مدح وإلا شتيمه

الموضوع في 'إستراحة المنتدى' بواسطة سهم مرتاح, بتاريخ ‏30 أكتوبر 2007.

  1. سهم مرتاح

    سهم مرتاح عضو نشط

    التسجيل:
    ‏3 ابريل 2006
    المشاركات:
    1,244
    عدد الإعجابات:
    0
    مكان الإقامة:
    kuwait
    منقوووووول
    :)




    البارحة جاني مـن الحـب مرسـال

    من عقب ما بينـي وبينـه خصيمـة



    وانا ترى في الحـب مانيـب فعّـال

    ولا بعـد ولّـع بقلبـي هشيـمـه



    ولا بعد غنّيت فـي ساعـة وصـال

    ولا بعد ذقـت الفـراق وجحيمـه



    ولا جرى دمعي على الخـد همّـال

    ولابعـد جربـت مــرّ الهزيـمـة



    حتى وردنـي تالـي الليـل جـوال

    وانا على شاهي وبسكـوت ديمـة



    الرقم بايخ لكـن الصـوت قتـال

    كنه مثل صـوت المذيعـة حليمـة



    قالت مساء الخير يـا طيّـب الفـال

    قلـت ارحبـي ترحيبـةٍ مستديمـة



    بالعود والصفـري ودلـة وفنجـال

    واجبك يا بنت الأصـول الكريمـة



    ردت بضحكة ثم قالت وش الحـال؟

    قلت اشهد إن الحال عقبك سقيمـة



    قالت وهي تضحك بعد مثل الأطفال

    وانـا بعـد كنـي بدونـك يتيمـة



    من يـوم قالتهـا تزلزلـت زلـزال

    من فجعتي كنـي مسـوي جريمـة



    قلت ارفعي صوتك ترى مابه ارسال

    كـذاب لكـنّ المصيبـة عظيمـة



    قالت أقول اسمع ترى هرجنـا طـال

    ممكـن تصاحبنـي ترانـي وسيمـة



    واسمي الحقيقي أول حروفـه الـدال

    لكـن يسمّونـي البنـات الزعيمـة



    صحيح أحب الفخفخة واعشق المال

    لكـن ترانـي طاهـرة مستقيـمـة



    ما عندي امغازل ولا (لعب يهّـال)

