سؤال مهم لاصحاب الخبره

[bannay]

السلام عليكم وؤحمه الله وبركاته ..... الى جميع الاخوه في هذا المنتدى الجميل... جزاكم الله كل خير على ما تطرحونه من مواضيع شيقه ومن توصيات تشكرون عليها ... السؤال اللي محيرني .. قبل سنتين تقريبا شريت اسهم عن طريق حساب في بنك الكويت الوطني والاسهم هي insp .. weps ونسيتهم ونسيت الحساب ونسيت الرقم السري للحساب واليوم webs مو موجود كل ما اكتب عنه يطلع لي كلام ما فهمته بس الظاهر انه الشركه فلست او شي ... وبالنسبه ل insp فانا شاريه ايام كان سعره 5 دولار وبنفس الحساب ... شلون اقدر ابيعه الحين ... افيدونا الله يجراكم الخير..

 

[الدانة]

مبروك عليك السهم الثاني
انت شريت بـ 5 $ و الآن 25.46 $ الف مبروك و ما شاء الله

و الباقي عند الخبراء

 

[bannay]

ادري والله

هلا اختي الدانه .... ادري والله لا وكان 27 وشي قبل كم يوم ..... مو هذا اللي ذابحني بس المشكله شلون ابيع؟؟؟؟

 

[ابوخالد]

اخوي باني
والله مابغى ازعلك بس ترا سهم (insp)مسوي تقسيم عكسي على 10
يعني اذا عندك 1000سهم تصير 100
يعني السعر الحالي 25 تقسيم 10 يساوي 2.5 $
هذا في 13/09/2002
وانصحك تكلم البنك ويعلمونك اش كثر صارت اسهمك والاسم الجديد (eps(
اسف مره ثانيه بس انت طلبت المشوره

 

[المحامي]

عزيزي البناي

انا اقول شلك بالبورصه وبالاسهم القديمه دام انك الحين انت فرش توك يديد اهنيه معانا . والا تدري اشلون انا اقول هد البورصه بكبها وخلك على الرقعي ترى وايد زين .

يقولك اقوى من البورصه خصوصا لما يكون صوت وصوره هالايام .

اتمنى لك الربح الوفير بس مو معانا احنا الفقاره --- لأ ---- مع الرقعي انت دائما بالمقدمه .


ــــــــــــــــــــــــــــــــــــــــــــــــــــــــــــــــــــــــــــ
وما نيل المطالب بالتمني - ولكن تاخذ الدنيا غلابا ,,,