شركة القرين لصناعة الكيماويات البترولية (القرين) ...7

[بو سليمان]

جمال السهم مو زين خلهم ينزلونة حتي 300 ليش نتعب انفسنا

المشاريع قاعده تقط فلوسها بسهم ما يسوي


و انت افهم الكلام

 

[ميكانيكي]

بورصة نت

ترا الفجوات مو ضروري السهم ينزل يسكرها

 

[بو سليمان]

بورصة نت

ترا الفجوات مو ضروري السهم ينزل يسكرها

نقول ان شاء الله يكسرها شنو خسرانين
اذا كسرها نحمد ربنا و نهد المضاربة و نريح و نقول جزاك الله خير
و نصبر علي السهم


القرين تاكدو بان معظم المكتتبين خلصو بيع الا نسبة نسيطة
و اللي ما خلص قاعد يبع بسوق الكسور و اكبر دليل كمية السهم بسوق الكسور


اللي يبي يعرف القرين يشوف شارت الوطنية للاتصلات منذ الادراج
نفس صانع السوق
و الاغرب عندما تمت بيعة الوطنية كانت ملكية المعلنة 23% لكن عند البيع ظهرت الكمية الحقيقة فوق 53%


نقول ان شاء ينزل و نستفيد

 

[ميكانيكي]

بو سليمان هالسهم حتى لو ينزل 100 فلس

هم سهم استثماري وان شاء الله فوق الدينار

 

[بو سليمان]

بو سليمان هالسهم حتى لو ينزل 100 فلس

هم سهم استثماري وان شاء الله فوق الدينار

اقسم لك بالله و انا الان رايح صلاة المغرب
لو ينزل السهم 370 و الله لحط كل فلوسي فيه

 

[ميكانيكي]

صاج بو سليمان

وكلامك عين العقل

______________

وينك يا جمال

 

[بو سليمان]

صاج بو سليمان

وكلامك عين العقل

______________

وينك يا جمال

جمال مستثمر و مستثمر حقي مو مثلنا نطامر علي الطقه و الطقتين

بس تبي الصج حنا نستفيد و هو يستفيد و قد تكون فايدتنا اقضل لكن مقابل وجع الراس

اقولك شي روح شوف شارت الوطنية

 

[ميكانيكي]

والله بو سليمان

المستثمر اهوا الرابح بالسوق

وخاصه بسهم تشغيلي 100%

كل سنه ارباح ومنح وصعود

الله يهنيهم

 

[jamalll]

موجوووووووووود

صاج بو سليمان

وكلامك عين العقل

______________

وينك يا جمال

--------------------------------------------------------------------------------

كاني كاني موجود
السهم وهو مضغوط انا موجود
السهم وهو نازل انا موجود
السهم وهو صاعد ان شاء الله هم موجود:d​

يا مساء الورد يا اخوي ميكانيكي ويا بوسليمان

مافي شك ان السهم 100% تشغيلي لكن يبيله صبر والأثبات مشاركة جميع الشباب بصفحة القرين والحمدلله تم ذكر الكثير من المعلومات الصحيحه اللي تبين الارباح التشغيليه اللي راح يتمتع فيها السهم بالمستقبل القريب
وايضا انا ذكرت بأحد المشاركات السابقة الأحداث المهمه اللي راح يمر فيها السهم ابتداءا بأنتخابات مجلس الادارة الى افتتاح المصانع بشكل تدريجي الى الربع الاول من 2009.
وغيرها من التصاريح من قبل ادارة القرين بالدخول على مشاريع بالمليارات!!

