سؤال عن سوق الكسور ؟؟

[باش مهندس]

السلام عليكم

سؤال خفيف بسيط عن سوق الكسور

*شنو اقل كمية اقدر اخذ اذا بشتري كسور؟
*اذا بشتري كسور من السوق ... اروح حق شركة الوساطة (الدلال نفسه) والا في مكان لسوق الكسور

وسلامتكم

 

[talal555]

الدلال نفسه


بس ما في خيارات بالكمية

يعني تشتري من المعروض فقط ( على حسب المتوفر )

وما تطلب شي مو معروض

وطبعا جدول الأوامر ، تلاقيه في موقع البورصة

 

[باش مهندس]

الدلال نفسه


بس ما في خيارات بالكمية

يعني تشتري من المعروض فقط ( على حسب المتوفر )

وما تطلب شي مو معروض

وطبعا جدول الأوامر ، تلاقيه في موقع البورصة

الله يعطيك الف عافية
انزين اذا بغيت "على سبيل المثال"
اخذ سهم سعره 100 فلس والكمية 100 سهم
يطلعلي الحساب 10 دنانير؟

واذا كانت الاجابة نعم ... ادفع شيك بعد

***********************
انزين واذا معروض 10000 سهم وابي 5000 يصير؟

 

[talal555]

الله يعطيك الف عافية
انزين اذا بغيت "على سبيل المثال"
اخذ سهم سعره 100 فلس والكمية 100 سهم
يطلعلي الحساب 10 دنانير؟

واذا كانت الاجابة نعم ... ادفع شيك بعد

***********************
انزين واذا معروض 10000 سهم وابي 5000 يصير؟

الله يعافيك يا الغالي

اللي أنا أعرفه إن المعروض من خلال الأوامر لازم تاخذه كامل ما يصير تجزئه

نفس ما قلت إذا المعروض مثلا 10000 سهم طبعا كسور يعني راح يكون سعر السهم 250 وتحت ( مثلا سعر آخر صفقة في السوق العام 216 فلس ) راح ينعرض بنفس السعر

بعدها أنت تسومه تكة أو تكتين تحت وتنطر هل راح يقط عليك ويمكن تلاقي أحد جدامك سايمه يتكتين تحت ، فإذا أنت راغب بالسلعة تسومها أعلى منه أو تشتري السلعة بنفس سعر العرض .

وبعدها راح ينخصم من حسابك المبلغ الطلوب أو يكون عليك طلب إذا كان حسابك فاضي ، وبعدها تحولهم من حسابك البنكي وتعطي المحاسبة ورقة وصل التحويل البنكية .



إن شاء الله يكون الشرح واضح


وحاضر لأي إستفسار يا الغالي يا باش مهندس

 

[باش مهندس]

واحد اعرفه سألني هالسؤال
يقولي يبي ياخذ 1000 سهم مركز سلطان
سعر مركز سلطان 470 فلس ... اذا واحد عارض 1500 سهم على 470
المشتري لازم ياخذ الـ 1500 كلها والا يقدر ياخذ جزء منها؟ يعني مثلا 500 .. 300 .. 483 ..216
على سبيل المثال؟؟؟

 

[Navigator]

واحد اعرفه سألني هالسؤال
يقولي يبي ياخذ 1000 سهم مركز سلطان
سعر مركز سلطان 470 فلس ... اذا واحد عارض 1500 سهم على 470
المشتري لازم ياخذ الـ 1500 كلها والا يقدر ياخذ جزء منها؟ يعني مثلا 500 .. 300 .. 483 ..216
على سبيل المثال؟؟؟

لازم الكميه كامله يا باشا

ما يصير تتجزء

 

[boursachi]

اخوي مهندس
الشباب يقصدون ان الكمية كاملة ولا تتجزأ بالنسبة للأمر الواحد

مثلا:
اجمالي المعروض 1500 سهم مركز سلطان
امر 500
امر 1000

لازم تاخذ الكمية كلها لكل أمر
يعني والا 500 بروحها + كلها
والا ال1000 كلها + بروحها

ما عمري جربت شخصيا بس توني داق على صاحبي بروكر وشرحلي ياها جذي

 

[باش مهندس]

الله يعطيكم الف عافية

 

[boursachi]

أرفع الموضوع لعدم التكرار

اليوم اول مرة ابيع كسر .. ولاحظت بعد ما راحوا ان ما في عمولة للمكتب .. الخصم من قيمة الصفقة كان مجرد خصم البون (نصف دينار)

س1: هل صفقات سوق الكسور معفية من عمولة الوسيط ويؤخذ عليها نصف دينار لكل صفقة تمت فقط؟

