نصيحه.... وعندكم القرار...؟

[دولار$]

اخواني
ما املك من معلومه ان النزول الجنوني لاسهم البحر سيتوقف بالفتره الحاليه وتتماسك الاسعار
واحتمال العوده لاسعاره السابقه بالفتره المقبله
والعلم عند الله (مصدر بإذن الله ثقه)
والقرار قراركم بالنهايه وأخلي مسؤليتي بالبيع والشراء

يعطيك ألف عافيه أخوي قنوع
ومجهود جبار منك للشباب
وأنا اشد المعجبين بتحاليلك وتوقعاتك للأسهم
أما بخصوص أسهم البحر .. صعب تتوقع وتشرح
اذا كنت مكانك .. أمتنع عن الاجابة على أسهم البحر
هذا راي الشخصي

 

[البراق2]

اخوي قنوع انا اتفق معاك ان السهم برد مثل ما كان
بس ابيك توضح متى على شان اكثر من الكميه الي
عندي

مو انت امس كاتب ان في شخص ثقة قالك ان اسهم البحر بترد اعلي من اسعار قبل ؟


ليش ما تساله وقمت تسال العالم بالمنتديات ​

 

[كويتي 777]

انا اختلف من الاخ قنوع واختلف مع كل شخص يقول امسك اسهم البحر ولا يهمك النزول


انا اقول مادام السهم قاعد ينزل وبقوة بيعة باسرع وقت واول ما تشوفه بدا يتعافي اشترة بسعر اقل علي الاقل يقل سعر التكلفة عندك



انا علي سبيل المثال بعت الدولية للمشروعات بسعر 305 وكنت شاريها علي 345
وايد ناس قالولي حرام وما عندك سالفة ليش بعتها علي 305

سعر السهم اليوم 260 بعني اقدر اشتريه الان بسعر 260 وبذلك تكون تكلفة السهم علي 305 فلس وليست 345


اكبر غلط انك تشوف سهمك ينهار وانت قاعد تتطمش علية وما تسوي شي

بيعة واسترجعة من تحت​

كــــــــــــلامك سليم اخوي...بس مثل ماقال اخوي قــــــــــنوع حتى انا سامع في ارتدااااااد قووي للبحر بس متى .... الله واعلم

 

[stillhamad]

راح يصير أرتداد ليس لأن السهم قد أستعاد عافيته بل لأدخال أعداد جديده للقرقور ومن ثم قوع وعينك ما تشوف ألا النور ..

اللى مو شارى لا يشترى وفيه بالسوق 200 شركه واللى شرى وتدبس يصبر ويشوف شتصفى عليه .

 

[مركز7]

يا شباب لحد يشتري إلا في حالت الارتداد


الله يعطيك العافية أخوي قنوع

متي الارتداد

 

[stillhamad]

متي الارتداد

بالصفرى

 

[المؤشراتي2]

مجموعة البحر ستعود لاسعارها والعلم عند الله
القرار قراركم والامر عندكم من أراد البيع فأمره عنده ومن أراد الشراء فمسؤليته بذلك
أبديت لكم الرأي ...............والقرار قراركم

عز الله انك سيف مجرب والله يوفقك رغم اني ما أملك بس بشاره طيبه وفي وقتها للاخوان

 

[سعود222]

المراقبه افضل حتى تتضح الامور
والله يوفق الجميع

 

[قنوع ؟]

اخواني الاعزاء
نتمنى ان تكون المعلومه صحيحه وغدا للمراقبه وان شاءالله تتماسك الاسعار وهذا ما نتمناه
والله يكتب اللي فيه الخير للجميع

 

[al-hajri]

أحد ضحايا البحر

اخواني الاعزاء
نتمنى ان تكون المعلومه صحيحه وغدا للمراقبه وان شاءالله تتماسك الاسعار وهذا ما نتمناه
والله يكتب اللي فيه الخير للجميع

آمين ... الله يكتب اللي فيه الخير للجميع
والله يعطيك العافية يا أخ قنوع
وبالنسبة لأسهم البحر ماراح أبيع مع احترامي لتوصيتك .. مع اني من أشد المعجبين بتوصياتك ... لكن الخساره كايده ياقنوع بمعنى (( مرغم أخاك لابطل ))
وعسى الله يعوض الجميع


غرقان بحر

 

[حفار قبور]

راح يصير أرتداد ليس لأن السهم قد أستعاد عافيته بل لأدخال أعداد جديده للقرقور ومن ثم قوع وعينك ما تشوف ألا النور ..

هذا اللي آنه خايف منه

 

[قنوع ؟]

آمين ... الله يكتب اللي فيه الخير للجميع
والله يعطيك العافية يا أخ قنوع
وبالنسبة لأسهم البحر ماراح أبيع مع احترامي لتوصيتك .. مع اني من أشد المعجبين بتوصياتك ... لكن الخساره كايده ياقنوع بمعنى (( مرغم أخاك لابطل ))
وعسى الله يعوض الجميع


غرقان بحر

اخوي الهاجري
كن على ثقه اني املك في عقارات الكويت وكميات كبيره ودائما اوصي علي هذه الشركه وكان سعرها 230 يوم كنت اوصي
ولن اقوم ببيعها وهذا قراري
واتمني ان تتماسك بقية اسعار المجموعه لتخف خسائر الاخوان
والخساره بالعمر والا المال يفنى ما دام الانسان بصحه وخير وعافيه
وان شاءالله تتبدد القيوم ويفرح الجميع بالصعود وهذا أملي بالله سبحانه وما من عسر الا بعده فرج ان شاءالله
وبالتوفيق للجميع

 

[قنوع ؟]

اليووووم الفااااااصل

 

[Hit & run]

أنا أتوقع...اليوم...عنده أسعار بباله...للاقفال...لازم...يحافظ عليها...

ولكن الخوف من بكره.....عادي يهد السوق بالقاع...على رأس الفلاح...

 

[abuhbib]

اليووووم الفااااااصل

وضح اكثر جزاك الله خير

 

[Nagooshy]

اليووووم الفااااااصل

اشلون فاصل

 

[قنوع ؟]

إن شاءالله التمااااسك

 

[قنوع ؟]

مبروووووووووووك للجميع التعليقاااااات

 

[talal555]

مبروووووووووووك للجميع التعليقاااااات

الله يبارك فيك أخوي قنوع


شرايكم وين هدف السهم

يعني يمكن يروح للـ300 بسرعة

ويسبح في بحر الــ 300

الله كريم