الكويت تنشئ شبكة قطارات بـ 14 مليار دولار

[ahmad2]

الكويت تنشئ شبكة قطارات بـ 14 مليار دولار

الثلاثاء, 4 - ديسمبر - 2007

تبدا الكويت بناء شبكة للقطارات بطول 400 كيلومتر وبكلفة 14 مليار دولار العام المقبل، وتضم شبكة ترانزيت سريعة في مدينة الكويت، وخطا مزدوجا محليا للقطارات يصل إلى الحدود السعودية والعراق.

ولم يتم الإعلان بعد عن مقاولي المشروع التي يتوقع أن تموله الحكومة.

وفق ما جاء في تقرير لصحيفة «وول ستريت جورنال» بعنوان «التوسع في اقامة الخطوط الحديدية في الشرق الأوسط»، في اطار ما وصفته الصحيفة الأميركية بالتوسع الحضري السريع، والفورة الاقتصادية المطردة، اللتين تدفعان باتجاه إطلاق سلسلة من المبادرات في منطقة الخليج، إحدى أهم المناطق في العالم التي تفتقر لخدمات النقل بالسكك الحديدية.

وذكر التقرير ان هناك مشاريع بأكثر من 50 مليار دولار يتم التخطيط لها في منطقة الخليج بحلول عام 2020 لإقامة خطوط السكك الحديدية والمترو.

وتخطط السعودية لإنفاق ما مقداره 30 مليار دولار، حتى عام 2020 على توسعة شبكة السكك الحديدية بأكثر من 3 آلاف كم.

أكيد نفس مدينة الحرير مشاريع على الورق لن ترى النور .

 

[باكه]

اي يمعود خل يسوون قطارات الواحد باكر يبي يمر ديوانية بمدينة الحرير وهو بيته بالخيران من خلق يسوق بالسروة ××! خل يسوون قطارات يبه خل يستانسون الورعان

 

[mod]

الكويت تنشئ شبكة قطارات بـ 14 مليار دولار

الثلاثاء, 4 - ديسمبر - 2007

تبدا الكويت بناء شبكة للقطارات بطول 400 كيلومتر وبكلفة 14 مليار دولار العام المقبل، وتضم شبكة ترانزيت سريعة في مدينة الكويت، وخطا مزدوجا محليا للقطارات يصل إلى الحدود السعودية والعراق.

ولم يتم الإعلان بعد عن مقاولي المشروع التي يتوقع أن تموله الحكومة.

وفق ما جاء في تقرير لصحيفة «وول ستريت جورنال» بعنوان «التوسع في اقامة الخطوط الحديدية في الشرق الأوسط»، في اطار ما وصفته الصحيفة الأميركية بالتوسع الحضري السريع، والفورة الاقتصادية المطردة، اللتين تدفعان باتجاه إطلاق سلسلة من المبادرات في منطقة الخليج، إحدى أهم المناطق في العالم التي تفتقر لخدمات النقل بالسكك الحديدية.

وذكر التقرير ان هناك مشاريع بأكثر من 50 مليار دولار يتم التخطيط لها في منطقة الخليج بحلول عام 2020 لإقامة خطوط السكك الحديدية والمترو.

وتخطط السعودية لإنفاق ما مقداره 30 مليار دولار، حتى عام 2020 على توسعة شبكة السكك الحديدية بأكثر من 3 آلاف كم.

ان دخل القطار راح يدخلون معاة 6 ملاين نسمة الحين موخالصين من حرب الشوارع هدور حرب سكك الحديدية .
اللهم لك الحمد على نعمك التي لا يحصيها غيرك .

 

[1st choice]

ليش قويه..؟!

القطار و بيسوونه

و نوط بو 1000 هذا هو قاعد يكلمك

ناقص نرجع داخل السور و تصير الكويت 100 طبقه

جارك فوق جار جارك فوق جار جار جارك..الخ

حلوة...

 

[sultan2007]

ايقولك الكويت بيسووونها طبقات (100 طبقة )

ايقولك الكويت بيسووونها طبقات (100 طبقة )


اذا حجت البقر على اقرووونها .....


