وين الكابح يا حكومه ؟؟

الموضوع في 'السوق الكويتي للأوراق الماليه' بواسطة SpeciaL 1, بتاريخ ‏3 مارس 2008.

  1. SpeciaL 1

    SpeciaL 1 عضو مميز

    التسجيل:
    ‏23 يوليو 2005
    المشاركات:
    4,621
    عدد الإعجابات:
    8,908
    مكان الإقامة:
    أي مكان فيه واي فاي
    ..

    أعلنت الحكومة عند موافقتها على الزيادة بأنها سوف تكبح جماح ارتفاع الأسعار..

    وكذلك توعد أعضاء مجلس الأمة بأنهم سوف يكونون بالمرصاد لمن يتلاعب بالأسعار..

    إلا أن هناك من لم يكترث لأي تحذير..

    فقبل أن يهنأ الشعب الكويتي بالزيادة وقبل أن يتذوق حلاوتها ويكحل عينه وهو يراها في حسابه..

    ها هو "بن العميد" غير آبه بتلك التصريحات وضارباً بها عرض الحائط..

    فقد رفع سعر الكيلو لـ بن القهوة التركية من أربعة دنانير إلى أربعة دنانير وستمائة فلس !!



    أتمنى أن لا تكون هناك ردود من الأعضاء بأن "قلنا لكم إن الأسعار بترتفع"..

    فالزيادة أقرت بعد أن تلمست الحكومة الخلل فعالجته..

    إلا أن هناك من هم ضعاف نفوس ولا هم لهم إلا الاستغلال وخلخلة الأنظمة..

    فعلينا أن نساهم ونساعد بالإعلان عن أي زيادة تطرأ على أي سلعة..

    ولكم جزيل الشكر..






    أخوكم/ ويلاه
     
  2. sporty

    sporty عضو نشط

    التسجيل:
    ‏15 أكتوبر 2004
    المشاركات:
    1,637
    عدد الإعجابات:
    8
    اخوي لو سمحت ممكن سؤال

    عندك الفاتورة اللي شاري فيها بسعر 4 دنانير ؟

    اذا عندك روح اي مركز حمايه المستهلك لوزارة التجارة واهم يقومون بالواجب وماراح يقصرون معاك :)

    بس اثبت عليهم انك شاريه بسعر 4

    ومالك شغل بالباجي
     
  3. garmin

    garmin عضو محترف

    التسجيل:
    ‏3 يوليو 2005
    المشاركات:
    2,446
    عدد الإعجابات:
    0

    تبي تضحك :confused:

    بطاقة التموين زادوها دينارين اليوم واحد يقولي رحت أستلمت التموين نفس كل شهر والا فيها زيداة دينارين عن تسعيرة كل شهر



    تعيش وتشوف

    نعطيك بهالأيد ناخذه من الأيد الثانيه


    أخوك
    بوفواز
     
  4. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    اي والله .. اخذ من جيسه وعايده ..
     
  5. MaLoOoK

    MaLoOoK عضو جديد

    التسجيل:
    ‏30 مارس 2007
    المشاركات:
    839
    عدد الإعجابات:
    0
    مكان الإقامة:
    الــكـويت
     
  6. SpeciaL 1

    SpeciaL 1 عضو مميز

    التسجيل:
    ‏23 يوليو 2005
    المشاركات:
    4,621
    عدد الإعجابات:
    8,908
    مكان الإقامة:
    أي مكان فيه واي فاي
    الأخ/ sporty

    هل تعتقد إن احنا نحتفظ بالفواتير ;)
    ناقصين أوراق نحتفظ فيها :p



    أخوي العزيز/ aljeemaz-2

    مساك الله بالخير
    فعلاً شي يضحك إذا الحكومه اهي اللي تزيد :confused:



    وعليكم السلام ورحمة الله وبركاته أخوي/ MaLoOoK

    شهر 1 يعني بعد تحذير الحكومه والنواب من رفع الأسعار..
    وأخوك مثلك مدمن قهوة ولو شريكي مو منبهني والا ما كنت أدري..



    المقصود من المقالة إن نذكر السلع بالإسم ونشوف هل فعلا الحكومة والنواب عند وعدهم..
    وكل الشكر لكم جميعاً..