    ما عندي إلا في الشرف والحشيمـة



    بس الصراحة قلبي لشوفتـك مـال

    واصبحت وحدك جالسٍ في صميمه



    فكّر بعقلك واترك القيـل والقـال

    واحذر تطيع اهل العقـول العقيمـة



    وارسل علي الحين خمسميـة ريـال

    أشحن بهـا جـوال أختـي غنيمـة



    أو طقم غالي فيه خاتـم وسلسـال

    أروح بـه فـي عـرس ولاّ عزيمـة



    قلت الحقيقة مانيب رجـل أعمـال

    ولانـي بتاجـر والمـوارد عديـمـة



    أنا الصراحة شبـه عطّـال بطّـال

    وعلاقتـي بالفقـر جـداً حميـمـة



    والراتب الله يرحم الحـال مـا زال

    محـدود والمصـروف ربـي عليمـه



    والدين بـالآلاف والبنـك شغّـال

    ياكـل فلوسـي بالربـا والظليمـة



    والسوق طايح والغلا ضيّـق البـال

    والموت والله صايـر اكبـر غنيمـة



    قالت تحمّل بـس والحمـل ينشـال

    خلك شديد الباس صلـب العزيمـة



    ياخي تصرّف جعلك اتصيـر نشّـال

    أهـم شـي إن النوايـا سليـمـة



    لابد تفهمني علـى كـل الأحـوال

    ما دمت من أهل العقـول الفهيمـة



    قلت إيه والله فاهم اللي على البـال

    لكن تـرى هـذي علينـا قديمـة



    يا بنت هـذا صايـر اليـوم مـوال

    للي تبي تلعب علـى ابـن اللئيمـة



    يا بنت ما تدرين كـم فيـه محتـال

    يلعب على الحبلين وانتـي غشيمـة



    يا بنت كم من جاهلة دمعها سـال

    من عقب ما جات العواقب وخيمـة



    والبنت لا اقفى عرضها بيد الأنـذال

    والله مـا يبقـى لهـا أي قيـمـة



    قالت تبي ولاّ فخلّك علـى جـال

    مهوب ناقصـي نصايـح حكيمـة



    عز الله إنك للأسف منـت رجّـال

    وانك قليل الذوق ما فيـك شيمـة



    يا لعنبو اللي مـا يسطّـرك بنعـال

    حتـى يعلمـك الغـزل يـا بهيمـة



    ( تفو ) عليك وصكّت الخط في الحال

    مدري ( تفو ) هي مدح وإلاّ شتيمـة



     
  2. trader_1

    trader_1 عضو نشط

    التسجيل:
    ‏4 فبراير 2006
    المشاركات:
    464
    عدد الإعجابات:
    24
    حلوة :)

    لا بالله شتيمة
     
  3. بو راس يابس

    بو راس يابس عضو نشط

    التسجيل:
    ‏20 ابريل 2006
    المشاركات:
    1,661
    عدد الإعجابات:
    0
    مكان الإقامة:
    كيفان
    صح لسانك ولسانه ،،


    مالك لوا الا تفو (عزكم الله ) في هالحالة مدح

    مصداقا لقول الشاعر

    واذا اتتك مذمتي من ناقص فهي الشهادة لي بأني كامل
     
  4. almoress

    almoress عضو نشط

    التسجيل:
    ‏9 ديسمبر 2005
    المشاركات:
    902
    عدد الإعجابات:
    5
    مكان الإقامة:
    دولة الكويت
    سهم مرتاح


    عساك دوم مرتاح :)


    صح لسان شاعرها وشكراً على النقل والإختيار الموفق
     
  5. Bent_alq8

    Bent_alq8 عضو جديد

    التسجيل:
    ‏28 سبتمبر 2007
    المشاركات:
    3,735
    عدد الإعجابات:
    0
    مكان الإقامة:
    حبيبتي الكويت
    وصح لسانك يابو راس يابس.
     
  6. Dublin

    Dublin عضو نشط

    التسجيل:
    ‏22 مايو 2006
    المشاركات:
    313
    عدد الإعجابات:
    0
    مكان الإقامة:
    kuwait
    :) عجبيبه
     
  7. بو راس يابس

    بو راس يابس عضو نشط

    التسجيل:
    ‏20 ابريل 2006
    المشاركات:
    1,661
    عدد الإعجابات:
    0
    مكان الإقامة:
    كيفان
    صـــح بدنـــــــج :)
     
  8. ahaji

    ahaji عضو جديد

    التسجيل:
    ‏4 يونيو 2007
    المشاركات:
    532
    عدد الإعجابات:
    0

    و أنا بعد وياكم :)
     
  9. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    حلوه القصيده بس لاحظت كسرين بس تقريبا في القصيدة .

    الأول : قلت الحقيقة مانيب رجـل أعمـال

    والثاني : عز الله إنك للأسف منـت رجّـال

    والباقي مافيها كلام والله واعلم وفالك المليون :)
     
  10. بو راس يابس

    بو راس يابس عضو نشط

    التسجيل:
    ‏20 ابريل 2006
    المشاركات:
    1,661
    عدد الإعجابات:
    0
    مكان الإقامة:
    كيفان
    حلوه القصيده بس لاحظت كسرين بس تقريبا في القصيدة .

    الأول : قلت الحقيقة مانيب رجـل أعمـال
    صدقت مكسور
    والثاني : عز الله إنك للأسف منـت رجّـال

    مالك لوا ،، الا جاب المسحوب جيب
    والباقي مافيها كلام والله واعلم وفالك المليون :)

    خير من يمثلهم :)
     
  11. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161

    البيت الثاني مكسور مية بالمية واللي يعرف في الشعر يشاركنا .

    واذا مومكسور يمكن تقولون ثقل والثقل يميل الى الكسر .. وأنا أعتبر الثقل كسر مع احترامي لأهل الثقل .