المجموعة الدولية للاسـتثمار ش .م.ك.م ( المجموعة د ) ....13

[أبو فلسين]

انت فوق الشبهات ... بس شرايك .. كل اللي كانوا يقولون المجموعة راح ترتفع ( في الست اشهر اللي طافت ) طلع كلامهم مو صحيح
لا تلومني يا بو فلسين .. الف واحد قال خلال يوم ويومين واسبوع واسبوعين راح ترتفع وللحين ما شفنا شي وما شاء الله على ذاكرتك

الله يجزاك خير اخوى ابو حماده شهاده اعتز فيها وتعطينى طموح انى ابحث عن انطلاقة المجموعه البهلوانيه والاخوان اللى يقولون الانطلاقه خلال يوم او يومين صراحه مالومهم لانه لهم سنه وزيادة واهم على أمل الارتفاع طبعا من غير تصريحات سامى البدر واالى اطلق على قروبه المجموعه الناريه عموما توقعى انه السهم بيزور 375 ويرتد منها

 

[أبو فلسين]

ما بين السطور

- محافظ مالية تابعة لمجاميع استثمارية كانت وراء التداولات النشطة والمكثفة على عدد من اسهم مجموعتي الاستثمارات الوطنية وايفا تأكيدا لما سبق واشرنا اليه.
- الحديث عن صفقة ضخمة اضافة إلى الارباح المتوقعة لسهمي الانابيب والسفن في نتائج الربع الثالث، كانا ضمن الاسباب الرئيسية لنشاط السهمين بالامس مع توقعات المصادر باستمرار النشاط والذي لن يخلو من طابع جني الارباح المؤقت.
- محافظ مالية بالتنسيق مع ثلاثة مضاربين كبار، كانوا وراء التداولات المكثفة على سهمي الصفوة والميادين والذي تتوقع المصادر ان يشهد عمليات مضاربة عنيفة خلال اليومين المقبلين وذلك لتدني اسعاره الحالية.
- استياء واضح للمتداولين من استمرار عمليات الضغط المكثف والمتعمد على اسهم الدار والمركز المالي والمجموعة الدولية، على الرغم من ارباحها الممتازة والمتوقعة بالربع الثالث.

 

[محمد البدر]

ويبقي الحال علي ماهو عليه سمعنا عقب العيد مباشرة بتشوفون مجموعة الفقر (البدر)

وماشالله شفنا عقب العيد اشصار انا من عيد الفطر الي فات وانا اسمع بعد العيد ماصار عيد هذا

صارلنا سنه علي هالسهم المريض مامنه فايدة لاهو ولا راعية بو نشا بس فالح يطلعلي بالجرايد

منشي الغترة علي الاخر ويتفلسف علينا بمجموعته الي يسمع الكلام الي يقوله عن مجموعته

يقول هذا السهم سعره ماكو فوق الدينار واهوا امطييح حظه لاعن خيير خيره كل يوم ينزله بس

ماعندا غير الاشاعات شالسالفه شيخ سامي جنه ماقام ينفع لاخبر بالجريدة ولاعقد ولاارباح

ولا بعد الاشاعة الاخيرة الي اليوم اوصلتلني انه علي اخر شهر 12 بتحرك ياعيني وايي شهر 12

بعدين يقولك لا علي السنه اليديدة وهكذا صارلنا سنه علي هالحال والله مااقول الا حسبي الله ونعم الوكيل

 

[hamadxp]

انا جايني خبر انه بيبدأ الحركه منتصف الاسبوع القادم ان شاء الله

وهذا اللي صبرني على هالسهم الدايخ

والوعد بيني وبين البدر نهاية الاسبوع القادم

اذا حرك السهم والا طلقته بالثلاث والله لو اخسر فيه 20 فلس

فعلا البدر طبخنا على نار هاديه وانا ما احب الانتظار وسبحان اللي صبرني على البدر

واسهم البدر لو تلاحظون مالها علاقه بالتحاليل الفنيه نهائيا

شنو هالبدر ماني عارف ...... شيفكر فيه هم ماني عارف

اللي يعرف يبلغنا يا شباب

آسف على الاطاله

 

[حمد حمادة]

انا جايني خبر انه بيبدأ الحركه منتصف الاسبوع القادم ان شاء الله
وهذا اللي صبرني على هالسهم الدايخ

والوعد بيني وبين البدر نهاية الاسبوع القادم

اذا حرك السهم والا طلقته بالثلاث والله لو اخسر فيه 20 فلس

فعلا البدر طبخنا على نار هاديه وانا ما احب الانتظار وسبحان اللي صبرني على البدر

واسهم البدر لو تلاحظون مالها علاقه بالتحاليل الفنيه نهائيا

شنو هالبدر ماني عارف ...... شيفكر فيه هم ماني عارف

اللي يعرف يبلغنا يا شباب

آسف على الاطاله

نص الشرق الاوسط جتهم اخبار قبلك وما شفنا شي من اخبارهم
نتمنى هالمرة تصيب ... على الله

 

[bobibi]

السيناريو يتكرر يقطون على 380 ويكسرونه وهمي 385
يوهمون الناس انه السهم ماسك نفسه وهو رايح قوع
الله يستر
اللي عنده شي يقولنا يا جماعة