س2: تعقيبا على كلام اخوي talal555 يوم كتب "وما تطلب شي مو معروض"
يعني سوق الكسور سوق "طلب بيع" و "شراء من المعروض" فقط .. ما فيه "طلب كمية" عدل؟
بمعنى, تشوف شالي معروض وكل شوي تكلم الوسيط يشتريلك

س3: سعر الكسر على اي اساس يتحدد بالضبط؟ الي سمعته هو والا على سعر اخر صفقة في السوق الرسمي .. او .. اخر سعر طلب في السوق الرسمي
وفيه شي يتعلق بفترة 5 دقايق جنه؟ بس مادري شنو .. نوّرونا

طلابة مو سوق بس حلو التعلوم.. واتوقع هذي حزته بعد توزيع المنح

شاكر لكم مقدما

 

[ضحية المخازن]

أرفع الموضوع لعدم التكرار

اليوم اول مرة ابيع كسر .. ولاحظت بعد ما راحوا ان ما في عمولة للمكتب .. الخصم من قيمة الصفقة كان مجرد خصم البون (نصف دينار)

س1: هل صفقات سوق الكسور معفية من عمولة الوسيط ويؤخذ عليها نصف دينار لكل صفقة تمت فقط؟

س2: تعقيبا على كلام اخوي talal555 يوم كتب "وما تطلب شي مو معروض"
يعني سوق الكسور سوق "طلب بيع" و "شراء من المعروض" فقط .. ما فيه "طلب كمية" عدل؟
بمعنى, تشوف شالي معروض وكل شوي تكلم الوسيط يشتريلك

س3: سعر الكسر على اي اساس يتحدد بالضبط؟ الي سمعته هو والا على سعر اخر صفقة في السوق الرسمي .. او .. اخر سعر طلب في السوق الرسمي
وفيه شي يتعلق بفترة 5 دقايق جنه؟ بس مادري شنو .. نوّرونا

طلابة مو سوق بس حلو التعلوم.. واتوقع هذي حزته بعد توزيع المنح

شاكر لكم مقدما

حياك الله اخوي وبالعكس كلنا ترى نتعلم اهنى من بعض بالنسبه للاجابة على تساؤلاتكز
1- صفقات الكسور غير معفيه من العمولة وهي 1.250 بالالف ولكن تكون غير واضحة لان المبلغ صغير جدا بحدود ربع دينار او اكثر بقليل يعني مبلغ لا يذكر ولا يتم ملاحظته.
2- نعم كلام اخونا طلال صحيح ويمكنك فقط شراء المعروض بالكامل ولا يمكن التجزئة.
3- سعر الكسر للعرض يتحدد على اخر سعر بالسوق الرسمي ويمكنك تغيير السعر بعد مرور 5 دقائق من العرض يعني مثلا لو كان اخر سعر للسوق لسهم ما بسعر 300 فلس فيجب ان تعرض بنفس السعر وبعد 5 دقائق يمكنك التغيير الى سعر اعلي او اقل.


مع تحياتي لك ويالتوفيق

 

[boursachi]

حياك الله اخوي وبالعكس كلنا ترى نتعلم اهنى من بعض بالنسبه للاجابة على تساؤلاتكز
1- صفقات الكسور غير معفيه من العمولة وهي 1.250 بالالف ولكن تكون غير واضحة لان المبلغ صغير جدا بحدود ربع دينار او اكثر بقليل يعني مبلغ لا يذكر ولا يتم ملاحظته.
2- نعم كلام اخونا طلال صحيح ويمكنك فقط شراء المعروض بالكامل ولا يمكن التجزئة.
3- سعر الكسر للعرض يتحدد على اخر سعر بالسوق الرسمي ويمكنك تغيير السعر بعد مرور 5 دقائق من العرض يعني مثلا لو كان اخر سعر للسوق لسهم ما بسعر 300 فلس فيجب ان تعرض بنفس السعر وبعد 5 دقائق يمكنك التغيير الى سعر اعلي او اقل.