    أخوكم/ ويلاه
     
  7. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    [QUOTEtتبي تضحك
    بطاقة التموين زادوها دينارين اليوم واحد يقولي رحت أستلمت التموين نفس كل شهر والا فيها زيداة دينارين عن تسعيرة كل شهر
    ][/QUOTE]

    يا الجيماز-2 سبب ارتفاع مبلغ التموين ان الكميات للشخص زادت مو السعر
     
  8. kuwaitey

    kuwaitey عضو نشط

    التسجيل:
    ‏23 ديسمبر 2006
    المشاركات:
    1,508
    عدد الإعجابات:
    0


    ومن غير الفاتورة يقدر يثبت عليهم الزياده

    يطلب تسجيل مكينى الكاشير بتاريخ قديم او يقوم موظف حماية المستهلك

    بطلب دفتر الفواتير بتاريخ قديم ويلعنون خير خيررررره
     
  9. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    مفروض مراقبى التجاره يفترون على المحلات والاسواق يراقبون الاسعار و يتخذون الاجراءات مو ينطرون الناس تجى وتشتكى
     
  10. ياقوت

    ياقوت عضو جديد

    التسجيل:
    ‏18 فبراير 2006
    المشاركات:
    1,726
    عدد الإعجابات:
    0
    مكان الإقامة:
    kuwait
    المفروض شي والواقع شي ثاني :)
     
  11. المانع

    المانع عضو نشط

    التسجيل:
    ‏25 فبراير 2008
    المشاركات:
    1,991
    عدد الإعجابات:
    6
    مكان الإقامة:
    الكويت
    زياده التموين 25 % سبب الارتفاع الي حصل
     
  12. hamadxp

    hamadxp عضو جديد

    التسجيل:
    ‏10 يناير 2007
    المشاركات:
    265
    عدد الإعجابات:
    0
    يا جماعه شتلحقون عليه ؟؟

    انا امس رايح للمسلخ اللي بالظهر وذابح خروف كان سعره (((دينار )))

    وتفاجأت امس يقول لي حسابك (((دينار ونصف))) قلت له حسابك دينار ضحك وقال لي كان زمان

    يعني لو تحسبها زياده 50% المره الثانيه بذبحه بالحوش
     
  13. المانع

    المانع عضو نشط

    التسجيل:
    ‏25 فبراير 2008
    المشاركات:
    1,991
    عدد الإعجابات:
    6
    مكان الإقامة:
    الكويت
    العفو اخوانى القصد زياده السلع فى التموين 25% سبب الارتفاع
     
  14. sporty

    sporty عضو نشط

    التسجيل:
    ‏15 أكتوبر 2004
    المشاركات:
    1,637
    عدد الإعجابات:
    8



    اخوي المفتش ما يقدر يطلب من المحصل الفواتير يقدر يقول الموظف الفواتير مو عندي او موموجوده لما تروح تقول لحماية المستهلك يقدر يحوله النيابه والنيابه تطلب من الرشكة الفواتير ولا راح تحاسب العميد على الارتفاع

    انا اقول لحد يقعد يتكلم عن الزياده اهني وماراح يسوي شي كل شي بيدكم


    والله انا مفتش بوزارة التجارة ورب الكعبه ما نقدر نسوي شي اله لما تيون انتو وتقولون في زياده بالمكان الفلاني واحنا نروح ونحقق ونسجل محضر بالشركه ونحولها النيابه

    بس انتو اي شي تشوفونه يزيد روحو المراكز او اتصلو على الرقم 135

    وان شاء الله بهمتكم راح نسوي اللي علينا :)



    ومشكورين
     
  15. بصرك

    بصرك عضو نشط

    التسجيل:
    ‏16 فبراير 2008
    المشاركات:
    3,278
    عدد الإعجابات:
    3
    كله من غلى النفط100دولار
    وغلا الاجارات اقول الشي لاني مجرب وعندي محل مواد غذائيه ذبحونا اصحاب الدماء الزرقاء
    لو الدوله توفر محال ومخازن مواد غذائيه باسعار مخفضه متاكد راح تشوف الفرق
     
  16. قدوع

    قدوع عضو جديد

    التسجيل:
    ‏25 ديسمبر 2007
    المشاركات:
    254
    عدد الإعجابات:
    0
    المثل المصرى شيقول ؟؟

    يقول

    الغاوى ينأط بطائيته .. يعنى الغاوى ينقط بطاقيته .. يعنى شنو ؟؟

    يعنى اللى ما يشرب قهوه الا من بن العميد وما ياكل ألا من هارديز وما يشرب ألا حليب كرنيشن يتحمل الزياده ؟؟

    هم يعنى شنو ؟؟

    يعنى اللى يبى الدح ما يقول أح

    يعنى شنو ؟؟

    يعنى السوق مفتوح والدوله غير ملزمه بتوفير الدعم لسلع لا تدخل ضمن ما يسمى بالأمن الغذائى ..

    يعنى شنو الأمن الغذائى ؟؟

    عاد هذى روحوا أسئلوا فيها لأنى مليت من الشرح .
     