انا شخصيا جدا مقتنع بالسهم وسياستي مع سهم القرين هي للأستثمار طويل الأمد وذلك بتأسيس مراكز قوى بأساعر مناسبه على ان تعمل على زيادة مردود الدخل السنوي بعد ارتفاع سعر السهم وتوزيع الارباح المستقبليه ، والحمدلله السهم متماسك بشكل قوي حاليا سواء بصعود السوق او نزوله وهذا مؤشر ايجابي للسهم.
الكل يعلم ان وقت نزول السوق قبل شهر او شهرين الى ما يقارب 1700 نقطه جميع الاسهم تأثرت ولكن سهم القرين ظل متماسك وهذا راجع الى عدة عوامل تم ذكرها من قبل الاخوان بالصفحه وهو دخول المشاريع وسعر السهم اللي طالع عليهم.

لو تلاحظون الشارت اللي ارفقه الأخ العزيز بوسليمان يبين ان الوطنيه ظلت تتراوح على مدى سنتين ونص على ال600 وبعدها لمن بينت الارباح انطلق انطلاقه عوضت كل فترة الانتظار واتصور سبب الانتظار هو ان الشركة كانت في طور تأسيس مشتركين ومن خلالها بينت الارباح
فالوطنية كشركة خدمات عامل الاشتراكات يعتبر مهم واساسي لها كشركة علشان تظهر ارباحها
ولكن بالقرين العامل المهم هو افتتاح المصانع لبدء الانتاج وبعدها ظهور الارباح، فأتصور سهم القرين ما راح يحتاج وقت مثل الوطنية علشان يأسس مشتركين بل بمجرد افتتاح المصانع تعتبر الشركة أسست مصدر الدخل والارباح.


الجميل بسهم القرين انك قاعد تتعامل مع سهم له اصول بأرض الواقع وهي المصانع بالشعيبه وتقدر تروح تزورها وتشوف ضخامة المصانع. ومافي شك انك لمن تشوف مصادر دخل سهم القرين على ارض الواقع يعطيك شيء من الارتياح غير الاسهم الأخرى اللي تسمع انها تملك ولكن ما تقدر توصل لاصولها وتشوفها بالعين.

طبعا 100% هناك مخططات واجنده لصانع السوق في تحرك سعر السهم وغيره من الناس اللي تبي تستحوذ على السهم لما لسهم القرين اهميه واعلم واتاكد ان المحافظ عندها علم بمستقبل السهم اكثر مني ومنك ولا تستبعد ان سهم القرين يوصل الى اسعار خياليه ويوصل ان يكون سابك الكويت ويوصل ان يكون من الأسهم القياديه بخلال الخمس سنين المقبله.

كل العوامل تعطي مؤشرات ايجابيه وقويه للأستثمار طويل الأمد.

توقع غير المتوقع خلال الأيام القادمه لنسبه% ملاك سهم القرين لأن اكثر من شهرين والمحفظه تلم من غير ما يعلنون او تتغير نسبة الملاك؟!!
والسؤال عيل منو اللي قاعد يلم بالكسور كل الكميات المعروضه؟

كل شخص له مخطط مع سهم القرين وكل شخص له وضع مادي معين غير الفرد الأخر بحيث يقدر يتجنب الخساره وذلك بضخ سيوله في السهم ويبرد على السعر في حال نزوله اكثر من مستويات سعر الشراء
فلازم كل واحد يحسب حسبته عدل قبل الدخول وخل يحط في باله ان يحصل الغير متوقع من صانع السوق علشان يطفش الملاك
فكل ما ذكر اعلاه من معلومات للعلم فقط عن مستقبل السهم حسب معلومات صحيحه وليس دعوه للشراء ، لأن محد يدري شنو يبي يسوي صانع السوق ، لأن صانع السوق يدري ان في ناس ما تصبر فطول مدة الضغط ويدري في ناس ماخذه أجل فطول ايضا مدة الضغط ويدري ان في ناس ماخذه السهم حده حده فبمجرد نزول السهم تكتين تشوفه قط السهم! كل هالعوامل لازم تأخذ بعين الاعتبار والشباب الدائمين بصفحة القرين وعلى راسهم المشرف غير مسؤولين وما نبي اللوم من اي شخص.

