مسافر ومحتاج نفقيشن=ملاحه

[متداول اسلامي]

السلام عليكم
شباب بسافر اوربا
ومحتاج نصيحتكم وعروضكم

شنو افضل شي استخدمته وجربته
للخرايط والطرق في بريطانيا
من دميع النواحي واهم شي عربي انجليزي
اخذ تلفون واركب عليه الخرايط والجي بي اس؟
طيب اي نوع تنصحون فيه ؟
او جهاز جارمن واي نوع اشتري؟


في احد يأجر جهاز كم شهر ؟

 

[ولد الديرة]

انصحك ب garmin nuvi انا جربتة في بريطانيا الصراحة اكثر من ممتاز ويعطيك اماكن كاميرات السرعة وكاميرات المبايل والطرق المغلقة وسهل الاستعمال
واذا محتاج اي معلومة ثانية انا حاضر

 

[ولد الديرة]

وبالنسبة للتاجير جميع شركات التاجير ياجرون لك gps وسعر الاجار باليوم 3.50 باوند وتامين 200 باوند

 

[Bokandar79]

السلام عليكم
شباب بسافر اوربا
ومحتاج نصيحتكم وعروضكم

شنو افضل شي استخدمته وجربته
للخرايط والطرق في بريطانيا
من دميع النواحي واهم شي عربي انجليزي
اخذ تلفون واركب عليه الخرايط والجي بي اس؟
طيب اي نوع تنصحون فيه ؟
او جهاز جارمن واي نوع اشتري؟


في احد يأجر جهاز كم شهر ؟

سلام عليكم ياخوي متداول اسلامي,,,

تستاهل اجرلك جهاز من الديره ياخوي...

ماتسوا انك تشتري جهاز ولا تأجر من الكويت,,,, نفس ماقالك اخونا,,,
اول ما تطب المطار أسأل عن تأجير هالجهاز,,,
واذكر بمطار استراليا عطانا الجهاز مع التعليمات لاستخدامه بطريقه سهله وبسيطه,,, واذكر ان الجهاز كان مسكون بجني مطفوق الجهاز يتكلم ,,, سبحان الله
روح يمين روح يسار,,, ولا بعد يدليك عالطرق المختصره

بس اخذ فكره عن طريقة استخدامه قبل السفر,,,
وتروح وترد بالسلامه ياخوي...
موفق
وراح احاول اشوفلك جهاز للاستعاره,,,​

 

[azzd]

اخوي تروح وترد بالسلامه
بالنسبة للتأجير من شركات تأجير السيارات سعره حلو بالنسبة لفترة بسيطة وأعتقد ان غالي شوي اذا حبيت طول فوق3 اسابيع
فتشتري واحد أفضل وتبيعه بعدين لان حصل معاي اني اجرت واحد شهر 8 الفائت بــ 70 باوند لمدة 15 يوم
ووجده يباع على 150 الى 170 باوند بكل مكان نوع الجهاز tom tom
والميزه انه صغير وخفيف وسريع ومميزاته حلو الصراحة بغيت اشتري واحد بس ما يصلح حق غير أوروبا وامريكا فقط ولا تقدر تنزل من النت للخليج

وانت وكيفك
ملاحظة لا تترك الجهاز بالسيارة أخذه معاك

 

[متداول اسلامي]

garmin nuvi
اخوي جزاك الله خير ماقصرت
من اي محل القاه ؟ بالكويت
كم رقمه او موديله ؟
تستاهل الطيب ياخوي كلكشي جزاك الله خير ماقصرت بارك الله فيك
وهذا المطلوب
azzd
الله يسلمك من كل شر ياخوي ماقصرت على النصيحه وصدقت الظاهر بشتري افضل واخشه للحاجه او ابيعه
اليوم باخذ لي فره على المحلات بالديره

 

[ولد الديرة]

وكيل garmin في الكويت هو شركة العميري للمعدات البحرية
مكانهم في الشويخ خلف سيتي سنتر ومقابل البوم للمعدات البحرية
وانصحك ب nuvi 660