شركة جيزان العقارية ش م ك مقفلة ( جيزان ) ...4

[المضارب السريع]

السهم صعد من 134 إلى 495 يعني حوالي مرتين و نص و كان وقتها معدل السهم على 50 يوم حوالي 290 يعني كان لازم يصحح و يجني أرباحه على هالسعر و بنفس الوقت إختلاق أزمة الدمج بهدف إقفال الربع الثالث و فعلا نزله إلي 295 و كان هالسعر 60% على فيبوناتشي
لو نشوف أرباح الربع الثاني كانت في 2006 خساره حوالي 14.4 مليون تحولت هالسنه إلى ربح حوالي 6 ملايين و 4 ملايين غير محقق برحية سهم 26.5 يعني السعر العادل حوالي 265 فلس
ارباح الربع الثالث نقدر نقول 26.5 +36 = 62.5 هذا المعلن لحد الآن يعني السعر العادل للسهم حوالي 625 فلس
حسب تحليل الشارت الموجه الثالثه إنشاء الله راح تكون 850 فلس و هالشي إحتمال على نهاية السنه أو عند إجتماع الجمعية العمومية
و لو تلاحظون الأسبوع الي طاف ما كان في آجل على جيزان بحجة ماكو كاش لكن اللي آنا لاحظته على اكثر من سهم إن ما يعطونك آجل الآ إذا قرب السهم يصحح بجني الأرباح
و الله أعلم هذا تحليل مو توصيه

ياطويل العمر شركات البحر كلهم مافي اجل مو بس جيزان

 

[سايق الخير74]

فعلا جيزان الوحيده مايعطون عليها كاش مو عشان مافي كاش عشان المشاكل اللي صايره والكاش موجود للجميع ماعدا اهي اللي مايعطون وحتى الدوليه يعطون آجل ربعي ماخذين.

 

[كويتي2006]

يعني قصدك جيزان ممكن يوصل سعره فوق 1,700 فلس حسب فوباتشي

فوباتشي تحليلاته اضبطت من قبل مع شركات ثانيه ولا مجرد برنامج يعطي شارتات

صراحه فرحتنا بتحليلك ، عاد انا قايل حلم ان يوصل دينار ، انته الحين حطيتها في بالي سالفة فوق 1,700

يا جماعة مو قلت لكم ممكن البحر اعناد على الفلاح يوصل سعر جيزان فوق 5 دنانير ، مثل ما صار مع امريكانا من دنيار لي فوق 4 دنانير حسب ما سمعت ما ادري بعد عن سالفة امريكانا

انا لو من البحر جان احط تصريح بالجرايد ( سوف اجعل سهم جيزان عزيزا وسوف يكون قبل نهاية السنة أغلى سهم في بورصة الكويت )

عاد بهل الحاله كلمن بيشتري وبيصير طق امطاقق على السهم وهل شي راح يرفعه اكيدين

بس بنص الفليم يطلع الفلاح ويوقف السهم عن التداول سبب صعوده الغير مبرر ( اهني راح يتغافلون عن سالفة قاعدة العرض والطلب في اقتصاديات السوق الحر ) لأن من صلاحياته يوفق اي سهم حسب ما صرح بالمؤتمر الصحفي

وبعدين تتجمد افلوسنا مع السهم المتوقف

انا عندي شعور قوي اني لي نهاية السنة راح اييني رزق قوي وانعوض خسايرنا ، دعائنا في شهر رمضان راح يعطي مفعوله ، وانشاء اللله الجميع يربحون بعد

امييييييييييييييييييييييييييييييين يا رب العالمين ، أرزقنا وأرزق كل من يستحق

 

[ناصر دشتي]

يا جماعه متى اخر موعد اعلانات الارباح

 

[عقاب]

يا جماعه متى اخر موعد اعلانات الارباح

اعتقد ان اخر موعد

15/11/2007

 

[سعود222]

التمني شي والحقيقه شيء آخر
والتحليل الفني هو غالبا يكون صحيح
ما لم تحدث اي طواريءمثل اخبار خسائر وغيره
ومع التحليل الفني تكون اقل الخاسرين بأذن الله في حالة نزول السهم
ومع التحليل الفني تكون من اول الرابحين بأذن الله في حالة صعود السهم
لمعرفتك في اشارات الدخول والخروج
وللعلم الاخبار والاشاعات تؤثر على السهم وعلى المساهمين نفسيا
والله يوفق الجميع

 

[Mr. Eng.]

