ممكن مساعده يا اهل الخبره

[Ali Baba]

السلام عليكم

شباب انا عندي رقم حساب بالبوورصه ؟؟؟

وعندي اسهم الاولى للوقود من الاكتتاب بس ما استلمت الشهاده من البنك

السؤال :

1- الحين اقدر ارووح البوورصه وابيع الاسهم من غير الشهاده ؟؟ هل عندهم بياناتي ولا لازم استلم الشهاده من البنك

2- بنك بوبيان ما استلمت اسهم المنحه ؟؟ هل تنضاف اتوماتيك ولا لازم اودي الشهاده وارووح استلم الزياده

 

[شرياص العديلية]

بالنسبه للأولى للوقود أعتقد لازم تعطيهم الشهادات

أما بالنسبة لبوبيان . مايحتاج .. أوتوماتيكيا تندرج بسمك .

 

[NBK]

ما يحتاج
روح للمكتب اللي تتداول فيه ( قسم المحاسبه ) وعطهم رقمك المدني
يقولون لك كم سهم عندك وتقدر تبيعهم
كلام 100%

 

[NBK]

والمنحه موجوده
اكيد ضافوها لاسهمك

 

[شرياص العديلية]

اي عاد قول مشكور .. تسلم .. قول شي ..

على اولك دقيت سلف ورحت السوق .


عطوني واير ​

 

[شرياص العديلية]

nbk اتعرف وين بيت علي بابا ؟؟​

 

[NBK]

ههههههههههههه

عطه فرصه شوي

اكيد من الفرحه نسى يشكر

يمووووون يمووووووووون

 

[NBK]

nbk اتعرف وين بيت علي بابا ؟؟​

أيه أعرف

في بر كاظمه

 

[شرياص العديلية]

شباب خلوهم وايرين

 

[شرياص العديلية]

تقول في بر كاظمة ...​

 

[شرياص العديلية]

أأخخخ لو من يقضبني مشرف المنتدى ساعتين بس !​

 

[Ali Baba]

شرياااص ... ياا ولد هدي .... اعذرني اخووك موظف بالبترووول توه رافضين الزياده وخربوووا علينه السياره اليديده

وكرت الانترنت خلص رحت الجمعيه مشي ما عندي فلوس بنزين


مشكورين وما قصرتوا .... ولوو على البورصه ودي اروووح اللحين ابيعهم المررره تبي فلوووس حق العرس .... ابتلشنااا

 

[Ali Baba]

nbk اتعرف وين بيت شرياااص العديليه ؟؟

 

[شرياص العديلية]

شرياااص ... ياا ولد هدي .... اعذرني اخووك موظف بالبترووول توه رافضين الزياده وخربوووا علينه السياره اليديده

وكرت الانترنت خلص رحت الجمعيه مشي ما عندي فلوس بنزين


مشكورين وما قصرتوا .... ولوو على البورصه ودي اروووح اللحين ابيعهم المررره تبي فلوووس حق العرس .... ابتلشنااا

آنا بعرف شي علي بابا ..

سعد الشويب ليش استعجل .... ودز تهنئة قبل لا يتأكد ...؟

خل تتوقع من المعازيب الكبار ... بعدين بارك ... عدل كلامي ؟؟

عشم ناس حلمانين بسياره واللي بياخذ شقة بدبي ... ولي وليي ..الخ ​

 

[Ali Baba]

على قوولتك .... يمكن لأنه بعد موافقة المجلس الاعلى للبتروول (( الي اهو مجلس الوزراء نفسه ))

ما توقع ان المجلس الي وافق عليه وحوله للديوان راح يرد يرفضه لأنه الميزانيه كبيره ؟؟؟

عيل ليش وافقتوا من البدايه وحولتووه للديوان

الله كريم