سيارات كلاسيكية

[سبورتي]

:السلام عليكم ...ياجماعة الخير ودي اعرف السيارات الكلاسيكية الامريكية مثل فورد وكادلك وشفر مرغوبة بالكويت ؟ ..الي اهي من موديل 1950 لي السبعينات ..تتوقعون لها زبائن بالكويت وممكن اصلاحها او التعامل معها بالكراجات ؟ لان والله ماعندي خبرة بهالنوع من السيارات بس مفكر اني اشتري وحده ..وبنفس الوقت تنورونا بمشاركاتكم ويعطيكم العافية ..

 

[الأرستقراطي]

بالنسبة لل كديلاك المرغوب هو الدورادو كشف موديل الخمسينات
الشفر امبالا باب واحد موديل اواخر الخمسينات و أوائل الستينات
فورد موستنج 67 الينور و 69
الريفيرا الستينات و السبعينات
اولدزموبيل تورنيدو الستينات و أوائل السبعينات
جي تي أو الستينات و أوائل السبعينات

يفضل أن تأخذ السيارة من أمريكا بحالة ممتازة و لا تعتمد على تجديدها بالكويت لانه أغلى و يتوفر بصعوبة ،،،
تحياتي ،،،
وتفضل هذا الرابط ،،،

http://cars-on-line.com/

 

[alzoor]

مشكور سبورتى علي الموضوع .وقواك الله الأستقراطى لو تكمل أحسانك وتقولنا شلون نقدر نطلب سيارة من الكويت ويكون ثقه لأنه في سيارات عجيبه ووايد حلوة

 

[meshari meshari]

انا والله بخاطري موستج 1967 بس ما ادري هل يدخلونه الكويت (اقصد الجمارك) جني سامع ممنوع؟

 

[الأرستقراطي]

مشكور سبورتى علي الموضوع .وقواك الله الأستقراطى لو تكمل أحسانك وتقولنا شلون نقدر نطلب سيارة من الكويت ويكون ثقه لأنه في سيارات عجيبه ووايد حلوة

بالنسبة لطريقة الطلب ما أفضلها يعني لو تسافر و تعاين السيارة و تشحنها مع فلوس التذاكر والشحن و السيارة من 5 الاف لي 7 الاف تجيبلك سيارة ممتازة ومنها سفرة ( او تطلبها من ال ebay من مكتب بالكويت أعتقد مكانه المنطقة الحرة )

انا والله بخاطري موستج 1967 بس ما ادري هل يدخلونه الكويت (اقصد الجمارك) جني سامع ممنوع؟

اي سيارة تحت موديل 1998 تدخل الكويت ( يعني لازم يكون عمر السيارة 10 سنين وفوق ) في مكتب بالسالمية عنده سيارات قديمه مكانه بعد محطة البانزين اللي مقابل مطافي السالميه تقريبا يكون آخر مكتب عند عمارة العيادات ،،،

تحياتي ،،،

 

[سبورتي]

مشكورين شباب على هالمعلومات القيمة في سايت بعد في امريكا والله عنده شغلات حلوه ولهم تعامل مع خارج امريكا وهو www.gatewayclassiccars.com وهو الي شدني بالموضوع لان في سيارات ماشاء الله محافظين عليها الشركة بس فعلا يحتاج الموضوع الى خبرة في هالمعاملات

 

[سبورتي]

اخ الاستقراطي مشكور على المعلومات الطيبة صراحة فدتنا بامور وايد ، بخصوص موضوع طلب السيارة من epay عندك معلومات عن طريقة الشراء وشنو شروطهم والاجراءات الي اتم ؟وجزاك الله خير

 

[3.6]

موجود فورد موستانج موديل 1965 اللون سيلفر من الداخل أحمر السياره بحاله جيده تحتاج الى بعض التعديلات والإكسسوارات الماكينه + الجير ( عادي ) + الباك إكس موديل1992 للإستفسار 6284826