يا اخوان وسعو صدركم علي اكلتوني بقشوري ، يبا انا قاعد اتغشمر ويا سنايبر تعليقا على كلام الشباب لما قالوله اخف يشطبونك مثل ما يجامل .
بعدين سنايبر قال التالي :
جيزان...جيزان,,جيزان ارتداد للأعلى وعنيف اللهم بلغت اللهم فأشهد .
طيب انا ما قلت شي ، قلت ان السهم اليوم صعوده 10 فلوس ما يعتبر ارتداد عنيف ، بس . انا توقعت قصده بعنيف حد اعلى يعني .
وانا املك بجيزان ، عاد انتوا اي واحد يبدي برايه تتهجمون عليه ، تره هم ما يصير ، وانا شخصيا اعترض على هل النوع من المداخلات الي تتكلم عن صعود قوي وما إلى ذلك دون دليل او خبر او تحليل ولا لو كل واحد يقول هذا السهم يصعد وذاك في ارتداد عنيف دون ان يذكر دليل راح نصير كأنه بسوق الخضره مو بمنتدى محترفين وأهل خبرة ودليل ، ولنا عبرة بمن صدق وصية ما يجامل وقت نزول جيزان النزول الحاد ، يعني لو اليوم مو صاعد جان سويتوا بسنايبر مثل ما سويتوا بمايجامل . الله يسامحكم بس .
عموما انا ابديت رايي ان صعود السهم اليوم ما يعتبر ارتداد عنيف ، واذا انا غلطان خل احد المشرفين او الاخ ليو يقول هل صعود اليوم يطلق عليه اتداد عنيف او لا .
وعموما اذا انا غلطان او غشمرتي مو بمحلها او ازعجت بعض الأخوة أو اخونا سنايبر فتقبلوا اعتذاري ، بس لا تلومونا الي انلسع من الشوربه ينفخ بالزبادي
ولكم اجمل تحية ونشكركم على اعتابكم
يبا خل السهم يصعد اهم شي والكل يربح وكلامكم مثل العسل على قلوبنا
ما كو بدليات طال عمرك