بو راس يابس
عضو نشط
للرفع
دورة المؤشرنت للتحليل الفني
50 دينار كويتي
ولو النظرات تقتل وقتها لخر صريع في ساعته.
فيه موقف مر على قبل رمضان في أحد مكاتب الخدم اللي في شارع بن خلدون كنت موديه الوالده تطلب خدامه....وإحنا قاعدين نسوي الأوراق سمعنا ضجة في المكتب اللي قبالنا وطبعا الصوت علا وزاد ليمن قام الكل يشوف شالسالفة وأنا ما إحتجت أقوم من مكاني لأن المشهد صار جدام الباب اللي قاعده قباله موقف يا إخواني والله للحين لما يطري علي يفور دمي وأتنرفز ...رجل شاب بكل قوته وعافيته يضرب.....مرأة....والله منظر يهز كان يضربها ضرب طراقات شد شعر لكمات والغريب إنها ما تقاوم تاركته يضربها ما لها حول ولا قوة...والأغرب أن الناس تتفرج أنا حسيت بأن الأرض تهتز من تحتي والله مو مبالغه بس عمري في حياتي ما شفت رجال يضرب مرة...بدون إحساس مني قمت أصارخ على صاحب المكتب اللي قاعد جدامي يتفرج عالمنظر ما فيكم ريال يوقفه عند حده وبعدين التفت على الوالده وقلت لها والله ماراح اسكت له بتصل على الشرطة والله كنت أرتجف من الصدمة والعنف اللي شفته والظلم حسيت إني منهاره بعدها...صاحب المكتب لما شاف حالتنا خذته النخوة (متأخرة شوي) وراح للرجال وقال له "شفيك عليها يبه عسى ما شر؟؟!!"
رد عليه بعذر سخيف "توني جايبها من يومين وشردت وردت المكتب مع تكسي منحاشه ماتبي الشغل"
طيب ياللي ماتخاف الله تضرب لك حرمه ضرب اليهود عشان ترفض تشتغل عندك؟؟؟
وبعدين يا جماعة الخدامة كانت حلوة وصغيرة يعني عمرها بالكثير 18 سنه من نيبال...وكان مصر إلا يبيها ما يبي يبدلها!!
وبعد شوي قعد يكلمها بالهداوة مثل لما تسايس طفل صغير شوي ويترجاها إنها ترد معاه!!!
والأغرب إنها وافقت وراحت معاه بعد كل الضرب اللي إنطقته!!!
واللي لفت نظري فيها ما بكت ولا خرت منها ولا دمعه والله كانت مستسلمه للضرب بشكل يصدم...كان وجهها أغرب وجه شفته ما فيه أي ملامح أو تعابير!!!
ما أدري شنو تعليقكم عالموضوع بس شرايكم باللي صار؟؟؟
هل المعزب غرضه كان شريف؟؟؟
هل نوايا هالخدامه بعد اللي صار لها بتكون صافيه لأهل البيت؟؟
هل الإنسانية وصلت عندنا لهدرجة؟؟؟
من يومها والله ما أنسى المنظر يمكن البعض يعتبر كلامي مبالغة بس أنا بحكم إني ما شفت عنف ولله الحمد من قبل غير في التلفزيون...الواقع يصعق الله يكفينا وإياكم من لايخاف الله فينا...اللهم آميين
سامحوني عالإطالة بس كان لازم أفضفض هالموقف لأن مازال فيني قهر من ذاك الرجال ولو النظرات تقتل وقتها لخر صريع في ساعته.
ناطره تعليقكم
المسكين بيخر صريع وأنتي ناطره تعليقات خايفين الشباب لا يعلقون وبعدين
>>> يخر الواحد صريع<<<
شباب اللي يعلق ويخر صريع ترى مالي شغل إذا خريت صريع خل أحد يفكك
أنا أذكر إن اللي يخر صريع يشممونه "سعوط" علشان يصحى بس الوصفه مو أكيده .
