التصحيح قادم.........كروا وفروا

[boalons]

السلام عليكم ورحمه الله



الحركه التصحيحيه قادمه الي ربح شويه لايطمع


والي ناطر مثلي علي سهمه الله يعينه


كل الخوف انه ينزل السوق قبل اعلان نتايج الربع الثالث


المؤمن لايلدغ من جحره مرتين

 

[فريد]

فعلا يا الحبيب الحذر مطلوب .... لكن السوق يغري

من تشوف قيمة التداول والكميات والصفقات يوقف شعر راسك

120 مليون و130 مليون 140 مليون والله أعلم كم توصل قيمة التداول والقيمة السوقية للأسهم بتوصل لك مليار ما أدري كم قيمة اللك

تخاف تطلع وتنتظر يطوفك السوق وما تقدر تشتري بالسعر اللي طلعت فيه

السوق راح يوصل حد معين ويبدأ مرحلة تصحيح لكن اللي حاصل الآن جني أرباح وضغط على بعض الأسهم

المهم النصيحة اللي طلع بمكسب يبيع نصف كمياته وينتظر إذا نزل السوق يشتري وإذا صعد يبيع الكميات الباقية

 

[عارف الحال]

الركاده زينه

لايغرك كميات الشراء ترى خدعه بعضها وتدوير

القنص بالركاده والتسرع جهاله

 

[الفهلوي]

فروا وكروا ياشباب التصحيح جاااااااااااااااااااااااي

اخبار من مصادر من السوق!!!!!!!!

هناك نزووووووووول عنيف وطويل جدا سوف ينزل السوق الي تحت 5000نقطه

وينتج عنه تكييش صفقات الإجل المستحقه والتي لم تستحق بعد

ويزداد السوق بعدها انهيار ؟؟؟؟؟


نصيحه الي يقدر يصفي وينتظر هالأسبوعين يكون افضل والله اعلم



والله يستر



والسلام ختام..................؛
( ( (

 

[boalons]

كل شي جايز ولازم الواحد يكون حذر



يعطيك العافيه على هالتنبيه



والله يستر

 

[الفهلوي]

الرسالة الأصلية كتبت بواسطة الفهلوي
فروا وكروا ياشباب التصحيح جاااااااااااااااااااااااي

اخبار من مصادر من السوق!!!!!!!!
هناك نزووووووووول عنيف وطويل جدا سوف ينزل السوق الي تحت 5000نقطه
وينتج عنه تكييش صفقات الإجل المستحقه والتي لم تستحق بعد
ويزداد السوق بعدها انهيار ؟؟؟؟؟
نصيحه الي يقدر يصفي وينتظر هالأسبوعين يكون افضل والله اعلم
والله يستر

والسلام ختام..................
( ( (

مثل ما توقعنا صار على كل حال الصعود قريب جدا ......

 

[boalons]

boalons

علم نفسك اول بعدين انصح الناس(

 

[الفهلوي]

الرسالة الأصلية كتبت بواسطة boalons
كل شي جايز ولازم الواحد يكون حذر



يعطيك العافيه على هالتنبيه



والله يستر

مرحبا احوي boalons

ردك علي غريب هل هو استهزاء فيني ام نصيحه منك لي

فأنا لم اقل انني من يعلم بنزول السوق ، وانما نقلت ما وصلني من معلومات من بعض الأخوة

من باب نصيحة اخواننا في المنتدي . والغريب انك في ردك الأول

تقول يعطيك العافيه على التنبية وفي الرد الثاني لم افهم مغزاه

على كل حال سوف اعتبرها نصيحه من باب احسان الظن بأخواننا في هذا المنتدى.

وشكرا

 

[فريد]

الأخ الفهلوي صباح الخير



كلام أخونا boalons بعيد عن الاستهزاء

واضح أنه يرد على نفسه لأنه طارح الموضوع وغاص في جيزان

 

[الفهلوي]

صباح الخير اخي فريد


شكرا على ردك الطيب واتمنى سماع التوضيح من اخونا boalons

الذي انا متأكد ان شاء الله انه مايقصد الإستهزاء وذلك اننا جميعا

في هذا المنتدى الطيب هدفنا هو التناصح والتشاور ومحاولة مساعدة بعضننا البعض



وشكرا مرة اخرى لك وللجميع

 

[boalons]

boalons

علم نفسك اول بعدين انصح الناس(


والله العظيم عورت قلبي اخوي الغالي الفهلوي


لاحظ بالي كتبته اني حاط اسمي فوق يعني كنت اقول حق نفسي علم نفسك قبل لاتنصح الناس(على سبيل الدعابه)


اكيد انتا فهمتني غلط

 

[الفهلوي]

مسموووووووووووح ياخوي boalons

وحصل الف خير والحقيقة انني قد تألمت من الرد

الا انني حاولت ان اخذ الأمر بحسن نيه .... وردك الحين ريح قلبي


فلك مني كل الشكر والتقدير


وطاح الحطب .... وصافي يالبن




والسلام ختام