مطلوب بخور سوبر ملكي

[التكانة]

السلام عليكم ....

إخواني مطلوب بخور كمبودي أو بورمي أو لاوسي أو جنوب تايلند أو ماليزي بشرط يكون سوبر أو دبل سوبر وهذا رقمي 7957979

محّد عنده؟

 

[قرناس1]

اخوي الله لايهينك انا حاط رقم واحد يبيع بخور ودهن عود وكل شي طيب متوفر عنده
وانشالله تحصل اللي تبيه

 

[splendid]

للعلم اخوي عند القرشي غرفة خاصة للسوبر ملكي التولة فوق 150 دينار كويتي

حق النصب والاحتيال ,,

اكبر نصاب القرشي ...

 

[التكانة]

اخوي الله لايهينك انا حاط رقم واحد يبيع بخور ودهن عود وكل شي طيب متوفر عنده
وانشالله تحصل اللي تبيه

جزاك الله خير اخوي توني مكلمه بواعده بشوف شعنده بس مالقيت اللي ابيه منه الا شي واحد بشوفه اليوم ان شالله وانت ماقصرت اخوي ورايتك بيضة ، هم اللي يعرف احد عنده يبيع بخور زين يخبرني ياريت شاكر لكم جيمعا

 

[البواردي]

للعلم اخوي عند القرشي غرفة خاصة للسوبر ملكي التولة فوق 150 دينار كويتي

اي نعم صحيح وشريت منه خووووووووش توله للوالده الله يحفظها بـ100 دينار لكن شسوت بمستشفى دار الشفا يااااااااو
عطبت المستشفى والله ان بخور يستاااااااااااااااااااااااااااااااهل

اخوي 500 انصحك بزيارة القرشي واشتر منه المعمول بـ25 دينار لكن يطيب الراس
البخور ما في خساره وانا اخوك ولا في فسق عادي اشتر بس على مستوى

افسق على البخور عاااااااادي

 

[التكانة]

اي نعم صحيح وشريت منه خووووووووش توله للوالده الله يحفظها بـ100 دينار لكن شسوت بمستشفى دار الشفا يااااااااو
عطبت المستشفى والله ان بخور يستاااااااااااااااااااااااااااااااهل

اخوي 500 انصحك بزيارة القرشي واشتر منه المعمول بـ25 دينار لكن يطيب الراس
البخور ما في خساره وانا اخوك ولا في فسق عادي اشتر بس على مستوى

افسق على البخور عاااااااادي

القرشي أكيد عنده بخور زين ولكن يالغالي أسعاره مبالغ فيها حيل ، عنده التولة بعد ب 250 كأن شالسالفة غالي حيل

 

[ام فيصل]

اخوي انا عندي لك بخور روعه اذا تبي اسألك منين لانه هديه وشوف الاخت بنت الكويت يمكن بخورها خلو

 

[stillhamad]

يا الله لا تقلبنا

 

[صحفي]

خبري بيت سبيته عندهم خوش بخور ملكي وعجيب وكل الشخصيات ياخذون منه والكيلو على 1000 دينار بس شي عدل
الكيلو 82 توله لو قسمناها على 1000 يساوي تقريبا 12 دينار
بس يبيعون بالكيلو فقط

 

[just_a_guest]

اخوي صحفي وين نحصل بيت سبيته , اعذرني اخوك غشيم .. ممكن عنوانه وتلفوناته؟ وشكرا

 

[Bent_alq8]

للتنويه.....

أخواني أعضاء المنتدى ... أستلمت في اليومين اللي فاتوا العديد من الرسائل الخاصة ... البعض يطلب رقم المحل والعنوان و البعض الأخر يرسل إستفسارات وأسئلة بخصوص المحل اللي لدي...
للتنويه حبيت أذكر أن أنا ما عندي محل ولاني تاجرة السالفة وما فيها أن عندي بخور نوع خاص نجيبة من أبوظبي للأستعمال الشخصي ولما الأخs500 استفسر أنفتح موضوع البخور ووعدته بعينه للتجربة وهو شرح لي أنه لايقدر على إستعمال أي نوع من البخور ويستخدم العود فقط...
لكن الأخ بوسعود6666 بياخذ مني عينة اليوم وأتمنى منه أنه يكتب رايه بكل صراحة وماعندي أي مشكلة لو ما أعجبه البخور لأني مو تاجرة ولا راح تطيح البضاعة في جبدي...
كل اللي بيصير لو أعجبه البخور إني بجيب له من الأهل هناك والعمولة بتكون بسيطة... والله يرزقنا وياكم من حيث لا نحتسب.
كل عام و أنتوا بخير و عيدكم مبارك مقدما...​

