متابعه تداول اول يوم لسنه 2008 الاربعاء2/1/2008

[Q8 Stock]

قطاع الاستثمار هو اللي ضاغط السوق
248 نقطه نزول,,,!!!

البنوك اخضر 92

 

[الساحل]

ماعندي علم الساحل
يمكن الفهلوي نفسه

بعدين بيني وبينك
حنا متحاملين على الفهلوي
وندور الزله عليه

لا بوعلي القصد

الفهلوي ذكر التوصيه وبعدها حط مشاركه وحده (مبروك 540) ومن يومها لاذكر ان التوصيه لم تحقق الهدف ولا ايقاف الخسائر وانصدم بعدها باغلاق الموضوع بدون اي تعليق

 

[Believer]

أخي الحبيب

السهم مطبق نظرية الهاي السنوي

مو بس هاي سنوي، أعلى سعر له على الإطلاق لذلك متوقع له هذا الارتفاع

مشكلة هذه النظرية أنه لايمكن تحديد السعر المستهدف بصورة واضحة

ما عليك سوى أن تبحث عن النماذج فيه وتتابع مجموعة المؤشرات إللي تناسب وضعه

................................

للمزيد عن نظرية الهاي السنوي الرجاء البحث عنها بموضوع كتبه أخونا بوعمر (وسيم العمودي)

نك نيم: waseem

تجدها في قسم السوق الأمريكي

مو المشكله إنه كسر الهاي التاريخي له ... فهني يستحيل على قدر معلومات تتنبأ وين بيوقف ووين أهدافه ... مشكور على النصيحه وإن شاء الله بشوف موضوع الأخ بو عمر واستفيد منه ....

 

[vartona]

q8_chamber
ما عليك الا العافية ناجح ان شاء واحد احد انت طيب واحليو بس عاد ماادري درست و الا ما درست بس ان شاء الله ناجح

 

[*بو عبدالله*]

بوعبدالله السهم من كنت أشوفه تحت 500 وقاعد أقول ودي أخذ فيه

استثمار وآخذ ارباحه بس انا ادري بروحي مافيني صبر عجول أحب المضاربه

مو مال إستثمار بس السوق هالسنه اثبت ان بوقت الصعود المستثمر على

المدى القصير/المتوسط حصل ربح أفضل من المضارب بس طبعا على

حسب نوعية الأسهم

انا الحمدالله طلعت منه خوش ربح واساس دخولي كان كمستثمر بايام ال 520 بس بعدينشفت كمؤشرات اني استفيد من ووقت ثبات السهم واخر طلعه لي من السهم بال 740 وكنت برجعله بس للاسف تدبس بعد الطيحة الاخيرة للسوق واسهمي غير قابلة للبيع

 

[*بو عبدالله*]

الله يوفقك بوعبدالله

مره ثانيه اذا كتبت تحليل ولا توصيه
اكتب الارقام بخط عريض :d :d

صاج يا بو علي ضروري اصلا

 

[النــاقــد]

الساحل

توني مستلم الـ Ego 7.2Mbps الحين بجربه

ها بشر ؟

اشلونه ؟

تنصحنا فيه والا خرطي ؟

 

[Master-Leo]

اكثر الصفقات حاليا على سهم نور شراء على 520

 

[Surrawi 3jeeb]

ها بشر ؟

اشلونه ؟

تنصحنا فيه والا خرطي ؟

الصراحة طيارة

الحين شابك عليه

 

[الشامري]

مو المشكله إنه كسر الهاي التاريخي له ... فهني يستحيل على قدر معلومات تتنبأ وين بيوقف ووين أهدافه ... مشكور على النصيحه وإن شاء الله بشوف موضوع الأخ بو عمر واستفيد منه ....

ممكن ترجع لنقاطه الحرجة القديمة

بس مع بيت التمويل الخليجي ما ينطبق هالكلام لأن يسبح في فضاء جديد

........................................

q8_chamber انت تدرس؟

 

[Surrawi 3jeeb]

ما أدري ليش بس عندي احساس ان اسهم البحر بتسكر مرتفعة

مجرد احساس

 

[alshammery]

احليتى قبل دقائق كان فى طلبات 1300 و1320 مليون وشوى وشالوا الطلبات ليش

 

[Master-Leo]

ممكن ترجع لنقاطه الحرجة القديمة

بس مع بيت التمويل الخليجي ما ينطبق هالكلام لأن يسبح في فضاء جديد

........................................

