يا من يشتري السيارات من الامارات إقلط أخذلك فنجال

[S500]

السلام عليكم

ياهلا بالجميع وحياكم الله بمحلكم

سموا بسم الله واقدعوا من سكري القصيم وكل يسمر راسه بفنجال المر

عقب القهوه نبي علومكم

انا رجال ناوي اجيبلي موتر من الامارات ولاني عارف الطريقه بالضبظ

وين محلهم وشسم ديرتهم اللي هم فيها

يكفيني نهار اذا لقيت الموتر اخلص كل اجراءات السياره؟

وش سالفه الجمارك اذا الموتر اللي بخاطري 2007 او 2008؟

صحيح 5% من قيمه الموتر؟

او ان الموتر اذا من الخليج ما ياخذون عليه جمرك؟

سمعنا ان فيه قانون يخص هالأمور توه صادر من وزاره التجاره منو يفيدنا فيه؟

ياهلا ياهلا يالجميع

:d
علمونا بالعلوم الطيبه

 

[خالد_الفيصل]

قدوعك زين لكن القهوه مسمارها واجد
لكن ماعندي خبره في مووضوعك وشكرا

 

[ابو_العبادلة]

إذا تبي سيارات من الامارات في اكثر من مكان ولكن الاحسن عندي هي الشارقة او العوير عندي انا احسن حراج هم

وإذا تبي الطريقه
اول شي تسويه تروح المكتب وتشوف السياره إلي تعجبك وتعطيه عربون لا يزيد عن 500 درهم والبطاقه المدنية الاصيله عشان يسجلها لك في المرور النمطقه إلي انت شاري منها ولا تنسى الوصل مال لعربون تاخذه ...
يقوم صاحب المكتب بتحويل السياره باسمك ويجيبلك ورقة المرور مختومه باسمك تاخذه وتتوكل على الله على الكويت وفي حدود الكويت تاخذ الارقام الموقته من الجمارك واوراق الخاصه بالسيارتك وبعد هذا تذهب الى مجمع الوزراة وزارة التجارة وتسال عن اوراق المواصفات والمقايس ويعطونك اوراق وتاخذها وتذهب الى ادارة الموصفات والمقايس إلي بالضجيج يختمون عليه وتذهب بعدها الى الشحن البري الي بالصلبيه اول ماتدخل تروح حق مخلص المعاملات وهو يقوم في باقي الاجراءات والمني فست للسيارة ..
اما بخصوص سعر الجمرك موجود عند المفتش الجمارك مطبوع وخالص يشوف الموديل ويقيم سعرها على طول واتوقع على كل الف دينار ياخذون 75 دينار كويتي يعني إذا فرضنا السياره سعرها 10,000 الاف دينار يخذون عليها 750 دينار د.ك ودمتم​

 

[" قاصد خير "]

ما أشرب قهوه جاي بدون سكر ..

 

[محمد2000]

تمر وقهوة مرة ؟؟؟ ليش معتقل
شوف .. في قهوة تركية وسط ؟

 

[سهم فسفوري]

اخوي S500
بخصوص الجمرك, انا جايب سياره شهر9/2007 الجمارك موحـــــده بالخليج اذا المكتب الى بالامارات دافع الجمرك( بخصوص السيارات وارد خارج الامارات) ماتدفع بالكويت... بخصوص سيارات 2008 ماعليها جمرك( اذا صار تغير بالقوانين الله اعلم).....

 

[S500]

اخوي S500
بخصوص الجمرك, انا جايب سياره شهر9/2007 الجمارك موحـــــده بالخليج اذا المكتب الى بالامارات دافع الجمرك( بخصوص السيارات وارد خارج الامارات) ماتدفع بالكويت... بخصوص سيارات 2008 ماعليها جمرك( اذا صار تغير بالقوانين الله اعلم).....[/quote








هذا الكلام اللي تقريبا انا متأكد منه لاني سمعته من اكثر من مصدر

وكلام اخونا ابو العداله اني ادفع 750 دينار على كل 10000 دينار اعتقد واجد ولا تستاهل العنوه السالفه خاصه ان الموتر اللي بخاطري تقريبا سعره 20000 دينار

سيارات 2008 تقصد من الوكاله اللي عندهم او تقصد الموديل سواء مستعمله او غير مستعمله ما تفرق كلهم ما عليهم جمرك؟

 

[Pivotrend]

S500 كيف حالك
آخر كلام سمعته أنهم ما يخذون جمرك على السيارات الجديدة الي من دول مجلس التعاون
يا ليت تتأكدون ياخوان !