من الأن الى نهاية سنة2009 راح يشهد سهم القرين تغير سعري ملحوظ ان شاء الله .

ملاحظه :
وجود سيوله مع المستثمر لدعم سعر السهم في حال الهبوط تقلل من الخساره فالرجاء الكل يحسب حسبته عدل ولا يقارن نفسه مع غيره

شكرا

 

[jamalll]

صعود

نسيت اذكر مثال اخر :

راجع سهم الصناعات من خمس سنوات
راح تلاحظ الصعود من غير توقف انطلاقا من سعر الأربعم400يات الى يومنا هذا وهو على سعر 1.950

بالتوفيج
​

 

[Ugly]

اشرايك أخ جمال دخول بالسعر الحالي ؟ ولا ننطر اشويه بعد

 

[jamalll]

هالأسبوع تبين المايه

اشرايك أخ جمال دخول بالسعر الحالي ؟ ولا ننطر اشويه بعد

هلا والله اخوي

سهم القرين اكثر من 7 شهور وهو يتراوح بالأسعار الحاليه وهو مضغوط بشكل غير طبيعي من المحافظ على سعر 430 الى 475.

حسب مشاركات اخوانه المحللين بصفحة القرين تبين ان الدعم 430 والمقاومه 455 وبعدها المقاومه على 475.

نزول السهم الى 430 كانت بالفتره السابقه مجرد لمس وبعدها يرتد يصعد ولكن ماندري شنو مخطط المحفظه بالفتره المقبله.

هالأسبوع راح تبين المايه فأنتظر تداولات باجر .

بنفس الوقت ممكن نستعين بتحاليل فنيه من الشباب بوسليمان وميكانيكي وغيرهم من خيرة الشباب اللي عندهم خبره علشان تتوضح الصورة للجميع

 

[jamalll]

عزيزي بوسليمان
عزيزي ميكانيكي
وغيرهم من الشباب الطيب اللي عنده خبره بالتحاليل الفنية
اذا ممكن الأفاده بالنسبه لوضع السهم من الناحية الفنيه

تسلم هالأيادي​

 

[Ugly]

هلا والله اخوي

سهم القرين اكثر من 7 شهور وهو يتراوح بالأسعار الحاليه وهو مضغوط بشكل غير طبيعي من المحافظ على سعر 430 الى 475.

حسب مشاركات اخوانه المحللين بصفحة القرين تبين ان الدعم 430 والمقاومه 455 وبعدها المقاومه على 475.

نزول السهم الى 430 كانت بالفتره السابقه مجرد لمس وبعدها يرتد يصعد ولكن ماندري شنو مخطط المحفظه بالفتره المقبله.

هالأسبوع راح تبين المايه فأنتظر تداولات باجر .

بنفس الوقت ممكن نستعين بتحاليل فنيه من الشباب بوسليمان وميكانيكي وغيرهم من خيرة الشباب اللي عندهم خبره علشان تتوضح الصورة للجميع

شكرأْ اخوي انا الصراحه ملاحظ عليه مرتيين يوصل 430 ويرتد منه صعودا الى 450 و 445 ممكن تكون حتى فرصه حلوه كمضارب

 

[كوكتيل]

--------------------------------------------------------------------------------

كاني كاني موجود
السهم وهو مضغوط انا موجود
السهم وهو نازل انا موجود
السهم وهو صاعد ان شاء الله هم موجود:d​

يا مساء الورد يا اخوي ميكانيكي ويا بوسليمان

مافي شك ان السهم 100% تشغيلي لكن يبيله صبر والأثبات مشاركة جميع الشباب بصفحة القرين والحمدلله تم ذكر الكثير من المعلومات الصحيحه اللي تبين الارباح التشغيليه اللي راح يتمتع فيها السهم بالمستقبل القريب
وايضا انا ذكرت بأحد المشاركات السابقة الأحداث المهمه اللي راح يمر فيها السهم ابتداءا بأنتخابات مجلس الادارة الى افتتاح المصانع بشكل تدريجي الى الربع الاول من 2009.
وغيرها من التصاريح من قبل ادارة القرين بالدخول على مشاريع بالمليارات!!

