السلام عليكم
اخوي اناقبل كم شهر نويت اني اشترك معاهم وفي اللحظات الاخيره
استخرت وهونت والحمدلله
ليش؟
اولا
الاسهم غير مملوكه لك انت شخصيا (((المالك بيت التمويل )) عن طريق
شركه لايحضرني اسمها وهي من يمثلك في حضور الجمعيات العموميه للشركات
وهذا شيء خطير جدا وخطوه اولى لانتهاج الحرمنه والانقلاب الاقتصادي
لو كل عميل يملك مايملك من عدد الاسهم شركه ما وعدد العملاء فوق 1000عميل وجميع هذه الاسهم يملكها ((قانونيا بيت التمويل )) وله الحق بالتصويت في الجمعيات العمومميه للشركات المدرجه ماذا نسمي هذا ؟؟؟
واذا هذا اوله ينعاف تاليه واذا انا غلطان جرب اشتر اسهم عن طريق بيتك للتداول وروح البورصه واخذ برنت ستجد لايوجد ولا سهم لك في البورصه
ثانيا
البدو يقولون ((اذا لقيت الرقروق اكيد بتلقى الفقع حوله )))
تعامل البنك مع عملائه في الاستغلال واللف والدوران تنعكس ايضا على بيتك للتداول
انا قبل 6شهور قالو لي خدمه التداول مجانا ولايوجد في ((الفتره الحاليه)) اي رسوم اشتراك وممكن في ما بعد يكون في رسوم واذا فيه ماتتعدى 20 دينار بالشهر طبعا هذا تحايل وطريقه تسويق ذكيه وفيها استغلال لان العميل اكيد بيندبس بسهم او سهمين خساره في نص الطريق يقولون له من الشهر الجاي راح يكون عليك رسوم اشتراك اذا حاب تكمل او تنسحب براحتك وهنيه صعبه يهون اكيد بيكمل معاهم المشوار و20 تتبع عشرين
وهذا الحجي طبعا قبل 6شهور تقريبا الحين انت اسالهم راح يكون نفس السيناريون اي عميل جديد يقولون له هالحجي
ثالثا
بعد فتره اتصلوا فيني على رقم تلفوني الخاص مع اني مستغرب
شلون عرفو هالرقم مع اني بجميع معاملاتي ببيت التمويل حريص جدا على هذا الرقم ومتاكد ان لا احد يعرف هذا الخط اطلاقا
ومع مراجعه الذاكره قليلا تذكرت اني حاط هالرقم باسورد لتتداول ببيتك لاني سجلت بالنت صراحه هالحركه ماعجبتي فيهم
طبعا في مميزات كثيره منها وجود برنامج مباشر برو للتدوال
ورقم خاص للرد على استفيارات او شكاوي العملاء
ولكن للامانه ماجربت شيء فيهم وعموما شركات التداول بالنت تحصيل حاصل ((وقد الرخا تلقاهم عند وجهك وووقت الشدايد ماتلقى حتى اللي يتأسف ويعتذر لك ))
هذا اللي عندى بكل امانه وصدق
وعسالله يوفقك ويرزقك