 

[hamadxp]

نص الشرق الاوسط جتهم اخبار قبلك وما شفنا شي من اخبارهم
نتمنى هالمرة تصيب ... على الله

اخوى حمد

اذا عندك خبر ان مافيه انطلاقه علمني اطلقه اليوم

والا من بكره الصبح

انا بروحي ادور السبه على هالسهم

تذكرت اللي يقول يا من شراله من حلاله عله

انا شريت هالسهم وجاب لي خاز باز في نفسيتي

 

[السوق الكويتي]

السيناريو يتكرر يقطون على 380 ويكسرونه وهمي 385
يوهمون الناس انه السهم ماسك نفسه وهو رايح قوع
الله يستر
اللي عنده شي يقولنا يا جماعة

عزيزي اغلب الصفقات على سعر 385 ,, يعني لو صار الاغلاق على هالسعر ماراح يصير وهمي !

في قط طبعا على 380 ,, بس اكو دعم زين ..

 

[الفارس الجسووور]

اخوى حمد

اذا عندك خبر ان مافيه انطلاقه علمني اطلقه اليوم

والا من بكره الصبح

انا بروحي ادور السبه على هالسهم

تذكرت اللي يقول يا من شراله من حلاله عله

انا شريت هالسهم وجاب لي خاز باز في نفسيتي

اخوي انت غلطان اذا خسارتك بالسهم كانت معقوله وللحين محتفظ فيه يعني عالاقل جان قطيت نص الاسهم واشتغلت فيهم تمهيدا للانسحاب من السهم بشكل نهائي وانت عارف كل الاشخاص اللي محتفضين بالسهم شارينه بالعالي وصابرين غصب طيب او خسرانين فيه من قبل وشروه الحين عشان يعوضون خسارتهم القديمه فانت لاتنطر اصلا اسبوع اذا معزم وعلى الاقل قط نصهم واشتغل فيهم وان شاء الله مارح تندم حتى لو السهم صعد عليك بعدين

 

[كويتي 777]

انا واحد من الناس هم سمعت السهم في صعده وبس للحين ماصار شي.. السهم 380-385 يقفل مادري ليه متى على هل حال.. انا وياه الى نهاية الشهر .. بس عندي سؤال هل سنه ماشفنا المجموعه لها ارتفاع طيب بس مكانك راوح مع ان الارباح زينه باجي شهرين ونص وتخلص السنه وللحين ماشفنا شي يمكن مع اعلانات ارباح الربع الثالث السهم يحس على دمه ويرتفع اشوي ..... الله يستر من الياي

 

[المضارب السريع]

ياشباب نصيحه اللي خسايره بصيطه يطلع من مجموعة البدر لان ما منه فايده لاتجمد فلوسك السوق زين في اسهم وايد زينه

 

[خبير النفط]

ماكو احسن من الحليب البارد للمعده طبيعى وما له سايد افكت وايد

 

[كويتي 777]

ياشباب نصيحه اللي خسايره بصيطه يطلع من مجموعة البدر لان ما منه فايده لاتجمد فلوسك السوق زين في اسهم وايد زينه

شنو تنصحنا ناخذ من الاسهم الزينه ؟

 

[AL.MOUSAWI]

يا شباب أخونا العكش وينه صارله فترة مو مبين لا يكون سموي سوا فيه شي بصراحة الصفحة بدون العكش كالشاي بدون سكر .

اذا مابين بكرة الصبح راح نتخذ أجراءاتنا الصارمة بحق اللي خبركم .(

 

[محمد البدر]

والله انا واحد من الناس من الصبح اذا شفته سطر هالملايين بس يعني مالنا امل انه السهم

في طلعه يعني علي الريج يسد اجبودنا للحين محنا عارفين شلي يدور براس سامي الفقر (البدر)

خلاص ماكو ثقة ماقمنا نثق بأحد ولا بأي خبر نسمعه وهذا احنه تدبسنا عدل ويه هالسهم الغثيث

ولا يسمها المجموعة النارية جمبزنا بعد اكثر

 

[bobibi]

شنو التوقعات اليوم للسهم الناري ؟
انا بعطيه لغاية نص الاسبوع الياي اذا ما تحرك بشوته فنقر وادور سهم ثاني وايد احسن

 

[AL.MOUSAWI]

أكثر سهم شبع فناقر سهم المجموعة الفنقرية ...قصدي المجموعة الدولية.

 

[متداول_1]

والله انا واحد من الناس من الصبح اذا شفته سطر هالملايين بس يعني مالنا امل انه السهم

في طلعه يعني علي الريج يسد اجبودنا للحين محنا عارفين شلي يدور براس سامي الفقر (البدر)

خلاص ماكو ثقة ماقمنا نثق بأحد ولا بأي خبر نسمعه وهذا احنه تدبسنا عدل ويه هالسهم الغثيث

ولا يسمها المجموعة النارية جمبزنا بعد اكثر

اعتقد هذا اللى يبيه صانع السوق لسهم هو الملل والضجر ومن ثم البيع

وخروج المضاربين

انا هذه نظرتى لسهم

 

[ام عبدالعزيز]

ملينا من مجموعة الفقر((

 

[bobibi]

هذا سيفوه وهذي خلاجينه