مطلوب ايجار بيت كامل بالجهراء و الدفع 12 شهر مقدما

[Q8_]

مطلوب ايجار بيت كامل بالجهراء لعائله صغيره و بسعر معقول
و الدفع 12 شهر مقدما

 

[F16]

موجود طلبك فى منطقه الواحه بيت كامل مع وحدات تكيف البيت بكامل وبيت نظيف ومرمم جديد

 

[Q8_]

شكرا أخ F16

الواحه ( الكوريات ) هي آخر الخيارات عندي
الأولويه النعيم , جنوب الجهراء , النسيم , العيون , القصر , الواحه
شرط يكون تأجير البيت بالكامـل و ليس جزء منه
يفضل لو يكون جديد
الشرط الأول و الأساسي ... التعامل مع صاحب العقار فقط و ليس عن طريق مكاتب عقارية أو أي وسطاء
من غير هذا الشرط لن أأجر

على العموم ياليت لو تذكر كم أيجاره الشهري علشان أحسب حسابي
إذا لم أجد غير في الواحه عندي كم شغله لازم أعرفها قبل الإقبال على الإيجار
1- هل جيرانه و الحاره التي فيها كويتيين أم عمال مؤجرين
2- هل البيت نظيف
3- هل يمانع المالك أن أضع مظلات أمام البيت
4- هل لي الحق بتحديد مده زمنيه لا يستطيع فيها المالك من إخراجي من المنزل فيها , لأنني ما أسكن ببيت إلا أضبطه و أخسر فيه
5- سمعة الجيران , و هذة لازم أبحث عنها بنفسي

 

[F16]

هلا اخوى كويت اول شى هذا بيت ولد عمى وهو وحيد ابوه وطلعله بيت بجنوب الجهراء وسكنه وبقا بيتهم فاضى وبيت فيه مظله تكفى 4 سيارات وشارع وسيع وجيران كلهم كويتين وعيال حمايل من الدرجه الاولى وزمن الايجار بكيفك انت الانه مو محتاج البيت ولاتنسا حنا بعد عندنا شروط 1 _ يكون انسان يحترم الجيران 2 _ مايربى حمام 3 _ مايكون عندك اولاد يملكون سيارات سبورت جيتى زد 4_ صدقنى اذا الله كتب وخذت البيت راح ترتاح وخذ العنوان وانت حر هذا اذا لحقت ومتاجر البيت ------ الواحه قطعه 2 شارع 6 منزل رقم 993

 

[kwt.to.kwt]

بالتوفيق يا الجهراوية

 

[al7rairi]

الأخ / F16
البيت ماهو للبيع .......

 

[Q8_]

1 _ يكون انسان يحترم الجيران 2 _ مايربى حمام 3 _ مايكون عندك اولاد يملكون سيارات سبورت جيتى زد 4_ صدقنى اذا الله كتب وخذت البيت راح ترتاح

1- انا أقدس الجيران
2- عمري ما ربيت حمام
3- اكبر طفل عندنا في صف أولى أبتدائي
4- الله يكتب اللي فيه خيره

أنتظر منك مسج على الخاص بخصوص السعر و الترتيبات
اشوف البيت بالأول

تحياتي