 

[S500]

S500 كيف حالك
آخر كلام سمعته أنهم ما يخذون جمرك على السيارات الجديدة الي من دول مجلس التعاون
يا ليت تتأكدون ياخوان !

هلا والله فيك ابو محمد

اول شي انا بعض المرات اقفل على اسخف الاشياء

انت تقول سيارات جديده تقصد العداد اصفار او تقصد سياره موديل 2008 لكن ماشيه 5000 كيلو ؟

بعدين يا شباب اذا ما عندكم جواب اكيد انا مستعد اروح اسأل الجهه المختصه لكن بشرط

تقولولي وينها بالضبط

مابي ناس تقولي يمكن وزاره التجاره وناس تقول ميناء الشويخ وناس تقول الجمارك بالصليبيه


ابي تحدبد للموقع وانا اروح اسأل

 

[سهم فسفوري]

بخصوص التجـــاره هذا رقم (قسم استيراد السياراتبالتجاره):2483108
اعتقد بفيدونك اكثـــر

 

[alajmiktv]

عتقد اهم نقطة بالموضوع بالنسبة لك الجمارك !!

بإختصار شديد السيارة الي تشتريها اذا متجمركة بالامارات ماتدفع جمارك بالكويت .. يعني اذا السيارة عليها لوحات إماراتية ما تجمرك بالكويت لأنها تجمركة بالامارات .. والوكالات تجمرك سياراتها قبل لا يعرضونها للبيع يعني ماكو شي اسمه جمرك بس اهم شي تاخذ من الوكالة او المكتب الي تشتري منة شهادة جمارك تشهد بأن الجمارك قد تم دفعها ... وللعلم السيارات المعروضة بالمنطقة الحرة غير مجمركة وبس

وعلى فكرة الجمارك بالخليج موحدة يعني البضاعة لمن تدخل الخليج عن طريق السعودية تجمرك بالسعودية وبس واذا دخلت الخليج عن طريق الكويت تجمرك بس بالكويت .. يعني اول دولة تجمرك وخلاص ​

 

[متطور]

توني اعرف من وين طلعت وكالة يقولون
سبحان الله
الكل يفتي بدون علم

الاخ السائل
لو تتبع معظم الكلام الي انذكر اعلاه صدقني راح تمشي وتكلم نفسك

انا توني مجمرك سياره والخطوات كالآتي
اولا يحق لك تجمرك سياره واحده كل سنتين مالم يكن عندك رخصة استيراد وتصدير
ثانيا لازم ما يكون طاف على موديل السياره خمسة سنوات يعني الي قبل 2003 ما تدخل الا باستثناء او تكون سياره اثريه
ثالثا اذا ما تبي تدفع جمرك على السياره لازم تطلع نسخه معتمده عن البيان الجمركي للسياره صادر من الميناء الي دخلت منه مذكور فيها قيمة الجمرك التي تم دفعها (هذه ممكن يساعدونك باستخراجها المخلصين او الوكاله في الدولة الي تشتري منها) والورقة الاخرى المهمه هي براءة الذمه
رابعا من منفذ النويصيب يتم الفحص المبدئي للسياره واستلام الارقام المؤقته وورقة المقاصه (مهمه اذا ما اخذتها يعني لازم تدفع الجمرك كامل) وهم يبعثون المنفست الى الجمرك البري بالصليبيه في اليوم التالي
خامسا تروح وزارة التجاره تطلع اذن استيراد حسب الشروط الي ذكرتها لك في اولا
سادسا تروح الجمرك البري ولازم تكون معاك السياره علشان يعاينونها ويسجلون بياناتها وبعدها تسلم الاوراق للمخلص يتابعها لك
بالنسبه للجمرك التسعيره 5 % وعند المخلص جدول ثابت فيه كل انواع السيارات وقيمة الجمرك وكل ما زادت مواصفات السياره زادت قيمة الجمرك
وحسب البيان الجمركي المذكور في ثالثا اذا كانت قيمة الجمرك المدفوعه اكبر من قيمتها في الكويت فمبروك ما عليك شيء اما اذا كانت اقل فتدفع الفرقيه
سابعا تاخذ الشهاده الميكانيكيه من الجمرك البري وتروح لشركة تامين تامن على السياره وبعدها لمرور العاصمه لعمل الفحص الفني واخذ الارقام

