عقارات الكويت الى ال 270 فلس بإذن الله

[الحيدر911]

الله يعطيك العافيه يابوعبدالله وجزاك الله خير

 

[hussain210]

السلام عليكم يا اخوان احنا محتاجين للتريث والثقة بينا وبين بعض انا اعتقد ان الموضوع هو يا خال يا بواثنين والكل مترقب حكم المحكمة انا اعتقد من خلال وجهة النظر المتواظعة بان السهم نازل الي 190 و180 لأن هذا هو مستو السهم الحقيقي وتر تاريخ السهم في 2007 شهر 1 كان سعرة 160 ديرو بالكم

 

[aliii]

ليش ما فعلت الستوب لوز؟؟؟؟؟؟؟؟؟



شباب ما عندي مشكلة ابي اي شخص يوضحلي وين الخطأ بالتحليل بالصفحة الاولى !!!!


اما كلام بالطريقة هذي ما ينفع رحم الله والديكم اما تتكلمون كلام منطقي والا بلاش تعليق


وانا مستعد اي شخص تثقون فيه بالتحليل من المشرفين يشوف الشارت واذا في خطأ انا مستعد اعترف


يا جماعة اتمنى قبل لا كل شخص يعلم يفهم ويستوعب شنو معنى تحليل

ترا ما هو علم للغيب


موفقين

يا جماعة هذا تحليل وليس توصية ... علامكم ما تفرقون

بعدين التحليل يقارع بالتحليل وليس بهذا الاسلوب العشوائي

اللي من صجه خسران بسبب تحليل بو عبدالله يتفضل يقدم الدليل على خسارته ... مو بس كلام وشوشرة


.

 

[هنتر سبيد]

اذا كسر ترند النزول ونقطة الدعم اللي هي 206 معناتها خروج من السهم واذا ارتد من نقطة دعمه معناتها اول نقطة مقاومه هي 230 وثاني نقطة مقاومه هي 240 وثالث نقطة مقاومه248
واذا كسرها معناتها تغيير عام في وجهة السهم والله اعلم (وحبيت اقول كلمه لأخوي مكانيكي الله يوفقك وماقصرت انا احد المتابعين لتحليلاتك الفنيه وهي فوق الممتازه وجهة نظر خاصه وشكرا )

 

[الأزدي]

السلام عليكم ورحمة الله وبركاته

هل نقطة 194 يكون الهدف القادم من الممكن بعد ان تجاوز القاع السابق عند 232

والله أعلم ,,,,,,,,,

 

[blashetab]

السلام عليكم ورحمة الله وبركاته

هل نقطة 194 يكون الهدف القادم من الممكن بعد ان تجاوز القاع السابق عند 232

والله أعلم ,,,,,,,,,

185 - 190
و الله أعلم

 

[Q8 Stock]

السلام عليكم

بوعبدالله الله يعطيك العافيه على التحليل
لو تدرس التحليل عدل أحسن من أنك تحدد سعر الدخول والخروج على السهم بسبب المنتديات فيها ناس تجهل البيع والشراء وأذا شافت تحليل تتباشر حتى لو كان من أي محلل فأنت يتبعك أعضاء في الشراء والبيع
فأذا وضعت التحليل أحسب حساب فلوس الناس اللي تتبعك
عن الحلال والحرام
أتمنى أنك تتقبل كلامي بصدر رحب

الله يعطيك العافيه يابوعبدالله
أنت قلت عقارات الكويت الي 270 والسهم كان 248
والحين السهم سعره 218
كل هذا وتقول مافيه خلل في تحليلك
والحين أتقول ايقاف الخساير أقفال تحت 214
أنت متأكد من الأقفال تحت 214 أبيع السهم
طيب وين بيروح بعد 214 أذا بعت