يعني قصدك جيزان ممكن يوصل سعره فوق 1,700 فلس حسب فوباتشي

فوباتشي تحليلاته اضبطت من قبل مع شركات ثانيه ولا مجرد برنامج يعطي شارتات

صراحه فرحتنا بتحليلك ، عاد انا قايل حلم ان يوصل دينار ، انته الحين حطيتها في بالي سالفة فوق 1,700

يا جماعة مو قلت لكم ممكن البحر اعناد على الفلاح يوصل سعر جيزان فوق 5 دنانير ، مثل ما صار مع امريكانا من دنيار لي فوق 4 دنانير حسب ما سمعت ما ادري بعد عن سالفة امريكانا

انا لو من البحر جان احط تصريح بالجرايد ( سوف اجعل سهم جيزان عزيزا وسوف يكون قبل نهاية السنة أغلى سهم في بورصة الكويت )

عاد بهل الحاله كلمن بيشتري وبيصير طق امطاقق على السهم وهل شي راح يرفعه اكيدين

بس بنص الفليم يطلع الفلاح ويوقف السهم عن التداول سبب صعوده الغير مبرر ( اهني راح يتغافلون عن سالفة قاعدة العرض والطلب في اقتصاديات السوق الحر ) لأن من صلاحياته يوفق اي سهم حسب ما صرح بالمؤتمر الصحفي

وبعدين تتجمد افلوسنا مع السهم المتوقف

انا عندي شعور قوي اني لي نهاية السنة راح اييني رزق قوي وانعوض خسايرنا ، دعائنا في شهر رمضان راح يعطي مفعوله ، وانشاء اللله الجميع يربحون بعد

امييييييييييييييييييييييييييييييين يا رب العالمين ، أرزقنا وأرزق كل من يستحق

1,700 على 420% فيبوناتشي و السهم وصل في الموجه الفرعيه الخامسه من الموجه الأولى إلى 420% فيبوناتشي و في الموجه C من الموجه الثانيه وصل أكثر من 300% فيبوناتشي يعني السهم إنشاء الله ما عنده أي مشكله يطوف سعر 850
لكن حاليا خلنا على ال850 و نتحقق من الموجتين الفرعيه التانيه و الثالثه من الموجه الثالثه و إنشاء الله الله يرزق الكل

 

[UNIX]

السهم صعد من 134 إلى 495 يعني حوالي مرتين و نص و كان وقتها معدل السهم على 50 يوم حوالي 290 يعني كان لازم يصحح و يجني أرباحه على هالسعر و بنفس الوقت إختلاق أزمة الدمج بهدف إقفال الربع الثالث و فعلا نزله إلي 295 و كان هالسعر 60% على فيبوناتشي
لو نشوف أرباح الربع الثاني كانت في 2006 خساره حوالي 14.4 مليون تحولت هالسنه إلى ربح حوالي 6 ملايين و 4 ملايين غير محقق برحية سهم 26.5 يعني السعر العادل حوالي 265 فلس
ارباح الربع الثالث نقدر نقول 26.5 +36 = 62.5 هذا المعلن لحد الآن يعني السعر العادل للسهم حوالي 625 فلس
حسب تحليل الشارت الموجه الثالثه إنشاء الله راح تكون 850 فلس و هالشي إحتمال على نهاية السنه أو عند إجتماع الجمعية العمومية
و لو تلاحظون الأسبوع الي طاف ما كان في آجل على جيزان بحجة ماكو كاش لكن اللي آنا لاحظته على اكثر من سهم إن ما يعطونك آجل الآ إذا قرب السهم يصحح بجني الأرباح
و الله أعلم هذا تحليل مو توصيه

