Rolex -- Daytona -- 116509

[meshari meshari]

السلام عليكم

للبيع رولكس دايتونا (الشكل الجديد) ذهب أبيض بالكامل.

موديل Z وهو 2006- 2007

مع كامل اوراقها (لاروسا رولكس الكويت) خرجت من الوكاله شهر 6 - 2007

أستعمال خفيف جدا (الاستيكرز عليها) ولا يوجد بها خدوش.

الكفاله ساريه لحد شهر 6 القادم.

شرط الفحص والتسجيل بالوكاله (والفحص والتسجيل علي)


سعرها بالوكيل اليوم فوق 6.500 دينار كويتي. أ عتقد والله اعلم انه صار 7.100

بالظبط لا أعرف, تستطيعون زياره الوكيل في المارينا او الصالحيه, للتاكد من السعر


وهذا لينك للذي يحب معرفته سعرها السوقي (وليس الوكاله)

http://search.ebay.com/search/search.dll?from=R40&_trksid=m37&satitle=ROLEX+116509&category0=

علي حسب النظافه تبدا فوق 19.000 ألف دولار.

أبي سوماتكم وأنشاء الله ما نختلف.

وعن الحلال والحرام أنا أبدا في ألف دينار كويتي

ودمتم.

مشاري

 

[أحمد ظاهر]

ما شاء الله لا قوة الا بالله .. ساعة روعة والله .. الله يبارك لك فيها ويوفقك في بيعتها

 

[kinghamad]

الذهب حرام لبسه للرجال اللهم بلغت الله فشهد

 

[meshari meshari]

ما شاء الله لا قوة الا بالله .. ساعة روعة والله .. الله يبارك لك فيها ويوفقك في بيعتها

شكرا لك يا اخي احمد. هذا من طيب اخلاقك. الله يوفقك دنيا واخره..

ومشكور مره ثانيه

 

[meshari meshari]

الذهب حرام لبسه للرجال اللهم بلغت الله فشهد

جزاك الله خير.. وبارك الله فيك... لكن تجارته حلال مولانا, وقطع ارزاق الناس حرام مولانا

..

 

[دربيل]

اخ مشاري

كم السعر المطلوب؟

 

[3.6]

يعطيك العافيه مشاري علي 1850 (6284826) بو أحمد

 

[meshari meshari]

دربيل اخوي, انا مو مستعيل علي المزاد. والله ما عندي سعر في بالي. ابيها لاعلي سعر. سوم وانشاء الله تكون من نصيبك.


3.6 مشكور علي السومه اخوي.. لكن هذا موسعرها...

 

[سبورتي]

ماشاء الله جميلة الساعة الله يبارك لك فيها ان شاء الله ...موفق اخوي مشاري

 

[meshari meshari]

سبورتي اخوي مشكور وايد ويعطيك العافيه وهذا من ذوقك

 

[meshari meshari]

للرفع...

يا جماعه تري الصراحه ما اعرف حكم الاسلام في لبس الذهب الابيض للرجل....هل يعتبر بلاتين وحلال ام حاله مثل حال الذهب الاصفر ويعتبر حرام علي الرجل.....

للي عنده خبره في الدين يريت يفيدنا (هل الذهب الابيض هو من فصيله البلاتين وليس ذهب اصفر المذكور انه حرام) ومشكورين

وعلي فكره هذي الساعه يلبسونها النساء ايظا..

وعلي العموم تجارته حلال ولكن لبس الاصفر حرام

والله اعلم

وللرفع والتفاعل

 

[انطلق2]

هلا أخوي مشاري...
أنا أدري إن الساعة انسامت ب1850

بس يحق لي أقول سومتي بعد
لك مني 1500 اذا بغيت تبيعني وأنا جاد.

 

[bofattom]

2300 دينار ,
انا عندي رولكس Datejust شاريها بتاريخ 10-2007 تبادل وازيدك؟

 

[أحمد ظاهر]

اخي الكريم بالنسبة لسؤالك عن الذهب، فالذهب هو الذهب مهما اختلف لونه. لأنه الذهب ممكن يكون بأكثر من لون، منهم الابيض والاصفر والوردي. الذهب يختلف لونه باختلاف المعدن المضاف إليه. مثلك عارف انه الذهب مهما كان عياره كبير حتى لو كان عياره 24 يضاف عليه احد المعادن لإكسابه الصلابة، لأنه الذهب معدن ليّن بطبيعته فيضاف له احد المعادن مثل النحاس او الفضة لكي يكون صلب. ويختلف لون الذهب باختلاف المعدن المضاف إليه.

أما البلاتين فمعدن مختلف تماما عن الذهب بجميع خواصه، الفيزيائية والكيميائية. يعني البلاتين شيء والذهب الابيض شيء آخر.

اتمنى اني اكون اضفت معلومة جديدة ومفيدة للجميع .. والله يوفقكم جميعا

 

[دربيل]

طيب يا اخ مشاري

الحين ساعتك بلاتين او ذهب ابيض؟

 

[meshari meshari]

هلا أخوي مشاري...
أنا أدري إن الساعة انسامت ب1850

بس يحق لي أقول سومتي بعد
لك مني 1500 اذا بغيت تبيعني وأنا جاد.

هلا والله اخوي انطلق ومشكور علي السومه..

لكن والله هذا موسعرها

 

[meshari meshari]

2300 دينار ,
انا عندي رولكس Datejust شاريها بتاريخ 10-2007 تبادل وازيدك؟

هلا اخوي بو فطوم..

والله انا ابي ابيعها لاعلي سعر ومشكور علي العرض والسومه...

بس تقدر تحطلي موديل الساعه مالتك..

الرقم اللي بالخلف وحرف السيريل M

او Z

يمكن اخذها منك بدون بدل...

ومشكور

 

[meshari meshari]

اخي الكريم بالنسبة لسؤالك عن الذهب، فالذهب هو الذهب مهما اختلف لونه. لأنه الذهب ممكن يكون بأكثر من لون، منهم الابيض والاصفر والوردي. الذهب يختلف لونه باختلاف المعدن المضاف إليه. مثلك عارف انه الذهب مهما كان عياره كبير حتى لو كان عياره 24 يضاف عليه احد المعادن لإكسابه الصلابة، لأنه الذهب معدن ليّن بطبيعته فيضاف له احد المعادن مثل النحاس او الفضة لكي يكون صلب. ويختلف لون الذهب باختلاف المعدن المضاف إليه.

أما البلاتين فمعدن مختلف تماما عن الذهب بجميع خواصه، الفيزيائية والكيميائية. يعني البلاتين شيء والذهب الابيض شيء آخر.

اتمنى اني اكون اضفت معلومة جديدة ومفيدة للجميع .. والله يوفقكم جميعا

هلا بالغالي احمد... مشكور اخوي علي هذي المعلومه القيمه...

لان البعض عنده شك ان الذهب الابيض موحرام وفقط الاصفر حرام...

اظن من البديهي نقدر نستنتج ان الذهب الابيض من فصيله الاصفر....

والله اعلم هو حرام علي الرجل.....

وشكرا لك اخي مره ثانيه

 

[meshari meshari]

طيب يا اخ مشاري

الحين ساعتك بلاتين او ذهب ابيض؟

هلا اخوي دربيل...

ساعتي ذهب ابيض عيار 18 (ذهب كامل غير مطليه)

وحياك الله اخوي

 

[meshari meshari]

up
up