تأثير حل مجلس الأمه على السوق

[faranci10]

سؤال مهم
ما هو تأثير حل مجلس الامه دستوريا على السوق هل هو تأثير سلبي أم إيجابي .........

 

[الفال الطيب]

ايجابي 100 % .

 

[صاحب القلم]

سوف يصبح السوق لاصحاب القرار والتجار

 

[بوخمسين]

راح يولع السوق فووووق

 

[بوفراس]

ان حلوا المجلس بصير العيد عيدين

العيد الاول بانهم حلوا المجلس وريحوا الشعب الكويتي من هلاعضاء الفاشلين ومن هلمجلس الفاسد

والعيد الثني هو ارتفاع البورصة وتمرير القوانين الي منعها المجلس والي هي من صلب تحويل الكويت الي مركز اقتصادي

 

[bo-sahm]

قولوا يا رب وإدعوا معانا على حل المجلس
وان شاء الله عاجلاً وليس أجلاً

 

[خبير النفط]

يمكن كلامى ماراح يعجب الكثيرين لاكن يمكن اذا حل المجلس راح تربحون فلس او فلسين او راح ترتفع قيمه محافظكم من الاسهم لاكن البلد راح تسرق عن بكره ابيها وراح تنهب ثروات البلد لان حراميه مابعد الغزو اجشع من حراميه ماقبل الغزو ومثل مايقول المثل الله يحلل الحجاج عن اولده

 

[قنوع ؟]

الله يستر علينا ويحفظنا

اللهم احفظ الكويت وشعبها من كل مكروه

 

[الفارس الجسووور]

الله يستر علينا ويحفظنا

اللهم احفظ الكويت وشعبها من كل مكروه

خير ماقيل بهالموضوع والله

 

[bo-sahm]

يمكن كلامى ماراح يعجب الكثيرين لاكن يمكن اذا حل المجلس راح تربحون فلس او فلسين او راح ترتفع قيمه محافظكم من الاسهم لاكن البلد راح تسرق عن بكره ابيها وراح تنهب ثروات البلد لان حراميه مابعد الغزو اجشع من حراميه مابعد الغزو ومثل مايقول المثل الله يحلل الحجاج عن اولده

الله اكبر
والحين مافي سرقات كلش ولا في لعب وتخبط و مصالح شخصية ضيقة(مو حزبية بعد ولا قبلية) بل شخصية بحتة - وأعتقد الكلام ما يحتاج بس تابع جلسات المجلس

يا معود الشق عود شتقول شتحجي
على الأقل خل يحلون المجلس -صح إحتمال كبير ترجع الأحوال بعد فترة- بس لعل وعسى يرتفع السوق ونبيع ووقتها لا تقول انطر السوق بيرتفع والسهم الفلاني بيصير جذي وجذي
لا بيع بالوقت المناسب وانطر تشكيل المجلس الجديد والحكومة الجديدة -لا كن اذا صار حل للمجلس ولم يدعى للإنتخابات (حل غير دستوري) فهناك كلام ثاني

 

[خبير النفط]

[Qيا معود الشق عود شتقول شتحجيUOTE][/QUOTE]

اذا الشق عود مثل ماتقول عيل انطر وشوف اذا حل المجلس كيف يكون الشق الى ماله اول ولا اخر ولاتنسا ان تضارب المصالح يولد الاتزان لاكن اذا كان فى طرف واحد راح نروح بداهيه وما راح نلقى من يوقف الحراميه وكل الآسى السابقه سببها حل المجلس وما صار من بلاوى فى تلك الفترات
ولا تخلى الرغبه فى تحقيق ربح بسيط هاجسك الاكبر حتى لو ضاعت مقدرات الشعب عن بكره ابيها .

