شباب مارأيكم بجامعات الهند ؟؟؟ موضوع للنقاش

[ابو غانم]

شباب أنا أريد أن أكمل دراستي الجامعية في الهند .. لأني سمعت الكثير عن الجامعات الهندية والدراسة فيها .

ولكن لاأعلم ماهي الجامعات المعترف بها لدينا بالكويت وطريقة الدراسة وتكالبف الدراسة .

يعني اللي عنده فكره عن الدراسة بالهند فيدنا وجزاكم الله خير

 

[Bokandar79]

شنو تبي تدرس...؟؟
اذا بالمجال الطبي مو كل التخصصات ماشيه,,,
طب عام,, في مدينه اسمها (كيرلا) تشتهر بالمجال الطبي,, ودراسه صعبه وايد ولا تفكر انك تمشي بالبيزات لان في مراقبه خاصه حق هالشغله وفي ميداني تمارس مهنتك قبل التخرج ومستشارين من دول اوربيه تقيمك,,, بس راح تصيع لما ترد الديره وتمارس مهنتك,,
طب اسنان تلش,,,
صيدله هم تلش,,,
تمريض ممتازه,,,
تشريح وتعقيم تلشش,,

وبعدين لازم تشوف الجامعه اللي شهادتها معترف بها بالكويت وماعليها كلام بالمستقبل,,,

شي حلو انك تفكر بتكملت الدراسه,,
موفق ياخوي,,

 

[ahaji]

السلام عليكم

أبو غانم .. !

في أكثر من 1200 جامعة بالهند معترف فيها بالكويت

يعني طب وتخير

وأنصحك تروح للتعليم العالي لأي استفسار

والله يوفقك

 

[ابو غانم]

التخصص اللي أبيه ( إدارة )

 

[Bent_alq8]

أخوي كنت أتمنى إني أفيدك بالموضوع بس للأسف ليس لدي خبرة عن الدراسة في الهند...
لكن ممكن أقدم لك نصيحه أخوية وهي دراسة الموضوع جيدا من كل النواحي أعتقد من الصعب جدا الدراسة في الهند (أحس مو سهلة بالمرة)
ترى الهنود مو شوي خصوصا في الكمبيوتر(ذهب بيل جيتس بنفسه للهند وإختار عدة مبرمجين لتطوير المايكروسوفت )
وفي الطب أتوقع تفوقهم أيضا... ولكن لابد من إعتماد التعليم العالي للجامعه المطلوبة بطبيعة الحال...
كل التوفيق لك أخي ويسعدني وجود طموح لدى الإنسان خصوصا في التعليم..بس حاول في دولة أخرى تكون دراستهم أسهل يوجد الكثير (ماليزيا) فقد رأيت الكثير من الطلبه العرب هناك!!!
أيضا أستراليا...نيوزلندا...
يعتمد على التخصص المطلوب دراسته..
بالتوفيق لك يارب وإنشاء الله لأعلى.

 

[" قاصد خير "]

أخواني سمعت كلام و أعتقد أنه صحيح اي واحد راح يحصل على شهادة من الهند يجبر على تقديم أختبارات مستوى في دولة الكويت والله أعلم ..

 

[ابو غانم]

أخوي كنت أتمنى إني أفيدك بالموضوع بس للأسف ليس لدي خبرة عن الدراسة في الهند...
لكن ممكن أقدم لك نصيحه أخوية وهي دراسة الموضوع جيدا من كل النواحي أعتقد من الصعب جدا الدراسة في الهند (أحس مو سهلة بالمرة)
ترى الهنود مو شوي خصوصا في الكمبيوتر(ذهب بيل جيتس بنفسه للهند وإختار عدة مبرمجين لتطوير المايكروسوفت )
وفي الطب أتوقع تفوقهم أيضا... ولكن لابد من إعتماد التعليم العالي للجامعه المطلوبة بطبيعة الحال...
كل التوفيق لك أخي ويسعدني وجود طموح لدى الإنسان خصوصا في التعليم..بس حاول في دولة أخرى تكون دراستهم أسهل يوجد الكثير (ماليزيا) فقد رأيت الكثير من الطلبه العرب هناك!!!
أيضا أستراليا...نيوزلندا...
يعتمد على التخصص المطلوب دراسته..
بالتوفيق لك يارب وإنشاء الله لأعلى.

الله يعطيج العافية والله نصيحة تستحق أن أقف عندها .. مشكوره يالغاليه وأنا ماني مستعجل .. عموما أنا حاصل على دبلوم إدارة من زمان وحبيت أكمل بنفس المجال وتسلمين .

 

[ابو غانم]

أخواني سمعت كلام و أعتقد أنه صحيح اي واحد راح يحصل على شهادة من الهند يجبر على تقديم أختبارات مستوى في دولة الكويت والله أعلم ..

والله يالغالي ماأتوقع أي جهة بالكويت تسوي أختبار مستوى والله واعلم .

 

[***بومحمد***]

لي صديق متخرج من الهند أذكر كان يمدح مستوى الدراسه من الناحيه العلميه....
لكن وايد كان يذم العيشه ومستواها والإمكانيات وعدم وجود شي لقضاء وقت الفراغ ...

 

[مصمم مواقع]

اخوي انصحك تروح ماليزيا اذا كان تخصصكك هندسه لانه انا كنت ابي اروح ادرس بس ماكو حض (خيره)

وماليزيا رخيصه ودوله اسلاميه
واسعار جامعات نيوزلندا واستراليا تقريبا بسنه 3000 دينار بسنه يعني غاليه


هذا موقع جامعه ماليزيا للعلوم وفيه قسم باللغه العربيه وفيه معلومات عن الاسعار وغيرها

http://www.studyarab.com

وترتيبها 89 عالميا



التكاليف ::

* تكاليف السكن : تقريبا 40 دينار شهريا
* تكاليف المعيشه : تقريبا 80 دينار شهريا

وجامعه اتوقع تكاليفها 3 سنوات 3000 دينار كويتي

والله يوفقك ان شاء الله

 

[Bent_alq8]

شكراً جزيلا مصمم مواقع شكلك أجريت بحث وافي ...الله يوفقك في دراستك وتكمل يارب...
موفق

 

[UNIX]

شباب أنا أريد أن أكمل دراستي الجامعية في الهند .. لأني سمعت الكثير عن الجامعات الهندية والدراسة فيها .

ولكن لاأعلم ماهي الجامعات المعترف بها لدينا بالكويت وطريقة الدراسة وتكالبف الدراسة .

يعني اللي عنده فكره عن الدراسة بالهند فيدنا وجزاكم الله خير

أنصحك بأمريكا: University of Pennsylvania "Wharton School Of Business

www.upenn.edu الموقع