الرسوم كالتالي (بدون فرقية الجمرك)
1- تأمين بالمنفذ (النويصيب) 3.5 دك
2- ارقام مؤقته (النويصيب) 5 دك
3- طابع (النويصيب) 1 دك
4- مخلص الجمرك البري 12 دك من ضمنها طابع لبراءة الذمه ورسوم طباعه والذهاب للبنك
5- شهادة افراج جمركي 6.5 دك
6- شهادة تسجيل 60 دك
7- تامين 19 دك
8- المرور 10 دك

يعني تحتاج نهار في النويصيب (هم شغالين 24 ساعه يعني حتى اذا وصلت بالليل يمكنك من اتمام الاجراءات) ونهار في الجمرك البري ونهار في المرور


ملاحظه
كل ما ذكر اعلاه تم في اكتوبر 2007 يعني اذا تغيرت القوانين بعدها آنا ماني مسئول

الله يوفقك واي استفسار ثاني انا حاضر
وسامحني على القصور

​

 

[S500]

توني اعرف من وين طلعت وكالة يقولون
سبحان الله
الكل يفتي بدون علم

الاخ السائل
لو تتبع معظم الكلام الي انذكر اعلاه صدقني راح تمشي وتكلم نفسك

انا توني مجمرك سياره والخطوات كالآتي
اولا يحق لك تجمرك سياره واحده كل سنتين مالم يكن عندك رخصة استيراد وتصدير
ثانيا لازم ما يكون طاف على موديل السياره خمسة سنوات يعني الي قبل 2003 ما تدخل الا باستثناء او تكون سياره اثريه
ثالثا اذا ما تبي تدفع جمرك على السياره لازم تطلع نسخه معتمده عن البيان الجمركي للسياره صادر من الميناء الي دخلت منه مذكور فيها قيمة الجمرك التي تم دفعها (هذه ممكن يساعدونك باستخراجها المخلصين او الوكاله في الدولة الي تشتري منها) والورقة الاخرى المهمه هي براءة الذمه
رابعا من منفذ النويصيب يتم الفحص المبدئي للسياره واستلام الارقام المؤقته وورقة المقاصه (مهمه اذا ما اخذتها يعني لازم تدفع الجمرك كامل) وهم يبعثون المنفست الى الجمرك البري بالصليبيه في اليوم التالي
خامسا تروح وزارة التجاره تطلع اذن استيراد حسب الشروط الي ذكرتها لك في اولا
سادسا تروح الجمرك البري ولازم تكون معاك السياره علشان يعاينونها ويسجلون بياناتها وبعدها تسلم الاوراق للمخلص يتابعها لك
بالنسبه للجمرك التسعيره 5 % وعند المخلص جدول ثابت فيه كل انواع السيارات وقيمة الجمرك وكل ما زادت مواصفات السياره زادت قيمة الجمرك
وحسب البيان الجمركي المذكور في ثالثا اذا كانت قيمة الجمرك المدفوعه اكبر من قيمتها في الكويت فمبروك ما عليك شيء اما اذا كانت اقل فتدفع الفرقيه
سابعا تاخذ الشهاده الميكانيكيه من الجمرك البري وتروح لشركة تامين تامن على السياره وبعدها لمرور العاصمه لعمل الفحص الفني واخذ الارقام

الرسوم كالتالي (بدون فرقية الجمرك)
1- تأمين بالمنفذ (النويصيب) 3.5 دك
2- ارقام مؤقته (النويصيب) 5 دك
3- طابع (النويصيب) 1 دك
4- مخلص الجمرك البري 12 دك من ضمنها طابع لبراءة الذمه ورسوم طباعه والذهاب للبنك
5- شهادة افراج جمركي 6.5 دك
6- شهادة تسجيل 60 دك
7- تامين 19 دك
8- المرور 10 دك

يعني تحتاج نهار في النويصيب (هم شغالين 24 ساعه يعني حتى اذا وصلت بالليل يمكنك من اتمام الاجراءات) ونهار في الجمرك البري ونهار في المرور


ملاحظه
كل ما ذكر اعلاه تم في اكتوبر 2007 يعني اذا تغيرت القوانين بعدها آنا ماني مسئول

الله يوفقك واي استفسار ثاني انا حاضر
وسامحني على القصور

​

كل كلامك على العين والراس

ومشكور على الشرح


ممكن تفيدنا الموتر اللي انت مجمركه كم موديله ؟


واذا كان 2007 هل هو جديد ام مستعمل؟

 

[متطور]

حبيبي
الموتر الي جمركته موديل 2004

والعمليه ماتفرق بالنسبه لجديد ام مستعمل
الخطوات واحده للاثنين والفرق الوحيد هو سهولة الحصول على الاوراق من الوكاله بالنسبه للجديد

وشكرا