فيه موقف مر على قبل رمضان في أحد مكاتب الخدم اللي في شارع بن خلدون كنت موديه الوالده تطلب خدامه....وإحنا قاعدين نسوي الأوراق سمعنا ضجة في المكتب اللي قبالنا وطبعا الصوت علا وزاد ليمن قام الكل يشوف شالسالفة وأنا ما إحتجت أقوم من مكاني لأن المشهد صار جدام الباب اللي قاعده قباله موقف يا إخواني والله للحين لما يطري علي يفور دمي وأتنرفز ...رجل شاب بكل قوته وعافيته يضرب.....مرأة....والله منظر يهز كان يضربها ضرب طراقات شد شعر لكمات والغريب إنها ما تقاوم تاركته يضربها ما لها حول ولا قوة...والأغرب أن الناس تتفرج أنا حسيت بأن الأرض تهتز من تحتي والله مو مبالغه بس عمري في حياتي ما شفت رجال يضرب مرة...بدون إحساس مني قمت أصارخ على صاحب المكتب اللي قاعد جدامي يتفرج عالمنظر ما فيكم ريال يوقفه عند حده وبعدين التفت على الوالده وقلت لها والله ماراح اسكت له بتصل على الشرطة والله كنت أرتجف من الصدمة والعنف اللي شفته والظلم حسيت إني منهاره بعدها...صاحب المكتب لما شاف حالتنا خذته النخوة (متأخرة شوي) وراح للرجال وقال له "شفيك عليها يبه عسى ما شر؟؟!!"
رد عليه بعذر سخيف "توني جايبها من يومين وشردت وردت المكتب مع تكسي منحاشه ماتبي الشغل"
طيب ياللي ماتخاف الله تضرب لك حرمه ضرب اليهود عشان ترفض تشتغل عندك؟؟؟
وبعدين يا جماعة الخدامة كانت حلوة وصغيرة يعني عمرها بالكثير 18 سنه من نيبال...وكان مصر إلا يبيها ما يبي يبدلها!!
وبعد شوي قعد يكلمها بالهداوة مثل لما تسايس طفل صغير شوي ويترجاها إنها ترد معاه!!!
والأغرب إنها وافقت وراحت معاه بعد كل الضرب اللي إنطقته!!!
واللي لفت نظري فيها ما بكت ولا خرت منها ولا دمعه والله كانت مستسلمه للضرب بشكل يصدم...كان وجهها أغرب وجه شفته ما فيه أي ملامح أو تعابير!!!
ما أدري شنو تعليقكم عالموضوع بس شرايكم باللي صار؟؟؟
هل المعزب غرضه كان شريف؟؟؟
هل نوايا هالخدامه بعد اللي صار لها بتكون صافيه لأهل البيت؟؟
هل الإنسانية وصلت عندنا لهدرجة؟؟؟
من يومها والله ما أنسى المنظر يمكن البعض يعتبر كلامي مبالغة بس أنا بحكم إني ما شفت عنف ولله الحمد من قبل غير في التلفزيون...الواقع يصعق الله يكفينا وإياكم من لايخاف الله فينا...اللهم آميين
سامحوني عالإطالة بس كان لازم أفضفض هالموقف لأن مازال فيني قهر من ذاك الرجال ولو النظرات تقتل وقتها لخر صريع في ساعته.
المسكين بيخر صريع وأنتي ناطره تعليقات خايفين الشباب لا يعلقون وبعدين
>>> يخر الواحد صريع<<<
شباب اللي يعلق ويخر صريع ترى مالي شغل إذا خريت صريع خل أحد يفكك
أنا أذكر إن اللي يخر صريع يشممونه "سعوط" علشان يصحى بس الوصفه مو أكيده .
هلا والله بيويابس
يا خوي إسمحلي ترى مالي بالخدم يعني مطلعين لي قرون
وأنا غشرمرجي لا تواخذني
وعساك سالم يالحبيب
دورة المؤشرنت للتحليل الفني
50 دينار كويتي