أخوي الله يجزاك خير على نصايحك ... انت قلت اللى عندك أكثر من مره خصوصا في صفحات العربية العقارية ... دامك منغث من هالسهم اتركه وخل الناس بحالها !!
مو صحيح كل ما طلع خبر عنها تنقز وتقول انا قايلكم ... وتر ما عندهم سالفه ... وفي 150 سهم غيرها ... يبه خلاص عرفنا ... ... يعنى انت كل مشاركاتك سلبية وتكسير مجاديف ومعاونيات ومعنويات وماخليت شي الا ذميته بهالسهم من مجلس ادارة الى مشاريع الشركة وغيره ... واليوم طالع لنا بسالفة شرط الجمعية العمومية ترفض توصية مجلس الإدارة وتوقع غير المتوقع .. يبه ما خليت شي خل الناس بحالهم ... انا أعرف ان اللى ينغث من شي يخليه مو يتابعه ويلاحقه!!!
على فكرة انا كان عندي السهم وبعته وراح آخذ فيه عشان توصية بو عبد الله
الله يجزاك بخير انت ايضا
صحيح انا مو عاجبني اسلوب ادارة الشركة
وربما لما ترى الشركة ابتعاد الناس عن السهم
تتراجع عن قراراتها
وربما يدفعها ذلك لتعديل اسلوبها
___________________
ارجع الى بيعت الفندق
واستغلال معايير المحاسبة الدولية
وانت تعرف كيف اسلوب الشركة
_____________________
تعاملنا مع كثير من الشركات وربحنا وخسرنا
وربما خسائر اكبر من خسارة العربية العقارية
ولكن خسائر العربية سببها مجلس الادارة وليس اداء الشركة
_________________________________
ومن هنا ارى من واجبي التنبيه حتى لا يقع احد في حبائل الشركة
ومشاركاتي للنصيحة والتذكير
وربما يخيب السهم ظني ويرتفع ويستفيد الناس .... وهذا ما اتمناه لك ولغيرك
___________________
واذا ما عاجبتك مشاركاتي
طوفها ........ وماراح ........ تضرك
ختاما .... تقبل تحياتي
