لاندكروزر Vxr

[الـــوافـــي]

للبيع سيارة لاندكروزر Vxr موديل 1998

السياره جيده جدا اللون رمادى من داخل رصاصى وارد الساير الوكاله كامله المواصفات .. ماشيه 320 الف صبغ الوكاله.. للجداين فقط

 

[jassem777]

السلام عليكم


كم طالب فيه

7055224

 

[اهم1]

السلام عليكم


كم طالب فيه

 

[احمد 1976]

اخوي ارسل الرقم على الخاص لاني شراي بس لازم اشوف السيارة

 

[العساف7777]

اذا اشترى الاخ احمد الله يباركله واذا لم يشترى كم طالب فيه

 

[احمد 1976]

اخوي شنو صار على السيارة اسوم باربعة الاف

 

[Fishta]

للبيع سيارة لاندكروزر Vxr موديل 1998

السياره جيده جدا اللون رمادى من داخل رصاصى وارد الساير الوكاله كامله المواصفات .. ماشيه 320 الف صبغ الوكاله.. للجداين فقط

اووووووف غلطان دور العالم 5 مرات ههههههههههههههه

 

[الـــوافـــي]

اشكركم جميعا ولكن هاذا مو السعر لانه من جد سياره جديده

 

[احمد 1976]

أخوي كم تبي السيارة
6823254
اذا بياع ابي اشوف السيارة

 

[مرور الكرام]

4100 بعد الفحص والمعاينة

 

[الـــوافـــي]

السياره وصلت سعرها حاليا 5000 دك

وعلى فكره تونى مسوى لها تصفيه كامله ومركب لها تواير جديده والوصلات موجوده عندى..

 

[الـــوافـــي]

للرفع

وانا مو بعيد من السعر

تحياتى..

 

[UNIX]

ماشية 320 ألف؟

أنصح المشتري بفحص كفاءة المحرك و كم متبقي من عمره.

و أدعوا الله أن يوفق البائع.

 

[الـــوافـــي]

اخوي كفاءة المحرك بحدود 50%
وعلى فكره مو شرط إذا كانت السياره ماشيه واجد تكون مو نظيفه والدليل على ذلك اعتقد شفتوا الكامري اللي ماشيه مليون كيلو وحطوها الساير بأرض المعارض وشنو كانت حالتها .

وياما سيارات مو ماشيه وتلقاها مكروفه كرف ...

وشكراً

 

[الـــوافـــي]

للرفع

 

[UNIX]

320 ألف كيلو تقسيم 9 سنين تقسيم 365 يوم = 96 كيلو يومياً

يعني كأنك تروح فيها من القرين الى العبدلي كل يوم و ترجع.

أنصحك تبيعها على السوم 5000 دينار لأن ما راح تييبلك أكثر و اللي سامها ما يدري وين الله حاطهه.

ب 5000 دينار أدفعها للساير دفعة أولى و أشتري لاند كروزر يديد و أقساطي ما تتجاوز ال 150 دينار.

و بالتوفيق ياخوي ببيعته.

 

[الـــوافـــي]

320 ألف كيلو تقسيم 9 سنين تقسيم 365 يوم = 96 كيلو يومياً

يعني كأنك تروح فيها من القرين الى العبدلي كل يوم و ترجع.

أنصحك تبيعها على السوم 5000 دينار لأن ما راح تييبلك أكثر و اللي سامها ما يدري وين الله حاطهه.

ب 5000 دينار أدفعها للساير دفعة أولى و أشتري لاند كروزر يديد و أقساطي ما تتجاوز ال 150 دينار.

و بالتوفيق ياخوي ببيعته.

مشكور اخوي على المشاركه ولكن انا ابي ارد عليك واقولك .... انت من وين تجيب الكلام اللي تقول عنه إنك تقدر تقدم 5000 دينار في لاندكروزر جديد من الوكاله وقسطك مايتعدى ال 150 دينار ..... انا دشيت على حسبة بيت التمويل الكويتي الخاصه بالأقساط وجربت الحسبه .... واتركك مع الصوره اللي تبين التفاصيل... وعلى فكره قبل لا احسب حطيت إن راتبي عليهم يعني العموله اقل من اللي راتبه مو عليهم لا وبعد حطيتلك دفعه اخيره بعد ...ويمكن بترد وبتقول انا قصدت لاندكروزر جديد GXR ... ولكن انا سيارتي VXR... يعني حسبتلك على ال VXR .... مثل سيارتي ...على العموم لو تقسم 320 الف كيلو على 9 سنوات مثل ماقلت تطلع السياره ماشيه بالسنه 35555 يعني اعتقد مشي طبيعي بنظري ...ومو مبالغ فيه

تسلم اخوي على المشاركه وعلى فكره احب الشخص اللي مثلك يناقش بمثل هذي الأمور .... لاتفهم قصدي إنه مجرد إستهزاء .. لا والله انت عزيز وغالي ... والإختلاف بالراي لايفسد بالود قضيه ...

وتقبل تحياتي

 

[UNIX]

اي أنا أقصد ال Gx اللي اهو مواصفاته أعلى من ال Vxr اللي عندك.

أضف الى ذلك حسبة بيتك في موقعهم مو صحيحة.

احسب 35555 تقسيم 365 يوم بالسنة = 97.4 كيلو باليوم ، يعني من الحدود الى مدينة الكويت
كل يوم

و عسى الله يوفقك بالبيعة.

 

[الـــوافـــي]

جزاك الله الف خير

 

[سوق خضرة]

من العبدلي للجهراء 105 كم


ومن الجهراء الى مدينة الكويت 30 كم


للعلم

وعجبني موضوعكم