للبيع منظار ليلي أمريكي الصنع

[سلطان الكويت33]

السلام عليكم ورحمة الله وبركاتة

للبيع منظار ليلي رأية واضحة بالظلام صناعة أمريكية من
أكبر الشركات المختصة في
صناعة المناظير الليلية لم يستعمل جديد بالكرتون
ولا يوجد عندي غيره أتمنى يكون السوم للأعضاء والأشخاص الجادين
ملاحظة : المنظار عين واحدة
ويوجد به ليزر يعطي وضوح تام
للأشياء القريبه لأي استفسار الرجاء مراسلتي على الإيميل wede2001‎@hotmail.com ‎
اترك السومات لكم
والله ولي التوفيق

 

[اهم1]

صباح الخير اخوي سلطان
اذا تقدر تحط لنا صورة للمنظار علشان نعرف نسوم والمنظار كبير والا صغير

 

[سلطان الكويت33]

الاخ العزيز أهم1

شاكر لمشاركتك وهذه الصوره الحقيقية للمنظار

 

[اهم1]

كم سعرك؟

الاخ العزيز أهم1

شاكر لمشاركتك وهذه الصوره الحقيقية للمنظار

مشكور علي سرعة الرد وارجوا انت ترسل لي سعرك علي الخاص اخوي العزيز لاني ما اعرف سعرهن ولا اقدر اسوم شي وانا ما دري كم يسوي عطني سعرك

 

[سلطان الكويت33]

اخوي اهم1 انظر الخاص

 

[مستثمر صغيرون]

هم-انا-خاص

 

[سلطان الكويت33]

للاخوان الجادين في الشراء حبيت اوضح بان اردى نوع من المناظير الليليه سعره فوق 100دينار اللي ابيه منكم تفتحون السوم فوق 100دك وانا طالب اكثر للعلم بكثير بس من حد لد وانا جاد في البيع

 

[UNIX]

ممكن نوعه و موديله لو سمحت؟ و اذا عجبني سعره راح اشتريه منك بسعر تكلفتك و بدون حساب الاستهلاك لأن المناظير لا تستهلك

 

[سلطان الكويت33]

شكرا لك أخوي على مرورك بالنسبة للنوع مثل ماهو موضح بالصورة أما بالنسبة للموديل 2007 وإذا تحب تفحص وتجرب
اترك رقمك وراح أتصل فيك ان شاء الله

 

[UNIX]

ماله ماركة؟ و رقم موديل؟

 

[سلطان الكويت33]

الاخ العزيز المنظار له اكثر من رقم واسم الشركه لها افرع كثيره بالدول

ما احب اعطيك اسم او رقم بالغلط يكفي وضع الصوره اللي انا حاطها

والسوم الحين واصل 120دك


وانا ابي اكثر بقليل وشاكر كل الاخوه اللي ادخلوا بالخاص واللي شاركم معاي

 

[سلطان الكويت33]

شكرا لجميع الاخوان اللي شاركم

بخصوص المنظار السعر النهائي المطلوب هو 150دك

ولاي استفسار انا بالخدمة

 

[S500]

الاخ العزيز المنظار له اكثر من رقم واسم الشركه لها افرع كثيره بالدول

ما احب اعطيك اسم او رقم بالغلط يكفي وضع الصوره اللي انا حاطها

والسوم الحين واصل 120دك


وانا ابي اكثر بقليل وشاكر كل الاخوه اللي ادخلوا بالخاص واللي شاركم معاي

كلامك هذا غير مقنع

صراحه كنت بزيد لكن خوفتني بكلامك

ليه ما تحط موديل الجهاز مافيها شي

اذا ما تعرف مو مشكله

انقل اي كلام على المنظار للمنتدى وخلاص تكون بريت الذمه

الخطوه اللي بعدها تكون علينا مو عليك وشرط لو يكون اللي في بالي ذيج الساعه اخذه منك بدون فحص بعد

الصوره ماتكفي

واذا السالفه صعبه عليك

نبي منك اسم الماركه ووين مصنوع بس

لا تقول بعد مو مكتوب عليه:d

 

[سلطان الكويت33]

اخوي الغالي S 500

المنظار أمريكي الصنع وانت مو قشيم في البيع والمشترى

قبل لاتدفع فلوسك راح تجرب الجهاز وتعرف مو ديله واسم شركته

وتبرية الذمه اخوي الحمد لله انا مقتنع اني مبري ذمتي بوضع الصوره الحقيقيه للمنظار

والسوم الحين على الخاص 135دك

 

[UNIX]

هذا بيع غرر!!

حط لنا ماركته و رقم موديله و احنا نشوف صناعة وين و مواصفاته!! ما يجوز أزايد على سلعة مجهولة!

و اذا كنت مصر على التعتيم و بناءاً على الصورة المو واضحة كلش انا أسوم ب 3 دنانير مع شرط التوصيل للبيت.

 

[al7bebe]

145 دينار

والحد 150 دينار كويتي شاري المنظار
بس ممكن المسافة لو سمحت ؟

 

[al7bebe]

واذا عندك منظار روسي ليلي اشتري منك في سعر 160 دينار

وقابل للزيادة بالسعر اذا تواجد خلال الاسبوع .
شكر مقدماً.

 

[سلطان الكويت33]

شكرا لك الحبيبي على المشاركة الطيبة
أنظر الخاص يالغالي

 

[سلطان الكويت33]

يا اخوان المنظار موجود ما بعته لعدم جدية بعض اللي
يسومونه والله يعطيكم العافيه

 

[يوسف_007]

السلام عليكم الدربيل اقدر اشوف فيه بالنهار وكم كيلو مداه