انا شخصيا جدا مقتنع بالسهم وسياستي مع سهم القرين هي للأستثمار طويل الأمد وذلك بتأسيس مراكز قوى بأساعر مناسبه على ان تعمل على زيادة مردود الدخل السنوي بعد ارتفاع سعر السهم وتوزيع الارباح المستقبليه ، والحمدلله السهم متماسك بشكل قوي حاليا سواء بصعود السوق او نزوله وهذا مؤشر ايجابي للسهم.
الكل يعلم ان وقت نزول السوق قبل شهر او شهرين الى ما يقارب 1700 نقطه جميع الاسهم تأثرت ولكن سهم القرين ظل متماسك وهذا راجع الى عدة عوامل تم ذكرها من قبل الاخوان بالصفحه وهو دخول المشاريع وسعر السهم اللي طالع عليهم.

لو تلاحظون الشارت اللي ارفقه الأخ العزيز بوسليمان يبين ان الوطنيه ظلت تتراوح على مدى سنتين ونص على ال600 وبعدها لمن بينت الارباح انطلق انطلاقه عوضت كل فترة الانتظار واتصور سبب الانتظار هو ان الشركة كانت في طور تأسيس مشتركين ومن خلالها بينت الارباح
فالوطنية كشركة خدمات عامل الاشتراكات يعتبر مهم واساسي لها كشركة علشان تظهر ارباحها
ولكن بالقرين العامل المهم هو افتتاح المصانع لبدء الانتاج وبعدها ظهور الارباح، فأتصور سهم القرين ما راح يحتاج وقت مثل الوطنية علشان يأسس مشتركين بل بمجرد افتتاح المصانع تعتبر الشركة أسست مصدر الدخل والارباح.


الجميل بسهم القرين انك قاعد تتعامل مع سهم له اصول بأرض الواقع وهي المصانع بالشعيبه وتقدر تروح تزورها وتشوف ضخامة المصانع. ومافي شك انك لمن تشوف مصادر دخل سهم القرين على ارض الواقع يعطيك شيء من الارتياح غير الاسهم الأخرى اللي تسمع انها تملك ولكن ما تقدر توصل لاصولها وتشوفها بالعين.

طبعا 100% هناك مخططات واجنده لصانع السوق في تحرك سعر السهم وغيره من الناس اللي تبي تستحوذ على السهم لما لسهم القرين اهميه واعلم واتاكد ان المحافظ عندها علم بمستقبل السهم اكثر مني ومنك ولا تستبعد ان سهم القرين يوصل الى اسعار خياليه ويوصل ان يكون سابك الكويت ويوصل ان يكون من الأسهم القياديه بخلال الخمس سنين المقبله.

كل العوامل تعطي مؤشرات ايجابيه وقويه للأستثمار طويل الأمد.

توقع غير المتوقع خلال الأيام القادمه لنسبه% ملاك سهم القرين لأن اكثر من شهرين والمحفظه تلم من غير ما يعلنون او تتغير نسبة الملاك؟!!
والسؤال عيل منو اللي قاعد يلم بالكسور كل الكميات المعروضه؟