مستوصفات ومستشفيات البنجلاديشي اولى منك يضبط حاله فيها
ليش لان المستشفيات مهجورة من الناس الهاااااي وخلوها للفتات
من جذي البنجلاديش والوافد اولى منك ايعرف ايضبط نفسه تبي الحين قطارات

اللهم لا شماته

 

[abualbanen]

أناأقول ديرة بطيخ00000وشكرا

 

[ahmed18]

يمكن متخصص تركيب قناة المجد..؟! :d

يركب كل القنوات لان المؤذن اليوم مهنة و ياخذ راتب عليها مو مسالة تدين
, قبل جم يوم صادوا 2 فى مركز تحفيظ القران يبيع مخدرات (القبس)

 

[Night-Arrows]

اول شي خل يسون مطار مثل الاوادم بعدين خل يسون قطارات

 

[شعيب]

جامعة الكويت مشروع الشداديةصار له اكثر من عشرين سنة ولحد الان ما سووا التصاميم !!! مسويين سور حديد المتر مايسوى 7 دنانير مع كونوكاربس يقولون التكلفة 5 مليون دينار !!!! والحين قطارات!!! خل يعدلون الدائرى السابع أول......

 

[nabeels8]

مساء الخير

هذا حلم وهذي أحسن طريقة حق البوق​

 

[الشاعر]

وكالة يقولون ..!

يقولون إن سامي البدر راح يدخل في مناقصة القطار بشركته اليديدة .., شركة القطارات للجمبزة ...

و أنصح ملاك المجموعة الدولية التمسك بالسهم لأنه أمامهم صيف ساخن جداّ جداّ .. و طوووووووووووط طوووووووووووط ياكم القطار ..!

 

[Master-Leo]

انا ودي أعلق بس ماشاءالله ماخليتولي شي عشان أطنز

ماقول الا خير ان شاءالله يبا آبلوني اذا خلصوها قبل سنة 2020

 

[مضارب شجاع]

انا اتوقع حتى لو يسون قطار هم راح تحوشه الزحمه وراح يتعطل فى كل محطه بسبب نوعة الوافدين وبعضهم يركب من غير فلوس او يطلع لك بنغالى يقول بابا انا ما فى معاش
او يطلع صعيدى يقول انا ما عنديش فكه اعمل ايهههههه بأه .....

 

[ولد البورصه06]

شذب اب شذب اي والله

من متا وهم اقولون هل حجي ولا صار شي صج ماعليك شذب واذا بتتنفذ راح اتكون بداية 3333 م ويمكن بعد ؟؟؟؟؟؟؟؟؟؟؟؟

 

[خوش خبر]

سؤال

ما شاء الله حليتوا كل المشاكل وحوادث الطرق اللى كل يوم شباب يموتون من السرعه والسياقه المتهوره وباجر تعال شوف مقاوم مع القطار منو يسبق ومنو يوصل الاول .
سؤالى اذا صار وتحقق الحلم وصار عندنا قطار منو الدريول مال القطار ؟؟

 

[garmin]

الله يعينه القطار ..راح يتشلخ مخالفات من الكاميرات المنصوبه على طول الخط السريع ..على الأقل قطار زين ..بس خل يسوون فيه كباين ..وشيشه ..و...... بس ماقالوا التذاكر على جم ..ومن حقه القطار ..

هههه نكته الموسم الكويت بتصير كلها قطارات سيارت ممنوع ..


بوفواز

 

[جمبازي]

400 كيلو متر = 400,000 متر


14,000,000,000 (مليار دينار )


14,000,000,000 دينار ÷ 400,000 متر =35,000 دينار (للمتر الواحد )


35 الف دينار للمتر الواحد ....


السكه عباره عن ..خط ..ذهب ..مرصع بالجواهر والالماص

 

[ياقوت]

​

 

[baselko]

الحين خلصوا مشروع دوار الجوازات وبعدين فكروا تسوون قطارات ... قال شنو قال قطارات بالمشمش

 

[قاروه]

400 كيلو متر = 400,000 متر


14,000,000,000 (مليار دينار )


14,000,000,000 دينار ÷ 400,000 متر =35,000 دينار (للمتر الواحد )


35 الف دينار للمتر الواحد ....


السكه عباره عن ..خط ..ذهب ..مرصع بالجواهر والالماص

بوعبدالله قل تم !

نشيل سكك القطارات الي جدام بيوتنا ونبيعهم على الحكومه مره ثانيه بنص السعر

شقلت