قصة شارع الحب

[الامبراطور]

ما تراجعت الا حفاظا على مشاعرج تأكدي من هالشي واللي يعافيج سكري الموضوع

مشاعر مين يابو مشاعر عسى ماشر ..هدي هدي ياطويل العمر..داش بقوة ترى الاستراحة للوناسة والثقافة والترفيه ..

 

[يقولون]

ماراح ارد عليج

 

[بوسعود66666]

ماراح ارد عليج

وتدخل المميز بينهم وفك الاشتباك والحمدالله لا توجد اى اصابات بين الطرفين
اقول يالربع عسا ماشر ترى السالفه ماتسوى وحنا بالمنتدى كلنا اخوان وحبايب حلوه حبايب​

 

[الامبراطور]

ماراح ارد عليج

ما راح أرد ماراح أدخل بنقاشات أفضل السكوت عيل ليش تكتب بالموضوع :d ..شكرا على اثراءك للموضوع..

 

[الامبراطور]

وتدخل المميز بينهم وفك الاشتباك والحمدالله لا توجد اى اصابات بين الطرفين
اقول يالربع عسا ماشر ترى السالفه ماتسوى وحنا بالمنتدى كنا اخوان وحبايب حلوه حبايب​

يفضل اللي يبي يدخل بموضوع يكتب لهدف زيادة معلومة او تصحيح معلومة او للتعليق بأدب للوناسة ..لكن اللي سواه طويل العمر كان بهدف التجريح ..وهذا غير مسموح أبدا ..شكرا يامساعد قنوع على ردك الراقي..

 

[يقولون]

تدرين شلون شلون تبين ارد على وحده ادور الرياييل بالتفق بالله معقوله اوصل لي هالمستوى بس شسوي فيج تحدين الواحد يتحجه الله يسلمج حالتج صعبه مع انه ادري بتقولين غشمره مع انج اكدتي كلامج وقلتي انه الله جميل يحب الجمال

 

[الامبراطور]

تدرين شلون شلون تبين ارد على وحده ادور الرياييل بالتفق بالله معقوله اوصل لي هالمستوى بس شسوي فيج تحدين الواحد يتحجه الله يسلمج حالتج صعبه مع انه ادري بتقولين غشمره مع انج اكدتي كلامج وقلتي انه الله جميل يحب الجمال

أحلف كنا ننطرك توضح لنا رأيك..الحجي اللي كتبته واضح من ردك اللي من قبل ولكن اترك التعليق للاخوان اللي يعرفون الامبراطور عدل ..
ثاني شغلة الموضوع كان يتكلم عن الرياييل الحلويين مش الجياكر..يا يقولون..
ثالثا فعلا الموضوع كان غشمره من البداية ضحك حتى جاء دورك الراقي في الردود ..اما حالتي صعبة هذي بروحها موتتني ضحك ..

شكرا على رقي ردك ..

 

[يقولون]

لا شكر على واجب (سبحانك اللهم وبحمدك أشهد أن لا إله إلا أنت أستغفرك وأتوب إليك )

 

[انطلق2]

للحين ولا واحد فيكم يعرف ليش سموه شارع الحب؟؟؟
الظاهر مو ملحقين على الحادثة إلي سمت الشارع بهالإسم....الحادثة صارت بالثمانييات

 

[بوسعود66666]

للحين ولا واحد فيكم يعرف ليش سموه شارع الحب؟؟؟
الظاهر مو ملحقين على الحادثة إلي سمت الشارع بهالإسم....الحادثة صارت بالثمانييات

وبعدين كمل؟؟

 

[يقولون]

ئييييييي والله قاعد انطر

 

[الامبراطور]

للحين ولا واحد فيكم يعرف ليش سموه شارع الحب؟؟؟
الظاهر مو ملحقين على الحادثة إلي سمت الشارع بهالإسم....الحادثة صارت بالثمانييات

والله يا انطلق الموضوع صار يغث سبحانه الله تطلعلك أشكال تسد نفسك عن الكتابة همها الاكبر بث سمومها في الغير ولكن صدق من قال كل إناء بما فيه ينضح..