 

[قاروه]

عندك الرصاصي

 

[S500]

أخواني أعضاء المنتدى ... أستلمت في اليومين اللي فاتوا العديد من الرسائل الخاصة ... البعض يطلب رقم المحل والعنوان و البعض الأخر يرسل إستفسارات وأسئلة بخصوص المحل اللي لدي...
للتنويه حبيت أذكر أن أنا ما عندي محل ولاني تاجرة السالفة وما فيها أن عندي بخور نوع خاص نجيبة من أبوظبي للأستعمال الشخصي ولما الأخs500 استفسر أنفتح موضوع البخور ووعدته بعينه للتجربة وهو شرح لي أنه لايقدر على إستعمال أي نوع من البخور ويستخدم العود فقط...
لكن الأخ بوسعود6666 بياخذ مني عينة اليوم وأتمنى منه أنه يكتب رايه بكل صراحة وماعندي أي مشكلة لو ما أعجبه البخور لأني مو تاجرة ولا راح تطيح البضاعة في جبدي...
كل اللي بيصير لو أعجبه البخور إني بجيب له من الأهل هناك والعمولة بتكون بسيطة... والله يرزقنا وياكم من حيث لا نحتسب.
كل عام و أنتوا بخير و عيدكم مبارك مقدما...​

بنت الكويت تقدرين تجيبين عود من الامارات وشي متعوب عليه اذا كانت الظروف متيسره معاج ومن ناحيتي انا ماعندي مانع لو تبين الفلوس مقداما

واذا اكلف عليج احلفج بالله لاتجامليني وتوهقينن بالسالفه قولي مقدر مافيها شي وراح تكبرين بعين الجميع على صراحتج

 

[ولد الديرة]

يالله بو سعود6666 عطنا رايك قبل العيد
وبالنسبة للاخت اقولها مشكورة وماقصرتي وجزاك الله خير وان شاء الله يكون في ميزان حسناتك

 

[Bent_alq8]

بنت الكويت

عندك الرصاصي

السلام عليكم...
لا أخوي الرصاصي ما عندي منه بس أنا عرفت أي واحد أنت تقصد...
أنت قصدك عود الرصاصي مال دبي صح لآنه غيييييير عن اللي في الكويت بالمرة...إختيارك حلو...بس السموحة ما عندي منه.

 

[Bent_alq8]

أخوي S500 حياك الله...
بالنسبة للعود أنا أقدر أجيب لك من دبي راح أروح إنشاء الله رابع العيد...بس المشكلة مو في الفلوس ولا العبالة المشكلة في إختلاف الذوق يعني يمكن شئ يعجبنا ما يعجبك صح؟!
عموما إذا تبي شئ مميز أسئل لك خالتي إهي من هل البلد وعندهم فكرة ...ولا يصير خاطرك إلا طيب بس أرد لك خبر باجر إذا فيه شئ عليه القيمة ولا لأ عشان ما أضيع وقتك وقتي.

 

[قاروه]

السلام عليكم...
لا أخوي الرصاصي ما عندي منه بس أنا عرفت أي واحد أنت تقصد...
أنت قصدك عود الرصاصي مال دبي صح لآنه غيييييير عن اللي في الكويت بالمرة...إختيارك حلو...بس السموحة ما عندي منه.

وعليكم السلام ورحمة الله

عفوا اقصد محلات الرصاصي للاخو السائل

واعتقد نفس المحل الي بالكويت بالامارات

 

[Bent_alq8]

يالله بو سعود6666 عطنا رايك قبل العيد
وبالنسبة للاخت اقولها مشكورة وماقصرتي وجزاك الله خير وان شاء الله يكون في ميزان حسناتك

أجمعين أخوي و ما سويت شئ ...
وقبل العيد ياولد الديرة ما أعتقد للأسف...

 

[بوسعود66666]

ياشباب انا اخذت العينه والصراحه ريحتها اتهبل موت بس لازم اجربها وراح اعطيكم الخبر الاكيد اليوم ومشكور يابنت الكويت

 

[ابومهاوى]

السلام عليكم



عطورات أمل الكويت



عندهم شي طيب وأسعارهم معقولة .( كل شي بحقه )




مع التحية ............