عفواً أخوي كلامك مو صحيح،، عمره السهم ما تقيم بربحيته، السهم يتقيم بمجموع أصوله و ديونه و مصاريفه الرأس مالية و خصم ضرائبه
و بعدين تحسب البرسنت فاليو حقه، انا وايد ملاحظ بالمنتدى اته في ناس يتكلمون غلط حول التقييم.. على أي أساس قلت سعر السهم العادل يساوي 10 أضعاف ربحيته؟ ليش مو 9 و نص ليش مو 8 ليش مو 13؟ ممكن تشرح النظرية + اتييب لنا منو مصدر النظرية؟

للعلم سهم جيزان ما يسوى شي لأنه ما يملك أصول و أرباحه كل من عمليات المضاربة، يعني السهم مو واقف على أرضية صلبه

 

[Mr. Eng.]

يعطيك العافيه

ممكن ترفق لنا التحليل وتشرح لنا الاسعار اللي يكون فيها جني ارباح
حتى تعم الفائده للجميع بارك الله فيك

شكرا لك

حاضر ولد عمي ما طلبت شي
هذا شارت جيزان و إحتمالات أسعار جني الأرباح

 

[Mr. Eng.]

عفواً أخوي كلامك مو صحيح،، عمره السهم ما تقيم بربحيته، السهم يتقيم بمجموع أصوله و ديونه و مصاريفه الرأس مالية و خصم ضرائبه
و بعدين تحسب البرسنت فاليو حقه، انا وايد ملاحظ بالمنتدى اته في ناس يتكلمون غلط حول التقييم.. على أي أساس قلت سعر السهم العادل يساوي 10 أضعاف ربحيته؟ ليش مو 9 و نص ليش مو 8 ليش مو 13؟ ممكن تشرح النظرية + اتييب لنا منو مصدر النظرية؟

للعلم سهم جيزان ما يسوى شي لأنه ما يملك أصول و أرباحه كل من عمليات المضاربة، يعني السهم مو واقف على أرضية صلبه

تحليل الأسهم بالطريقه اللي انت قلها صح نظريا لكن تحليل الأسهم حق التداول اليومي ما نقدر نلتزم 100% بالنظريات لأن في تأثير نفسي على السهم لازم نحطه بالإعتبار
التأثير النفسي بالنسبه حق سوق الكويت يقيم سعر السعر عشر أضعاف ربحيه السهم لأنها أسهل في الحسبه من أي رقم ثاني لا أكثر لا أقل
و تقدر تسأل أغلب اللي في السوق راح يعطيك 10 أضعاف مو معناته إنهم صح لكن هذا سعر نفسي
و الله أعلم

 

[UNIX]

تحليل الأسهم بالطريقه اللي انت قلها صح نظريا لكن تحليل الأسهم حق التداول اليومي ما نقدر نلتزم 100% بالنظريات لأن في تأثير نفسي على السهم لازم نحطه بالإعتبار
التأثير النفسي بالنسبه حق سوق الكويت يقيم سعر السعر عشر أضعاف ربحيه السهم لأنها أسهل في الحسبه من أي رقم ثاني لا أكثر لا أقل
و تقدر تسأل أغلب اللي في السوق راح يعطيك 10 أضعاف مو معناته إنهم صح لكن هذا سعر نفسي
و الله أعلم

كلام منطقي

 

[الرئيس الحزين]

توقعاتي جيزان نهاية العام فوق 800 حسب بعض المصادر لديه وأيضا لديه صحفي صديق لي في أحد الجرائد قال أشتر أسهم البحر وأنسهم وكانو اسعارهم 130 لحين شوف توصيه صحيحيه 100% وهذه ليست دعوه للبيع والشراء قرار الشراء والبيع خاص بك

 

[ALSERHAN]

إنشالله خير يعني هالسهم مو أحسن من أسهمنا..