خلينا بالموضوع وقولنا قصة هالشارع:d

 

[يقولون]

سبحان الله الامام الشافعي ما خله شي ..
يخاطبني السفيه بكل قبح *** فأكره ان اكون له مجيبا
يزيد سفاهة وازيد حلما *** كعود زاده الاحراق طيبا

 

[Nagooshy]

جزاك االله خير

 

[الامبراطور]

سبحان الله الامام الشافعي ما خله شي ..
يخاطبني السفيه بكل قبح *** فأكره ان اكون له مجيبا
يزيد سفاهة وازيد حلما *** كعود زاده الاحراق طيبا

أنت اللي فتحت الموضوع ولعبت بالنار ويقولون يا يقولون لا تلعب بالنار تحرق أصابيعك..وأعرف منو تحاجي قبل لا تكتب ألفاظك الراقية على صفحات هالمنتدى..ألحين عرفت الشافعي ماشاء الله الدين زر تضغطه متى ماشئت..

ومع هذا أشكرك على هذا الحوار لأنه بين للأخوان كم أنا راقية بردي وكم أنت عكس ذلك..ولله في خلقه شئون..

 

[يقولون]

لا تحاتين الاخوان حاسين فيج

 

[انطلق2]

ياناسين الحبايب...حضرمي قديم قديم

هييييييييههه...حضرمي قديم قديم..

المهم هذا واحد(مع التحفظ على الأسماء) الله يرحمه كان ياي للضاحية علشان يمر حبيبته ويتبادل معاها الهدايا...خصوصاً بالثمانيات كل شي كان صعب (النظرة و الكلمة و المواعد ..علشان جذيه انتشرت الأغاني العدنية).

ولما مر عليها علشان يستلم الهدية من الجامة السيارة, تفاجأ بالبنت تركب معاه السياره جدام بيتهم بسبب جارهم توه طالع من بيتهم و خافت لايشوفها(أيامها كبيرة بس الحين عادي و كوول).

حلت القعده بسبب دفىء الجلسه لكن تفاجأوا بوجود سيارة تقف ورأهم ,ولما البنت الشافت منو ولا أثنين من إخوانها صافطين بسيارة وحدة عند بيتهم .
البنت إنذعرت و الولد إنثول وبحركه غير إرادية من الولد شغل السيارة بسرعة وداس حد الدعسه...مما أثار فضول الأخويين ظنن منهم إنه حرامي وانحاش ولا مجرم (الزبدة قالوا في شي غلط)...واركبوا سيارتهم وإلحقوه.
وكل ماقربوا منه زاده هو في سرعته وتجاوز أكثر مما شجعهم أكثر للحاق به...(طبعاً ما يحتاج أقولكم شنو حال البنت هالحزه).
الولد الحين يبي ينحاش ...وين ؟؟...مايدري!!
طلع من الضاحية و دخل الدائري الثاني بسرعة جنونية (علشان يضيع الأخوين)...تفاجأ لما طلع من الضاحية بوقوف السيارات عند الإشاره إلي بين الضاحية من جهه و النزهه والفيحاء من جهه ثانية ,لم يستطع التحكم بالسيارة أو الوقوف بسبب السرعة والخرعه فإنحرفت السيارة عن الشارع و صعدت الرصيف و دخلت في محول للكهرباء...وماتوا الأثنين فوراً.
صار تكتم عالموضوع (سواد ويه) لكن ماكو شي بالكويت ينخش...وصاروا الشباب و البنات (بسبب اللقافه) يمرون على هالمكان لمدة شهور(لأن كل واحد يسمع بالسالفة لازم يمر و يشوف المكان إلي صار فيه الحادث)...ومن هني انتشر مصطلح شارع الحب.
على ما إسمعوا كل الشباب و البنات السالفه و شافوا المكان (إلا الشباب لاحظوا وجود كثيف للبنات الملقوفات و البنات لاحظوا وجود كثيف للشباب الملقوفين)..وصار الواحد يمر أكثر من مره علشان يشوف البنات إلي توهم اسمعوا بالسالفه ورايحين يشوفون المكان والعكس صحيح.

وشوي شوي انشهر هالمكان خصوصاً بالتسعينات....

 

[يقولون]

اعوذ بالله من الشيطان الرجيم

 

[انطلق2]

اعوذ بالله من الشيطان الرجيم

طاح العشا ؟؟

 

[يقولون]

طاح العشا ؟؟

البيت بيتك واحنا عندك ضيوف اساعه المباركه