله يرزق الجميع
     
  11. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    انزين في جمرك وفي رسوم ارض الجمارك ساعات تقعد الشغله بالجمرك اكثر من يوم او يومين وعندك مو كل واحد بيعرف ويبي يجابل الجهاز اكثر من ساعه علشان يبطله وعندك الاجهزه اللي الحين فيها فيرجنات يديده والانلوك عالفيرجنات القديمه يعني في ناس يفضلون اييهم الجهاز بارد امبرد وما يبي يسوي تجارب واللي يغلط بالانلوك مره هالشي يخرب عليه وماراح يقدر يسويله ان لوك مره ثانيه للعلم وانا مجرب بنفسي :)
     
  12. ناصر الكويت

    ناصر الكويت عضو جديد

    التسجيل:
    ‏17 يوليو 2007
    المشاركات:
    198
    عدد الإعجابات:
    0
    رسوم الجمرك ورسوم أرض الجمرك على قولتك جم تأخذ على جهاز وزنه اقل من كيلو ؟

    والجهاز يوصلك بارد ومبرد لما يكون من الشركة الأم ويكون مفتوح على جميع الشبكات بالعالم او من الوكيل المعتمد بالكويت وغير هل كلام مو صحيح

    وكل برامج كسر الحماية عبارة عن تجارب مو مضمونه نهائياً وعلى مسؤليتك الشخصية بشهادة المبرمجين لها وتطيح الكفالة على الجهاز حتى للأشخاص بأمريكا

    ومع هذا مو سبب تكون الأسعار دبل عندنا واقصد يوركا وغيرها
     
  13. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    حبيبي سؤال انت اتقول اهو ايي مفتووح انت عندك فكره انه الجهاز محتكر من شركه اسمها اي تي ان تي وانه ممنوع ينباع باي شركات ثانيه حته الوكيل مال الكويت ودبي مو يايب الجهاز لانه محتكر بامريكا ومن قال انه يوصل شغال بارد مبرد
    يبا اطلبلك واحد بنفسك وجرب
    انا ما اناجر او شي انا قاعد اقوول شي واقعي واظن الكل عارف انه الجهاز مو نازل باي مكان غير امريكا وانه امريكا اهي المصدر الرئيسي للجهاز يعني اي مكان ثاني يبيعه يايبه من امريكا

    وثانيا كفاله الجهاااز ما تطيح من سوفت وير اذا صار عبث بالهاردوير اتطيح
    والسبب انه غالي انه الناس نصها ما اتامن بالشرا عن طريق النت او ما عندها فكره عن طريقه المشترا او ما عندها الكريديت اللي يخليها تشتري اووو انه في ناس ما اتعرف النت او ناس تبي شي مضمون جاهز جدامها وما همها الفلوس
     
  14. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    وازيدك من الشعر بيت الشركه الحين حطت شرط انه الايفون بس ينشحن لي بيت بامريكا يعني لي عنوان بيت بامريكا مو عنوان شركه شحن بامريكا يعني لو عندك عنوان مع اراميكس ما يفيدك مع ابل حبيبي :) لاني مجرب امس وردولي بهالحجي بانه لازم عنوان بيت مو شركه بريد مثل فيديكس او اراميكس
     
  15. ناصر الكويت

    ناصر الكويت عضو جديد

    التسجيل:
    ‏17 يوليو 2007
    المشاركات:
    198
    عدد الإعجابات:
    0
    انا مادري ليش انت معصب :)

    كلامي موجة ليوركا وكل شخص يبالغ بالأسعار ويخليها الدبل " انت واحد منهم ؟ "


    وخلني افهمك شركة [​IMG] محتكرة الجهاز لفترة معينه بعدها راح يكون مفتوح هذا لعلمك راجع ردك فوق وتعرف منو يقول يوصلك بارد وامبرد :)

    اي تعبث بالجهاز خصوصاً كسر الحماية تطيح الكفالة منه ومافي برنامج كسر حماية مضمون واكثر من برنامج موجود بالنت وكل مبرمج ما يضمن لك ويحملك مسؤلية جهازك انت شخصياً وانت تبي تخليه غصب غصب مضمون ؟

    في ناس وفي ناس ..... وانا اكملها لك واقول في ناس تدبل الشغلة وتبالغ بسعرها
     
  16. ناصر الكويت

    ناصر الكويت عضو جديد

    التسجيل:
    ‏17 يوليو 2007
    المشاركات:
    198
    عدد الإعجابات:
    0
    وانا خلني ازيدك من الشعر بيتين موقع apple يقبل اي طلبية داخل أمريكا فقط وارامكس تعطيك عنوان بأمريكا وبريطانيا يعني تقدر تطلب من أبل او امازون وغيرها

    وتقدر تشوف صورة الطلبية فوق

    وغير هل كلام مو صحيح :)
     
  17. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    والله مو معصب ههههههههه حبيب والله بس هذا نقاش ونت وماكو تعابير ويه هه
     
  18. مستثمر صغيرون

    مستثمر صغيرون عضو جديد

    التسجيل:
    ‏17 يونيو 2005
    المشاركات:
    952
    عدد الإعجابات:
    0
    ممكن-توضيح-اكثر-علي-الجهاز-شنو-يسوي-بالظبط
     
  19. DENALI_Q8

    DENALI_Q8 عضو نشط

    التسجيل:
    ‏16 يوليو 2007
    المشاركات:
    1,026
    عدد الإعجابات:
    0
    مكان الإقامة:
    الكويت
    انا معاك بهذا بس الظاهر توهم مغيرين وايد ناس حاولو اليوم يقولهم ما ندز حق عنوان مال مييل كومباني الظاهر مانعين هالشي الحين
     
  20. man7os

    man7os عضو جديد

    التسجيل:
    ‏14 ديسمبر 2006
    المشاركات:
    162
    عدد الإعجابات:
    0
    مشكورين على الكلام الحلو وباجر انا طاير لامريكا لاحضار الاجهزه وعلى فكره اسعاركم غير صحيحه عن تكلفة الجهاز بامريكا لانه منتهي من الموزعين الي عندهم خصم ومن الشركه الام يكلف اكثر من جذي
    وغير جذي مجموع من الكراكرز المختصين بالصين فتحو الشفره ومضمونه والحمد الله بعت 9 اجهزه وكل شي تمام ومافيه مشاكل وشغال على الوطنيه وشبكة زين

    يعني كل شي تمام وسعر الجهاز حاليا بالكويت جاهز ب 400 دينار عند يوريكا
    والجهاز راح يكون عندي ب 245 دينار ويكون مفتوح وجاهز ومع الفاتوره تستلمها وان احتجت فورمات وهالسوالف مستعد اضبطها للزبون مجانا .. على العموم الحريه وارده للكل لكن على قولتكم المجازفه في التجربه وفتح الشفره .. فانا تحملت هالشي وفعلا عطلت اكثر من جهاز من قبل
    لكن الحين مضمون الشغل وجاهز تحط الخط والسلام عليكم
    فاتوقع انا تحملت المجازفه والخساره ولو اني مو ربحان جان ما عرضت الموضوع وبعت
    والربح مو مبالغ فيه ابدا

    والي يبي يوفر خل يسافر امريكا يشتري الجهاز طبعا عقب ما يدوره لانه مخلص باغلب الاماكن
    وخل يدور البرمجه المضمونه الي ما تخرب الجهاز ويوفر على نفسه 30 دينار هههههه وسلامتكم

    انشالله لي الاثنين الياي تكون الاجهزه موجوده والسعر 245 دينار وشكرا
     
حالة الموضوع:
مغلق