مع تحياتي لك ويالتوفيق

مشكور اخوي وصح كلامك كنت راح اعدل مسألة العمولة للتو بعد ما تأكدت .. توني اشوف "صفقات اليوم" في التداول الالكتروني والخصم موجود مثل ما تفضلت 0.00125% غير النص دينار

وشاكر لك ايضا على ايضاح مسألة ال5 دقايق .. الحين الامر مفهوم
وان شاء الله ما راح اتردد اسأل اذا استجد اي شي, فيكم الخير والبركة يالربع

بس اليوم مثلا تفضلوا شوفوا هالصفقة لاستثمارات وطنية في الكسور:
استثمارات 11:52:38 750 1,500

نفهم ان بايع الكمية يبي الكسر يروح بسرعة لأن ما كان في صفقة بال750 اليوم في الرسمي.. وعليه، يقدر مثلا يعرض بالحد الأدنى لو اراد؟ بمعنى: الحد الاعلى المسموح للعرض هو سعر اخر صفقة في السوق (ولا يتم تغيير السعر الا بعد مرور 5دقائق) .. اما دون ذلك, فسعر العرض يسمح ومن المستطاع ان يكون بالحد الادنى للسهم كما في السوق الرسمي لليوم؟

ودعواتكم باجر نحصل 4 الاف سهم استثمارات

 

[محاسب^المستقبل]

و تقريبا الصفقات تكون جم يعني ؟
يعني ادش سوق الكسور ب 1000 دك تسوي شي ولا لأ ؟

 

[رذاذ المطر]

و تقريبا الصفقات تكون جم يعني ؟
يعني ادش سوق الكسور ب 1000 دك تسوي شي ولا لأ ؟

على حسب المعروض

لو السوق مفتوح الحين كان صورت لك قائمة العرض

أحيانا تلاقي 10 اسهم .....!!!
100 سهم
1000 سهم

يعني حسب المعروض واحسب سعر السهم ...الكمية * السعر

إذا ذكرت يوم الأحد أوريك قائمة عرض أوامر الكسور ان شاء الله.

 

[Q8 Stock]

على حسب المعروض

لو السوق مفتوح الحين كان صورت لك قائمة العرض

أحيانا تلاقي 10 اسهم .....!!!
100 سهم
1000 سهم

يعني حسب المعروض واحسب سعر السهم ...الكمية * السعر

إذا ذكرت يوم الأحد أوريك قائمة عرض أوامر الكسور ان شاء الله.

ادخل موقع الاوسط او بنك الكويت والشرق الاوسط

وختار السهم وبعدها سجل الاوامر لسوق الكسور
تقدر تستفيد منها في التوضيح

بالتوفيق

 

[boursachi]

و تقريبا الصفقات تكون جم يعني ؟
يعني ادش سوق الكسور ب 1000 دك تسوي شي ولا لأ ؟

تكون الي تبيه .. يعتمد شالي معروض وراح تلاقي احيانا الي تبيه بالضبط.. ساعات زايد حبة.. ساعات ناقص شوّي

شوف اخوي الصراحة انا الكسور كنت أحسبه مسألة حظ لأني كلش مو صوبه.. بس من خلال يومين فقط من تعاملي معاه ومتابعة اوامره تبين لي انه ساعات أحسن لو انك "تتسوق" فيه على مدى اسبوع تجمع لك وحدة وحدتين بأقل من سعر السوق الرسمي (للحين ما جربت هالشي شخصيا)

مسألة 1000 دينار تسوّي شي .. ايه نعم تسوّي اذا تبي تشتري كمية صغيرة تكملك فيها وحدة او شغلة
انا ذاك اليوم بعت كسر بقيمة 440 دك واليوم الي عقبه شريت سهم ثاني هم كسر ب1500 دك (طبعا سعرهم الي فرق وليس الكمية)
بس شايف مشاركتي الاخيرة يوم اقول ابي 4 الاف استثمارات؟ حصلت الفين فقط .. كان فيه 3 معروضة مرة وحدة وكان فيه 2200 بس السعر ما عجبني .. الزبدة ان أعتقد تحصل الي تبيه بس مو شرط بيوم واحد

ان شاء الله يوم الأحد أراسلك بصور من جدول اوامر الكسور وتشوف بعينك .. ذكرني ما عليك امر

 

[boursachi]

تفضل صورتين توني ماخذهم
الاولى سجل الصفقات لاخر يوم تداول
والثانية اسعار الاسهم
اتمنى قدرت افيدك

 

[محاسب^المستقبل]

حبييييييب والله يعطيك العافيه ما تقصدر والله رايتك بيضه
انا شكلي بستخدم برنامج بيتك للتداول بس بغيت اسألك سوق الكسور نفس الرسمي يعني لو مثلا شريت القرين للكيماويات ب 385 فلس كتجزئة و انا متوقع انه يرتفع السعر في السوق الرسمي هم يرتفع بسوق الكسور يعني نفس الاسعار ؟
لاني سمعت انه سعر البيع اهو اخر سعر بالسوق اة شي جذي ؟
انا صارلي اشهر اراقب السوق بس خايف ادخل ...
بس انشالله في خير
و يعطيك العافيه و سامحنا عالقصور

 

[محاسب^المستقبل]

?>>>>