Master-Leo توصيات + تحاليل + مضاربات .... 4

[Master-Leo]

صباح الخير شباب ليووو اشرايك في صكوك

شسالفة الناس كلها تبي صكوك

تنشرى للمضاربه حاليا مابين 122-128 والبيع قبل 142 ولو اني أفضل الابتعاد عنها

 

[بوزييز]

دعم 1080 مقاومه 1140 - 1180 -1260 المؤشرات ايجابيه

يعطيك العافيه اخوي ليووووو ​

 

[kndor]

يا اسد المنتدى ولا عليك امر
المجموعه الدوليه شنو وضعها فوق تحت

 

[كويتي بايعهاا]

ليووو شنو السهم اللي يستاهل الواحد يضارب فيه

 

[يقولون]

مشكور

الدعم حاليا 470 بالتوفيق ان شاءالله

مشكوووووووور يا العود خذيت بالسبعين امس واليوم ما عطوني الا عشره بال75 وقاعد انطر يمكن ينزل عشان نشتري صراحه مابي ادش على 80

 

[CPA]

والله ياحلو ماكو اخبار جديدة عنها بس توقعي إن البحر قاعد يبيع أسهم

ماعتقد إنها له أو ان طالعه عليه بالنازل فماعنده مشكله يسيل ويرد ياخذها

بسعر أنزل والنصيحة انك تدش عليها من تبتدي تشوف الجروب كله اشتغل

اخي الكريم يعني تقدر تدخل على السهم اليوم بعد ما صعد 8 فلوس ووين اهدافه
ولك جزيل الشكر

 

[adel1968]

ليو حبيبي شنو وضع المنتجعات ما يامر عليك عدو يا الغالي

 

[بوعبدالله _ 66]

حبيب الكل ماستر ليو ....

ابي اسأل عن اسمنت قوين....بعد تداول اليوم......

الله يوفقك ويرزقك...وبارك الله فيك على المجود الطيب....

 

[ان قام حظك]

اخوى ماعليك امر (مبرد) الدعم والمقاومة , ووهل تصلح للأستثمار ولا المضاربه

 

[Master-Leo]

ان شاءالله أي استفسارات أبدأ من يوم الجمعه أرد عليها اذا الله احيانا وياكم عطلة نهاية اسبوع سعيده للجميع

 

[blashetab]

مبروك ماستر على الصفحة
تعمير خ وين هدفه القادم

 

[الحيدر911]

اخواني الاعزاء ماستر ليو وميكانيكي
ممكن تحليل لسهم نور مع الشارت اذا امكن
وشاكر لكم جدا يالطيبين

 

[CPA]

ادري اني اذيتك اخوي
المال شنو وضعها

 

[الأريش]

المجموعة وغراند لو سمحت ما هي مؤشراتهم

 

[سعسعالعود]

العضو المميز جدا Master-Leo ممكن سؤال :-

- بما اننا على ابواب اقفالات نهاية السنه ممكن تفيدنا اذا عندك معلومات عن اقوى شركه بتوزيعات الارباح ؟

- يجزاك بالفال الطيب.

 

[آفة السوق]

ماستر ليو يعطيك العافيه

أخوك باع المدينه بخساره و عوضت ببيتك 45% من خسارتي

يعني بإختصار الكاش موجود وإيدي تحكني على عارف اليوم كل مايقطون على 520 يطلب زود لين صار الطلب مليون وسكر على 530

تنصحني أدش 530 أو أنطر ينزل 510 <------ ( ولا مالي أمل )

وشكرا​

 

[بورصة نت]

اخوي ليو !! شرينا

الحمد لله حصلنا اليوم القرين ب 435 وين البيع وبشنو تنصح حق يوم الاحد:d

 

[alhilo]

السلام عليكم
حبيب الشعب ماستر ليو كل ما اسالك عن سهم تعطينى الاجابة 100 % وللة الحمد
ما خسرت للان بسهم سالتك عنه طبعا هذا بفضل اللة ثم انت
اذا ممكن بنك الاهلى علما بانى اخذته ب 1400 وسكر 1320 +ادنك ماخذها على 158 هل لها صعدة وين اهدافها واكون لك من الشاكرين

 

[Dr.F]

السلام ...اخوي ماستر ليوو..يعطيك الف عافيه...شنو وضع نور..؟ بعد الموافقه على زياده راس المال؟ للعلم انا شاري على 620 اشتنصح فيه...وجزاك الله خير..

 

[الطير القطامي]

---------- اخوي ليو ماتعتقد ان السوق راح يكون نازل بالفتره القادمه بسبب توزيع الارباح السنويه

ولا انا غلطان بتوقعي هذا,,,,,,,,,, وياليت تعطينا تحليل بسيط لسهم الصفوه واجيلتي