قصيده بصانع المكياج

[خسران جداً]

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

3.
طالعتها ثـم قلـت هالقلـب يبغيـك
ومن شاف حسنك خلى غيرك يولـي

4.
ابغي اشوفـك دون مكيـاج يكسيـك
وابغـي اشوفـك بالجمـال المحلـي

5.
قالت تبينـي افـرك الوجـه تفريـك
واشيل هالبـودر وروجـي وكحلـي

6.
قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

​

 

[هرقل]

نسبة الجمال الطبيعي بالكويت هي 1 لكل 365 جيكرة ،،، واتحدى اي واحد يعطيني اقل من هالنسبة !!!

 

[كـــيـــــوت_25]

شكرا اخوي خسران جدا على النقل ​

نسبة الجمال الطبيعي بالكويت هي 1 لكل 365 جيكرة ،،، واتحدى اي واحد يعطيني اقل من هالنسبة !!!

ما اقول غير الله أكبر عليك بهالرمضان ​

 

[yoyo1983]

خسران جداً


شكرا

 

[بومشاري]

المشكله ماعاد هي سالفه مكياج
اليوم صارت عمليات تجميل
الزين زين لا مكياج ولا عمليات تجميل
والشين والله مايفيد فيه ترقيع​

 

[Bokandar79]

نسبة الجمال الطبيعي بالكويت هي 1 لكل 365 جيكرة ،،، واتحدى اي واحد يعطيني اقل من هالنسبة !!!

حرام عليك,,,
عاد مو 1 من 365

قول 5 من 5000 وحده,, جذي تدش العقل


لا جد هرقل,,, في وايد بنات حلوين بالديره,,,
والدليل : لي يومك مو محصل وحده احلى مني,,,

 

[khaled salehal]

اغلب اسهمنا قي البورصه حاطه مكياج

 

[محمد2000]

مسكينة البنت دائماً
شوفوا اغلب الرجال بالكويت عمرة 20 سنة 21 سنة مصلع ولا مكرش ولا ؟؟؟؟؟؟؟؟ كبيرة
غير التفاهة والمياعة واللبس المليغ وعدم الاعتماد علية كرجل .
وخير دليل احصائية وزارة العدل الاخيرة للطلاق .
ارقام تخوف وكبيرة للطلاق بالكويت والسبب عدم قدرة الشاب احتمال الحياة الزوجية ومسؤولية البيت .
التربية مهمة جداً جداً خاصة بالوقت الحاضر لوجود كثير من الاغراءات بكل مكان .
ولو حافظ كل رب اسرة علي ابناءة وكان متربي بيت اسرة عريقة واصيلة ومحافظة فعلاً لما كثرت عندنا الجنوس والبويات .

 

[كـــيـــــوت_25]

مسكينة البنت دائماً
شوفوا اغلب الرجال بالكويت عمرة 20 سنة 21 سنة مصلع ولا مكرش ولا ؟؟؟؟؟؟؟؟ كبيرة
غير التفاهة والمياعة واللبس المليغ وعدم الاعتماد علية كرجل .
وخير دليل احصائية وزارة العدل الاخيرة للطلاق .
ارقام تخوف وكبيرة للطلاق بالكويت والسبب عدم قدرة الشاب احتمال الحياة الزوجية ومسؤولية البيت .
التربية مهمة جداً جداً خاصة بالوقت الحاضر لوجود كثير من الاغراءات بكل مكان .
ولو حافظ كل رب اسرة علي ابناءة وكان متربي بيت اسرة عريقة واصيلة ومحافظة فعلاً لما كثرت عندنا الجنوس والبويات .

يـا سلام عليك يا محمد

أحـيـي فيك عدم عنصريتك للريـايـيـل

و فعلا للاسف في هذا الزمان كثر الذكور و قـلـوا الرجال ؟!؟!​

 

[Abo-Sebba]

alsalamoo 3alyekum ...
Egeteraa7 ....
Be3ed elthanawyaah lethekoor tejeneed waa sharee3aa eselamyaah lemadet 3 senawaat
lelenaaath be3ed elthanewyaa .... tedbeer menzely waa terbyaat neshaa lemedat 3 senawaat ..
waa be3edeen roo7oo leljama3aa aw ay amoor akheraa ..
waa elafethel lel maraah etjaabel beetehaa waa elrejel gaaem 3elaa amoor elaseraaah kamelaah ..
waa inshaa allaah be3ed jeel natagayer lelafethel...
Hathay men benaat afekary .. waa el7egoog ma7foothaa..

For those who can't read this type of language !! it is not a language .. it is arabic written in engliesh ,, it means i don't have arabic key board

 

[al7bebe]

صح لسانك

انشهد ان المكياج يغش العين. والدليل شهر رمضان شوفهم حبر اسود وكآبه في وجوهم. (طبعاً الكلام للذين يضعون مكياج )

 

[salem.srsr]

الله يعطيك العافية