اعرفكم بنفسي

[*بيعان*]

السلام عليكم ورحمة الله وبركاته

اخوكم ماله بالسوق

بس حاب اتعرف على هذه الوجوه الخيره

وبكل صراحه دشيت المنتدى علشان البيع

والشراء يعني (للاستفاده)0

وانشاء الله اول ما راح يصير عندي مبلغ حلو

لان عندي اثر رجعي بالطريق ادري انكم ما

راح تقصرون معاي حتى لو بالاسبوع 40دك

لانه في واحد في الديوانيه عندنا وايد يسولف

عن البورصه وكله ربحان فاهو الي يقولي دش

وانشاء الله ماراح تقصرون وياي بس ابي اعرف

بالضبط كم لازم يكون عندي فلوس وشكرا لكم00

 

[الفارس الجسووور]

السلام عليكم ورحمة الله وبركاته

اخوكم ماله بالسوق

بس حاب اتعرف على هذه الوجوه الخيره

وبكل صراحه دشيت المنتدى علشان البيع

والشراء يعني (للاستفاده)0

وانشاء الله اول ما راح يصير عندي مبلغ حلو

لان عندي اثر رجعي بالطريق ادري انكم ما

راح تقصرون معاي حتى لو بالاسبوع 40دك

لانه في واحد في الديوانيه عندنا وايد يسولف

عن البورصه وكله ربحان فاهو الي يقولي دش

وانشاء الله ماراح تقصرون وياي بس ابي اعرف

بالضبط كم لازم يكون عندي فلوس وشكرا لكم00

حياك الله اخوي بيعان والله يرزقك بالحلال و نصيحه مني لك انت تبتعتد عن الاسهم الربويه وتشتري الاسهم المتوافقه مع الشريعه الاسلاميه
ثانيا كل ماكان عندك سيلوله كل ماكان فرصة ربحك اكبر وبالنسبه لوقت او نوع شرائك لاي سهم حاول تشتري السهم اللي من زمان ماصعد وسعره يكون تحت الربع دينار ويكون ربحان عشان اذا صار ماصار تكون في الامان ونسبة الخطوره عندك تكون قليله وانت هم تابع الصفحات وشوف كلام الاخوان وان شاء الله اتعلم وتتوفق وكل شي يصير خطوه خطوه وبالتوفيق

 

[أبو فلسين]

حياك الله اخوى

والفلوس بتكون على حسب الوحده اللى بتشرتيها وعتقد من 2600 وانت صاعد

 

[Q8 Stock]

السلام عليكم

حياك الله اخوي
وان شاء الله
تفيد وتستفيد مننا

مثل ما ذكروا الاخوان لك

ولا تسنى تتقبل الخساره قبل الربح
لانه هذي تجاره

بالتوفيق

 

[barbarian]

حياك الله ولازم يكون عندك 2550 دينار + العموله اقل شي أو او 2400 اذا تبي ميادين اذا سعرها 120 فلس وكل ما تزيد أحسن لك للمضاربه

 

[TAKE-OVER]

حياك الله يا اخوي في هذا المنتدى الرائع
ومبلغ 3000 دينار مناسب للعمل في البورصه
وتقدر تشتري فيه اي سهم سعره ما بين 255 و 300 فلس ولا تنسى العموله
ولكن المهم يا اخوي انك تشتري وتبيع بالوقت المناسب

 

[Surrawi 3jeeb]

حيااااك الله والله يرزقك بالحلال

بس نصيحتي انك تبتعد عن اسهم المضاربة وتتجه لاسهم الارباح التشغيلية علشان حتى لو ينزل السعر عن التكلفة تعوضه بتوزيعات آخر العام

اضافة الى التركيز على تعليقات اخواننا المشرفين والاعضاء المميزيين عن السلع المتداولة والاستفادة منهم

وبالتوفيق

 

[*بيعان*]

مشكورين يا اخواني

الفارس الجسووور -----أبو فلسين -----Q8 Stock----barbarian ---TAKE-OVER

كونو على ثقه اول ما احتاجكم راح الجئ لخواني0

بصراحه شجعتوني

 

[NICK]

الله يوفقك ويوفق من رد عليك
ماازيد على الاخوان بس الاهم لا تحط فلوسك كلها بسهم واحد
خل جزء من المبلغ كاش عندك

 

[((بن حسين))]

حياك الله اخوي بيعان

وبالتوفيق ان شاء الله​

 

