للمتابعة blti , pra

[ابو رواف]

........ X ..........

الدخول على سعر الاغلاق +/- 1%

blti ممكن يجيب 4% شرعية

pra ممكن يجيب 3.5% شركة تأمينات


طريقة اكس , المدة 5 ايام النسبة 4% .


للمتابعة فقط .

 

[ابو رواف]

vcp على سعر الاغلاق امس . ممكن يجيب 5% خلال الاسبوع الجاي , وممكن اكثر بكثير لو تصبر علية اسبوعين او 3 .

 

[الدانة]

ارجو التوضيح لو سمحتوا .. 4% من شنو

يعني أنا شريت بسعر 1.5 $ هل النسبة تجي من هذا السعر لو من شي ثاني ...

1.5 * 04. = 06.

يعني ابيع على سعر 1.56 $ ( الكمية 1000 سهم )

يعني ربح 38 $ بعد خصم العمولة

هل هذا مجزي ربح مجزي ؟ و هل الكمية هنا مناسبة ؟

شكرا لكم

 

[ابو رواف]

1000 سهم .!!!!


لية شاري كرتون خيار ؟!!

اقل كمية للدخول هي 60 الف سهم علشان احصل مبلغ 2000 دولار ربح صافي .!!


غير كذا كم نسبة الربح الي تتوقعين انك تحصلينها في هذا السوق ؟!!

 

[الدانة]

اشدعوه عاد ... 260000 سهم .. والله انك جامد يا خوي ..

توكم تقولون لا تطبوا في هالأسهم بثيابكم ...و الحين تقول بهذا العدد !!

يعني ادش و اشتري بـ 300000 $ علشان اكسب 2000 $

و ايضا اخي العزيز : النسبة هي نفسها النسبة .. اذا كنت تشتري بـهذا المبلغ و تاخذ هذا الربح ... و غيرك ياخذ بمبلغ صغير و ياخذ نفس نسبة الربح فالحال واحد ...
الله يوفق الجميع إن شاء الله .. ويبارك لك في فلوسك و ربحك .. و عساه من زود إلى أزود ... وكل ما تربح من الأمريكان نفرح لك أكثر و أكثر ...

و على فكرة كان ذلك مجرد مثال ..
سؤالي .. هل أنا حسبت النسبة صح أم لا ؟

مشكور ..

 

[ابو رواف]

260 الف سهم ؟!!

المقصود 60 الف سهم .

حسبتك صحيحة , وقضية النسبة هي كأنك مستحقرة 4% ؟!!

 

[الدانة]

والله يا خوي ماني مستحقرة النسبة 4 % .. و قليل مستمر خير من كثير منقطع ...

يا ابو رواف ... عزيزي ... انا توني جديدة في هذا المجال و اتحملوني شوي ...

انت قلت 260 الف سهم تعني 60 الف سهم ... كيف ؟
هل هذا مصطلح في عالم الأسهم ؟ ارجو الافادة ..

اخاف واحد يوصي بهالعدد اقوم اشتريه ..ههههه