الله يعطيك العافيه يابوعبدالله
بعد الأقفال تحت 214 وين بيروح السهم

وهذا زوم على مشاركتك

قبل هالمشاركه كانت نظرتي من ناحيتك غير

وبعد مشاركه (مستثمر كويتي ) وغلط على أخونا راحالي اللي تعب من وضع الأرباح ولا تشطبون مشاركته

جميع المشرفين موجودين ويشاهدون

الله يسامحكم

وأن شاءالله راح تكون أخر مشاركه لي في هذا المنتدى

 

[الفهلوي]

السهم في قناة نازله وهدفه عند حدود 190 فلس الي 184 فلس

احتمال والله اعلم بأن يرتد من 208 فلس كأرتداد متوقع نتيجة النزول المستمر الي 220 فلس

طبعا اي دخول هو للمضارب السريع وينصح بالخروج منه بسرعه حتى يتضح اتجاهه

لا انصح بالدخول حتى يتجاوز 230 فلس



الفهلوي​

 

[TAKE-OVER]

سهم عقارات الكويت
لا يزال في ترند هابط
واتمنى ان يرتد قبل ان يحقق هدف الترند

 

[ميكانيكي]

هذا شارت اسبوعي

مثلث هابط


كسر الدعم 220

خروج صريح

في حال كسر المثلث الهابط للأعلى الاهداف عالرسم

ولا شرايك بو عبدلله

هدفه 150 فس

بعد مرور بدعومات للسهم

 

[alhilo]

السلام عليكم
اسهم البحر ايفا جيزان عقارات الكويت دوليو م ا لا تحتاج الى تحليل فنى
اسهم البحر محتاجة الى استقالة الفلاح لكى تصعد من جديد
اجتماع لجنة السوق يوم 10 يناير سيحدد بشكل كبير مصير اسهم البحر
اما بالنازل لا سمح اللة او بالعالى وتعويض اغلب المستثمرين والمضاربين لجزء كبير من مبالغهم

 

[*بو عبدالله*]

السلام عليكم

ارتداد متوقع من ال 200 الي يشكل سعر دعم

السهم حاليا عند ال 220

وقد اعطى اشارات دخول على مؤشر ستوكاستك و ار اس اي

مؤشر اي دي اكس بدأ بتعديل مسارة


اعتقد ان الدخول الامن بعد اجتياز المقاومة والاقفال عند ال 228 تقري

والاقفال اسفل منها يعتبر وقف للخسارة

با​

 

[شرياص العديلية]

سهم مضاربة

اشفيك اتخز بوعبدالله جذي ... : )))

قال لك رايح 200 ..

عادي ..

اخذها بصدر رحب ..

انت في سوق الكويت للأوراق المالية .

البحر تجي له عرات يصعد أسهمه 3أيام حد أعلى ..

توقع آخر شهر واحد .. تشوف شي يفرح قلبك .. باذن الله

جزاك الله خير بوعبدالله ... وهم جزاك الله خير يا سهم مضاربه​

مشاركة بوعبدالله 31-12-2007

مسمار بلوح ! ( ذكر الارتداد 200 فلس وفعلا أصاب )

عيني عليك بارده يابوعبدالله ..

ودي أصير نفسك ... بس قاروه قاعد لي قعده

 

[*بو عبدالله*]

مشاركة بوعبدالله 31-12-2007

مسمار بلوح ! ( ذكر الارتداد 200 فلس وفعلا أصاب )

عيني عليك بارده يابوعبدالله ..

ودي أصير نفسك ... بس قاروه قاعد لي قعده

هلا والله عزيزنا شرياص تسلم يالحبيب ما تقصر على كلامك الطيب

موفق خير ان شاء الله

 

[بوناصر10]

جزاك الله خير يابوعبدالله وفيت وكفيت

وان شاءالله يتحقق الهدف
وانت سيف امجرب يالحبيب
اخوك بوناصر

 

[kaka]

ماشاء الله السهم معلق اليوم الله يوفق الجميع
سهم عقارات الكويت سهم ممتاز للاستثمار
بس اعتقد على المدى القصير السهم امامة مقاومة احتمال يرتد منها
المقاومة على 234