q8_chamber انت تدرس؟

اخوي الشامري لو تكلمنا بالعكس يعني السهم محقق نزول تاريخي سنوي

مثلا هل هذا كفيل بأن يعطيك اشارة خروج صريحة لأنك ماراح تكون عارف

كم ممكن ينزل أكثر خاصه لو ماكان في نموذج سلبي مبين بالشارت السنوي ؟

سهم مثل الرابطه مثلا ولو اني ماشفت الشارت بس هذا اللي في بالي ان

نزوله هو الأعلى في السنة

 

[ابو هاجر**]

صباح الخير
المؤشر مسوى قيعان صاعدفاصل نص ساعة عند
1- 12419.8
2- 12424.2
3- 12442.3المحافظة عليها وتكوين قاع صاعد اعلى منها لغاية 11.30 لاتكسر

 

[بوقاسم]

يا جماعة فيه خبر

‏
8:35:31 ِ.اجتماع الجمعية العمومية لشركة نور للاستثمار المالي
في 2-1-2008‏
يعلن سوق الكويت للأوراق المالية بأن الجمعية العمومية العادية
وغير العادية لشركة نور للاستثمار المالي سوف تنعقد اليوم الاربعاء
الموافق 2-1-2008‏
في تمام الساعة 11 صباحا في وزارة التجارة والصناعة حيث سيتم خلالها ‏مناقشة توصية مجلس الادارة بزيادة رأس المال بنسبة 50% بقيمة اسمية 100 فلس كويتي للسهم الواحد مضافا اليها علاوة اصدار قدرها 300 فلس للسهم الواحد وذلك للمساهمين المسجلين بسجلات الشركة بتاريخ انعقاد الجمعية العمومية .‏

 

[vartona]

يعطيك ألف عافية ابو هاجر طيب ان شاالله

 

[Ugly]

صبحكم الله بالخير ها اشلون الوضع اليوم انا اكتتاب مجتفني وقاعد!

 

[الشامري]

اخوي الشامري لو تكلمنا بالعكس يعني السهم محقق نزول تاريخي سنوي

مثلا هل هذا كفيل بأن يعطيك اشارة خروج صريحة لأنك ماراح تكون عارف

كم ممكن ينزل أكثر خاصه لو ماكان في نموذج سلبي مبين بالشارت السنوي ؟

سهم مثل الرابطه مثلا ولو اني ماشفت الشارت بس هذا اللي في بالي ان

نزوله هو الأعلى في السنة

نعم

معظم النماذج والنظريات قابلة لأن يكون لها وجه آخر معكوس

أما بالنسبة للرابطة، فشارته من أسواء الشارتات إللي شفتها مؤخرا (ذكرني بأسهم البني ستوك)

لكن في حالته تقدر ترجع لبياناته القديمة على الرسم، راح تشوف إنه داخل منطقة دعم (support zone)

..................................

عموما

في حالة نظرية اللو السنوي، هذا يعني إن السهم قاعد يكسر دعم ورا الثاني

المتداول يجب ألا يسمح لنفسه أن يحتفظ بالسهم متى ما وصل لنقطة وقف الخسارة (stop loss)

 

[ابو هاجر**]

عدم كسر 12450.7 وتجاوز 12477.7 الهدف 12504.7 فاصل 10 دقايق
توقع والله وأعلم

 

[Master-Leo]

نعم

معظم النماذج والنظريات قابلة لأن يكون لها وجه آخر معكوس

أما بالنسبة للرابطة، فشارته من أسواء الشارتات إللي شفتها مؤخرا (ذكرني بأسهم البني ستوك)

لكن في حالته تقدر ترجع لبياناته القديمة على الرسم، راح تشوف إنه داخل منطقة دعم (support zone)

..................................

عموما

في حالة نظرية اللو السنوي، هذا يعني إن السهم قاعد يكسر دعم ورا الثاني

المتداول يجب ألا يسمح لنفسه أن يحتفظ بالسهم متى ما وصل لنقطة وقف الخسارة (stop loss)

كسر الدعم الأول بالنسبة لي وقف خسارة على طول خاصه اذا تم الاغلاق تحته لأني مضارب سريع والله يبعد الخسارة الجايده عن الجميع

مشكور اخوي الشامري ماقصرت اجابه شافيه ووافيه والله يعوض مساهمي الرابطه وغيرها قريبا بأذن الله