 

[خبره بالسوق]

حبيب قلبي الظاهر ان انت ما تعرف بالسوق او توك جديد بالسوق وعظمك طري


السهم يتحرك صعودا وهبوطا من خلال الاخبار

وانا هلخبر ما يبته من عندي هذا تصريح رئيس مجلس الادارة


السهم صعد بالماضي علي سالفة ان جيزان راح تندمج مع شركة الكويت القابضة وحقق ارتفاعات كبيرة علي هلخبر
ويوم قررت لجنه السوق عدم دمج الشركات الورقية هبط السهم وبشكل كبير وبعدها صعد لان مجموعة البحر دعمته وحاولت انها تثني ذراع لجنة السوق

بس ما قدرت مجموعة البحر علي الي تبيه ومشي كلام لجنه السوق

واليوم رئيس مجلس الادارة ( جيزان ) يصرح ويقول خلاص محنا مندمجين يعني الارباح الي كانوا متوقعينها من سالفة الاندماج بتطير وماراح تتم



ياريت لو تفهم شوي

اذا انا ما افهم شي ؟

وبكل تاكيد أنا ما افهم شي بهذه المدرسه البورصويه

وان شاء الله انت الفاهم !! والكل راح يستفيد من معلوماتك اذا كانت صحيحه

ولعلمك الخاص ....

ان سهم جيزان راح يعلن عن ارباح طيبه

والله يعلم

ملاحظه لوجه الله

لا تتكلم عن شي انت ما تعرفه ,,, رجاء خاص

واذا انت تقول عني انا جديد بالسوق فعلا انا جديد بالسوق

يعني انا اتداول بالورصه من سنة 1997

بس اتحداك اذا انت كنت تتداول من قبلي

 

[UNIX]

الموضوع صار.. أبوي أقوى من أبوك و سيارتي أحلى من سيارتك؟ يا جماعة اللي يبي يتناجر في عندكم الخاص و تواعدوا بره و تهاوشوا لأن المنتدى مخصص لمتابعة الأسهم (تحليل - أخبار) فقط لا غير

و الله يوفقكم و ان شاء الله محد فيكم يخسر بالهوشة

 

[الرئيس الحزين]

خبر في جريده الوطن التوقعات جيزان بتحقيق 65 فلس بس برأيى الربحيه موطيبه أذا صدق الخبر بسب يعني جيزان حقق في الربع الثاني 26 فلس وأضياف عليها بيعت الخليج للوسطه 38 فلس يعني المجموع 64 فلس يعني محقق فلس 1 في الربع الثالث غير بيعت الخليج للوسطه وين شغل الشركه من نشاطها

 

[Mr. Eng.]

خبر في جريده الوطن التوقعات جيزان بتحقيق 65 فلس بس برأيى الربحيه موطيبه أذا صدق الخبر بسب يعني جيزان حقق في الربع الثاني 26 فلس وأضياف عليها بيعت الخليج للوسطه 38 فلس يعني المجموع 64 فلس يعني محقق فلس 1 في الربع الثالث غير بيعت الخليج للوسطه وين شغل الشركه من نشاطها

الخبر هذا كلام فاضي ماله علاقه لا من قريب و لا من بعيد عن المصادر اللي يقولون عنها السالفه و ما فيها يحاولون ان يكون عندهم سبق صحفي من و لا شي
اللي متابع أخبار السهم عارف إن أرباح الربع الثاني 26.5 و ارباح البيعه حوالي 38 يعني المجموع المعلن 64.5 قبل لا ينتهون من ميزانية الربع الثالث يعني وين الجديد بالخبر

 

[ناصر دشتي]

الخبر هذا كلام فاضي ماله علاقه لا من قريب و لا من بعيد عن المصادر اللي يقولون عنها السالفه و ما فيها يحاولون ان يكون عندهم سبق صحفي من و لا شي
اللي متابع أخبار السهم عارف إن أرباح الربع الثاني 26.5 و ارباح البيعه حوالي 38 يعني المجموع المعلن 64.5 قبل لا ينتهون من ميزانية الربع الثالث يعني وين الجديد بالخبر

يعني هذا خبر مو زين حق الشركه

 

[الرئيس الحزين]

الربحيه زينه بس كنا متوقعين أكثر من هذه الربحيه التي ذكرت بالوطن وأنشاءالله توقعات الوطن تكون مو صحيحه

 

[Mr. Eng.]

يعني هذا خبر مو زين حق الشركه

بالعكس الشركه ما سربت اي خبر لحد الآن و السهم حاليا سعره أقل من المعدل السعري ل 50
المعدل السعري ل 50 يوم تقريبا 376 فلس