أتمنى التوفيق للجميع

 

[بوفراس]

ابشر ان شاء الله


اخي العزيز

حاليا الاقفال تحت ال 214 هو ايقاف الخسارة


اما البيع قبلها اشوف من وجهة نظري خطأ


لان السهم عند الدعم حاليا بالاضافة الى انه كون شمعة دوجي من بعد ترند نازل وممن نشوفه يصعد خلال الجم يوم القادمين


والقرار لك

وبالتوفيق ان شاء االله

الله الي مشي على التوصية وشرا السهم بسعر 246 كما وصي به الاخ بوعبدالله وبعدها عمل وقف الخسارة بسعر 214 ويوم باع السهم نزل شوي وبعدها صعد راح ينتف شعر راسه هذا اذا بقى عنده شعر

بصراحة توصية خاطئه بنسبة 100%​

 

[*بو عبدالله*]

السلام عليكم ورحمة الله وبركاته

حيا الله الشباب

بالنسبة لشارتك اخوي بو سليمان نسب فيبوناتشي ماشية بشكل جميل جدا وحاليا السهم يقف عند المقاومة 255 حسب الشارت المرفق

عموما الاسبوع الياي راح تتضح الرؤية بشكل اكبر وجميع الاحتمالات واردة

طبعا السهم ممكن ينزل يلامس الترند ويصعد والله اعلم



الستوب لوز تحت ال 240



دمتم في رعاية الله


اخوكم

بو عبدالله

الله الي مشي على التوصية وشرا السهم بسعر 246 كما وصي به الاخ بوعبدالله وبعدها عمل وقف الخسارة بسعر 214 ويوم باع السهم نزل شوي وبعدها صعد راح ينتف شعر راسه هذا اذا بقى عنده شعر

بصراحة توصية خاطئه بنسبة 100%​

طويل العمر يا بو فراس

اولا هذي ماهي توصية هذا تحليل

ثانيا بامكانك الرجوع من بداية التحليل وتشوف سعر ايقاف الخسارة 240

اما الاقتباس الي انت حطيته كان بعد تجاوز السهم لكل الدعوم السابقة وكانت احتمالية ارتداده من ال 200 فلس موجودة ولو كان متعديها بنشوف ال 190

عموما هذا ما لدي

موفق خير


اخوك


بو عبدالله

 

[ميكانيكي]

ماسوت عليك بو عبدالله

انا اقول تجاهل

خنكون صريحين

تتوقع صج مشو وشرو على تحليلك ؟؟ ... ولا اهم شارين بالعالي وتقلقصو وحطو الحره فيك ؟؟

اتوقع الاجابه الثانيه

انت سيف مجرب بو عبدالله

الله يجزيك كل خير

 

[بورش]

طويل العمر يا بو فراس

اولا هذي ماهي توصية هذا تحليل

ثانيا بامكانك الرجوع من بداية التحليل وتشوف سعر ايقاف الخسارة 240

اما الاقتباس الي انت حطيته كان بعد تجاوز السهم لكل الدعوم السابقة وكانت احتمالية ارتداده من ال 200 فلس موجودة ولو كان متعديها بنشوف ال 190

عموما هذا ما لدي

موفق خير


اخوك


بو عبدالله

ماقصرت يا بوعبدالله, وانا مع ميكا
التحليل ليس بتوصية, وكل واحد عقله براسه يعرف خلاصه
انت لا محفظه ولا ملياردير عشان ترفع السهم وتنزله, وحطيت الستوب لوز الأولي الي اهوا 240 , وقلت النقطه الثانيه للخروج 214, وفعلا السهم وصل لي 198, ولي قط على 214 وشرى على 198 الي اهوا كان أول ارتداد له, ماعتقد نتف شعر راسه :d

تسلم وكمل مشوارك يا بوعبدالله واحنا معاك ... في النهاية أقولك " جزاك الله خير"