كل شخص له مخطط مع سهم القرين وكل شخص له وضع مادي معين غير الفرد الأخر بحيث يقدر يتجنب الخساره وذلك بضخ سيوله في السهم ويبرد على السعر في حال نزوله اكثر من مستويات سعر الشراء
فلازم كل واحد يحسب حسبته عدل قبل الدخول وخل يحط في باله ان يحصل الغير متوقع من صانع السوق علشان يطفش الملاك
فكل ما ذكر اعلاه من معلومات للعلم فقط عن مستقبل السهم حسب معلومات صحيحه وليس دعوه للشراء ، لأن محد يدري شنو يبي يسوي صانع السوق ، لأن صانع السوق يدري ان في ناس ما تصبر فطول مدة الضغط ويدري في ناس ماخذه أجل فطول ايضا مدة الضغط ويدري ان في ناس ماخذه السهم حده حده فبمجرد نزول السهم تكتين تشوفه قط السهم! كل هالعوامل لازم تأخذ بعين الاعتبار والشباب الدائمين بصفحة القرين وعلى راسهم المشرف غير مسؤولين وما نبي اللوم من اي شخص.

من الأن الى نهاية سنة2009 راح يشهد سهم القرين تغير سعري ملحوظ ان شاء الله .

ملاحظه :
وجود سيوله مع المستثمر لدعم سعر السهم في حال الهبوط تقلل من الخساره فالرجاء الكل يحسب حسبته عدل ولا يقارن نفسه مع غيره

شكرا

مشكور يابو حسين
.............

تحليل أساسي رائع من شخص رائع
أشكر ك علي المجهود الجميل
انت تطلبني 3
خلصنا 1
وباقي لنا 2
الوعد إنشاء الله​

 

[بو سليمان]

عزيزي بوسليمان
عزيزي ميكانيكي
وغيرهم من الشباب الطيب اللي عنده خبره بالتحاليل الفنية
اذا ممكن الأفاده بالنسبه لوضع السهم من الناحية الفنيه

تسلم هالأيادي​

اترك عنك التحليل الفني امسك سهمك و اذا نزل 370 اشتر

التحليل الفني خروج

 

[بوفراس]

الظاهر هلشركة اخذت اكبر من حجمها بكثير والدليل ان سعرها كل ماله وينزل اكثر


بالبداية الصعود كان بسبب التملك فيها والحين خلاص تم تملك الشركة ووقف الشرا فيها


حتي قبل كان سعر 435 كل ما توصله ترد وتصعد للاعلي مرة اخري الحين لا العروض صارت بالملايين على 435


بصراحة الشركة راس مالها ضخم جدا وحتي المشاريع الي داشه فيها تملك فيها نسب بسيطة مثل ايكويت والعطريات والاولفيات







تم اعطاء الشركة اكبر من حجمها

 

[jamalll]

وجهة نظر نحترمها

الظاهر هلشركة اخذت اكبر من حجمها بكثير والدليل ان سعرها كل ماله وينزل اكثر
بالبداية الصعود كان بسبب التملك فيها والحين خلاص تم تملك الشركة ووقف الشرا فيها

حتي قبل كان سعر 435 كل ما توصله ترد وتصعد للاعلي مرة اخري الحين لا العروض صارت بالملايين على 435

بصراحة الشركة راس مالها ضخم جدا وحتي المشاريع الي داشه فيها تملك فيها نسب بسيطة مثل ايكويت والعطريات والاولفيات

تم اعطاء الشركة اكبر من حجمها

وجهة نظر نحترمها اخوي بوفراس ولكن....

انته ذكرت ان النسب اللي داخله فيها القرين بالمصانع قليله؟
خل نراجع بعض منها ونشوف هالنسب البسيطه تدر ارباح زينه ولا لاء ؟

ايكويت 1:
نسبة القرين 6% والربحيه لسنة 2006 = 10 ملايين اي 9% من راس المال
ولسنة 2007 = المتوقع 12.5 مليون

ايكويت 2:
نسبة القرين 6% والانتاجيه راح تكون بنفس القوة الانتاجيه فاذا افترضنا كانت الربحية مساويه لايكويت1 اذن هناك 12.5 اخرى ويصير المجموع = 25 مليون

العطريات:
نسبة القرين 20% وطبعا نجهل قوة المبيعات ولكن اتصور ماراح تقل عن مصنع ايكويت 1 و2 فتكون الفرضيه ان تكون الارباح ما يقارب 43 مليون دينار