[q8_chamber]

حياك الله بين اخوانك و خواتك


ان شاء الله تستفيد منا الكثير

والشباب ما يقصرون



انا مع اخوي Q8 Stock "انك لازم تتقبل الخسارة قبل الربح "

 

[boalons]

حياك الله يا اخوي

وانصحك انك تدخل دوره تحليل فني قبل لا تدش السوق

 

[*بيعان*]

رد

حياك الله يا اخوي

وانصحك انك تدخل دوره تحليل فني قبل لا تدش السوق

الله يحيك ويطولي عمرك

بس ابي اسأل بخصوص الدوره

هل هي صعبه؟

هل بالغه العربيه انجليزي مييييييح؟

هل مدته طويله لانه ماعندي وقت؟

هل رسومه وايد والميزانيه الله بالخير؟

واهم شي مو معقده ؟

وبصراحه خوش فكره مشكور

 

[Wise]

حياك الله يا بيعان وانا اتفق مع ابو الانس انك تاخذ دوره لتحليل الفني

نصيحه لك لاتندفع فى الشراء ولا تفكر بتفكير انك يوميا راح اطلع 40 د.ك

هذى سياسه خاطئه

اعتمد دائما على توجه السوق وتوقيت الدخول والخروج

 

[*بيعان*]

رد

حياك الله يا بيعان وانا اتفق مع ابو الانس انك تاخذ دوره لتحليل الفني

نصيحه لك لاتندفع فى الشراء ولا تفكر بتفكير انك يوميا راح اطلع 40 د.ك

هذى سياسه خاطئه

اعتمد دائما على توجه السوق وتوقيت الدخول والخروج

يعطيك العافيه اخوي وما قصرت انت مع الاخوان

لاكنك فهمتني غلط انا قلت كل اسبوع 40 كافي

الحمد لله 40+40+40+40=160 بالشهر اللهم لك

الحمد،لو باليوم 40 اصير مليونير0000

اخوي الي يجي من الله حياه الله

العوض ولا القطيعه0

ومشكورين ما قصرتو

 

[باش مهندس]

حياك الله اخوي بيعان

تقدر تبلش بـ 3000

بس نقطة مهمة لازم تركز عليها
لالالالالالالالالالالالالالالالالالالالالالا

يضيق خلقك اذا خسرت
وبتمر عليك ايام فلوسك راح اتجمد فيها

مثل حالتي : شاري جيزان على 420 وقاعد انطر الفرج

-----------
البورصة يبيلها بال طوييييييييييييييييييييييييييييييييييييل
وصبر ماله نهاية

بالتوفيج ... واتمنى ان الفلوس اللي تدخل فيها البورصة .... ما تحتاجهم
او مو معتمد عليهم اعتماد كلي ... يعني ما عندك غيرهم

وخلك دايما :d

 

[المرسومي]

حياك الله أخوي وخلك قنوع ترى القناعة كنز لايفنى

والرزاق الله جل وعلا

وعليك بالتقوى

قال الحبيب محمد صلى الله عليه وسلم : يحرم العبد الرزق بالذنب يصيبه أو كما قال بأبي هو وأمي

 

[BuFawaz]

حتى اذا ما عندك سيولة ترى فى ناس على نهاية الشهر توفر جم فلس من المعاش وتشترى فى سوق الكسور والله موفقهم بس مثل ما قالوا الاخوان لا تشترى الا وانت فاهم ويمكن تاخذلك دورة بعد احسن

 

[*بيعان*]

يعطيكم العافيه

وما قصرتو صج انكم اخواني وترفعون الراس

الله لايحرمني منكم00

 

[Surrawi 3jeeb]

حياك الله اخوي بيعان

تقدر تبلش بـ 3000

بس نقطة مهمة لازم تركز عليها
لالالالالالالالالالالالالالالالالالالالالالا

يضيق خلقك اذا خسرت
وبتمر عليك ايام فلوسك راح اتجمد فيها

مثل حالتي : شاري جيزان على 420 وقاعد انطر الفرج

-----------
البورصة يبيلها بال طوييييييييييييييييييييييييييييييييييييل
وصبر ماله نهاية

بالتوفيج ... واتمنى ان الفلوس اللي تدخل فيها البورصة .... ما تحتاجهم
او مو معتمد عليهم اعتماد كلي ... يعني ما عندك غيرهم

وخلك دايما :d

وآنا من راي أخوي باش مهندس