 

[caca]

السلام عليكم

غريبه والله البورصة اهم من الكويت نفسهااا...
ولا فى اى اعتبارات ثانيه بس البورصة ...
طغت المصلحه الخاصة على المصلحه العامه....
الى يسمع بعض الاخوان يقول حكومتنااا مافى مثلهاا هم الحكومه عليهاا ملاحظات واجد ....
لا يصير الواحد تفكيرة ضيق نبى الاصلاح من الجهتين ....
يا جماعه تذكروو سرقة الناقلات والمديونات الصعبه وشركة امانه لتخزين راس المال 50 مليون ولمى قيموهاا طلعت بالمليارات وغيرهااا...
نبي الاصلاح مو اقصاء احد الطرفين ...

 

[الوافي ابو محمد]

الديرة كل مالها ترجع للوراء ويكرة حتي بنغلادش بتصير أحسن منا تري الشركات والتجار إستثماراتهم في الخارج والسبب إنعدام الثقه في الحكومة المتلاعبة والكويت بلد طاردة للأستثمار وعند حل مجلس الأمة راحت الأموال أشكرة دون رقيب أو حسيب

 

[البواردي]

عسى الله يستر بستره على هذي البلد
اللي له نصيب بهالسوق بياخذه سواءً حلو المجلس ولا ما حلوه
اهل الشركات اهم اللي يحركون اسهمهم واحنا اللي نشوف النتايج
اللي يحرك اسهمه تحت فهذا راح يخلي المتداولين يتحسبون عليه
واللي يصعد اسهمه فوق هذا يدعوله المتداولين

 

[jamalll]

الديرة كل مالها ترجع للوراء ويكرة حتي بنغلادش بتصير أحسن منا تري الشركات والتجار إستثماراتهم في الخارج والسبب إنعدام الثقه في الحكومة المتلاعبة والكويت بلد طاردة للأستثمار وعند حل مجلس الأمة راحت الأموال أشكرة دون رقيب أو حسيب

عزيزي ومنو قال لك ان نواب المجلس محل الحسيب والرقيب؟؟؟
نوابك فشلة جهلة مصلحجية قبلية طائفية وكل واحد من النواب يعزف على التيار اللي ينتمي له سواء قبلي او حزبي وغيره

نوابك قاعدين يتكلمون ويجادلون في مواضيع تافهه اللي لمن تسمعها تضحك؟؟
مثال: الحكومة تعين وزير جديد في وزارة للأصلاح والاصلاح يحتاج مو اقل من سنة فتشوف بعد ايام من تولي الوزير حقيبة الوزارة تشوف بالجريدة وبالبونط العريض تهديد بالمنصة والاستجواب اذا ما مسكت وزارتك؟؟؟؟؟؟
شنو هالعقلية والكلام الفاضي؟؟ شنو هالمستوى ؟؟؟

عزيزي كل نائب ورا مصلحته وكثرة الجدال السخيف والتافه اخر الديرة 100 سنة ورا!!!!
روح مطار قطر- الدوحة علشان يحترق قلبك لمن تدش مطارهم وتشوف لافته كبيرة مذكور فيها:
كويت الماضي - دبي الحاضر - قطر المستقبل

يا ماضي

حسافى اني انتخبت المرة اللي فاتت، المرة اليايه بالشلووت
علشان لا يوقف واحد من الاعضاء ضد الشعب بعدة مواقف امثال!! وغيره وغيره
روح شوف مواقفه كلها ضد الشعب بس زين احد المواطنين رد عليه بأن لو كان الموضوع اسقاط ديون العراق جان اول واحد صوت بالايجاب
ولكن عند طرح اسهم بنك جابر ببلاش للشعب توقف ضد الشعب وتقول الشعب الكويتي مو محتاج!!!!!

وفوق كل هذا النواب مطالبن بزيادة رواتبهم؟؟؟ على شنو؟؟ على التأخر اللي وصلتلها الديرة!!!

انا اقترح ندز النواب دورة الى بريطانيا لحضور مجلس النواب البريطاني علشان يتعلمون شلون يرتقون الى مستوى نواب

 

[faranci10]

أنا اعتقد بأن مجلس الامه راح ينحل دستوريا في يوم استجواب الصبيح والسوق ينزل لمدة يوم او يومين وبعدين راح ينطلق بالعالي وهذا مجرد توقع