المصنع الرابع:
نسبة القرين 11.5%
واذا حسبنا بنفس الفرضيه فتكون الارباح تقارب 25 مليون دينار

وعندك مصنع الجزائر اللي راح يبدأ الانتاجيه 2010 ونسبة القرين فيها 22.5% واذا حسبنا على نفس الفرضيه فيكون عليك الحساب

وغيرها من المشاريع اللي راح تدخلها الشركة مثل ما صرحوا بالهند والخليج وغيرها من الدول

فخلال 3 سنوات الشركة راح تكون ربحيتها اكثر من راس مالها اي ما يعادل مو اقل من 100 فلس للسهم بالنسبه للمصانع حسب الحسبه الافتراضيه ومن غير ارباح التوسعات
فعليك الحسبه

هذا السهم لازم تتعامل معاه كأنك شاري ارض استثماريه بحيث انك تنساه وتييله بعد 5 سنوات علشان تجني ارباحه وغير هذا ما ينفعك هالسهم.

وتاكد الشيء اللي ينبني على اسس متينه اكيد يحتاجله وقت وصبر ولمن تكتمل الاسس وهي افتتاح مصانع قائمه يكون سهمك اللي بجيبك قوي وذو ارباح قويه

والله اعلم

 

[mr_judo]

مساء الخير الله يعطيكم العافية ياشباب عندكم خبر عن ارباح الشركه في توزيع ارباح اولا وتمنى منكم الافاده الوافيه وشكرا لكم

 

[دولار$]

وجهة نظر نحترمها اخوي بوفراس ولكن....

انته ذكرت ان النسب اللي داخله فيها القرين بالمصانع قليله؟
خل نراجع بعض منها ونشوف هالنسب البسيطه تدر ارباح زينه ولا لاء ؟

ايكويت 1:
نسبة القرين 6% والربحيه لسنة 2006 = 10 ملايين اي 9% من راس المال
ولسنة 2007 = المتوقع 12.5 مليون

ايكويت 2:
نسبة القرين 6% والانتاجيه راح تكون بنفس القوة الانتاجيه فاذا افترضنا كانت الربحية مساويه لايكويت1 اذن هناك 12.5 اخرى ويصير المجموع = 25 مليون

العطريات:
نسبة القرين 20% وطبعا نجهل قوة المبيعات ولكن اتصور ماراح تقل عن مصنع ايكويت 1 و2 فتكون الفرضيه ان تكون الارباح ما يقارب 43 مليون دينار

المصنع الرابع:
نسبة القرين 11.5%
واذا حسبنا بنفس الفرضيه فتكون الارباح تقارب 25 مليون دينار

وعندك مصنع الجزائر اللي راح يبدأ الانتاجيه 2010 ونسبة القرين فيها 22.5% واذا حسبنا على نفس الفرضيه فيكون عليك الحساب

وغيرها من المشاريع اللي راح تدخلها الشركة مثل ما صرحوا بالهند والخليج وغيرها من الدول

فخلال 3 سنوات الشركة راح تكون ربحيتها اكثر من راس مالها اي ما يعادل مو اقل من 100 فلس للسهم بالنسبه للمصانع حسب الحسبه الافتراضيه ومن غير ارباح التوسعات
فعليك الحسبه

هذا السهم لازم تتعامل معاه كأنك شاري ارض استثماريه بحيث انك تنساه وتييله بعد 5 سنوات علشان تجني ارباحه وغير هذا ما ينفعك هالسهم.

وتاكد الشيء اللي ينبني على اسس متينه اكيد يحتاجله وقت وصبر ولمن تكتمل الاسس وهي افتتاح مصانع قائمه يكون سهمك اللي بجيبك قوي وذو ارباح قويه

والله اعلم

كبير ياجمال
دوم مشاركاتك ايجابيه
الله يكثر من امثالك​