  17. khqreen

    khqreen عضو جديد

    التسجيل:
    ‏27 يوليو 2005
    المشاركات:
    177
    عدد الإعجابات:
    0




    اخوى انت من صجك داش قوى ,,, الحكومه تكبح ,, شتكبح

    اقول خلك يم الطوفه واسكت ,, ولا تقول تكبح ما تكبح

    من صجك تبى الحكومه تكبح الاسعار ,, الحكومه تشوف هالاسعار بعد مارتفعت عدل

    انت ما سمعت النكته اللى طلع فيها الهاجرى ,, يقولك بيحول التجار للنيابه ,, واى تاجر يزيد السعر ترى الوزير بيقص ................ ( اذونه )

    اخوى ويلاه احمد ربك احنا بديرة خير ولله الحمد والدليل على ذلك ( سجل عندك )

    1- ما زادوا اسعار الطوابع ( الحكوميه )

    2- مازادوا رسوم اقامات الخدم

    3- ما زادوا رسم تامين السياره ( الفحص الفنى )

    4- ما زادوا رسوم البلديه

    5- ما زادوا رسوم الغرف الخاصه بوزارة الصحه ( من زين الغرف بكل زاويه زهيوى )

    6- كيس عيش وقوطيين حليب مدعومين من الحكومه ( الله يحفظها ) - طقطق فيهم لاخر الشهر

    7- نسيت الباجى

    هااا صج انت المفروض كل يوم تصلى ركعتين شكر لله على انك بالكويت لان عيالك يتعلمون بلاش ( الياهل يصك عمره 15 سنه ما يفك الخط ) قال يتعلمون بلاش ,, وهم بعد انت وايد احسن من اهل افريقيا



    أتمنى أن لا تكون هناك ردود من الأعضاء بأن "قلنا لكم إن الأسعار بترتفع"..


    لا يباااا انا اقول ان الاسعار ما خذت حاصلها بعد تو الناس ,,واللى يقولك ارتفعت غلطان ,, هالقهوه التركيه اللى انت زعلان على شانها ان ماوصلوها سبع دنانير بدال الاربعه وبيخلونك تشم ريحتها ,, لا والشمه بدينار تبى والا بكيفك


    ==========================================

    إلا أن هناك من هم ضعاف نفوس ولا هم لهم إلا الاستغلال وخلخلة الأنظمة..

    يا ويلاه ,, لاتزعل ترى الامور مازالت طيبه ,, احسن من المستقبل

    اهم قاعدين يطبقون سياسة تكسير الروس الصغيره !! بمعنى

    ولد تاجر سيارته بى ام 745 المفروض انا ما اركب هالسياره ,, حدى شفر 86 وتخب ,,ومن كبائر المخالفات المروريه ان امسك اليسار على الخط السريع لان هذه الحاره للناس الـvip ,,, وعاد انت والشباب قيسوا على هالمثل امور كثيره ,, بس عاد هذا فى المستقبل القريب ,,شفت شلون الامور طيبه حاليا

    شخلخلته شانظمته الله يهدااااك

    ==========================================

    فعلينا أن نساهم ونساعد بالإعلان عن أي زيادة تطرأ على أي سلعة..

    عاد هاااذى صج بيحطووونها بينهم بيقعدون يضحكون عليها ثلاثة ايام فى كل نهاية الاسبوع ( تجار وحكومه )

    ساهمت واعلنت ,,, وبعدين ,, يعنى لو اخذنا على سبيل المثال بن العميد ,, رحت حماية المستهلك وشكوك ,, وحوله النيابه ومن ثم المحكمه على بالك بتطلع بشئ ,,, ولا راح يغرم شئ هو البهذله عليك انت ,, روح وتعال النيابه ,, روح وتعال المحكمه ,, لا يكون حاط فى بالك ان الرقابه بوزارة التجاره راح يراكضون وراه ,, لا اخوى انسى ,, اقصاهم بيحولونه وسلامتك

    ==========================================

    اهم شئ نعمة الامن والامان ( نص الشعب الكويتى حاط تحت كشن سيارته عجره وسجين )

    بعدين يا اخى ليش تحاتون بطونكم وااايد اهم شئ الكويت ( شكلنا بناكل رمل - وانتوا بكرامه )

    وسلامتكم
     
  18. SpeciaL 1

    SpeciaL 1 عضو مميز

    التسجيل:
    ‏23 يوليو 2005
    المشاركات:
    4,621
    عدد الإعجابات:
    8,908
    مكان الإقامة:
    أي مكان فيه واي فاي
    أخوي/ khqreen

    مساك الله بالخير
    عجبني انتقادك للأوضاع بالطرح الساخر اللي تعودنا عليه كـ كويتيين..
    والا شنو يهون علينا مشاكلنا غير "هالطنازه"..
    بس في شي ما فهمته..
    هل فعلاً قصدك نسكت لين نوصل لحال أهل أفريقيا ؟؟
    ياخي سكتنا عن الأوضاع الصحيه واحنا اللي نبني المستشفيات للخليج والدول الثانيه وشوفة عينك وين وصلنا..
    سكتنا عن الكهربا والماي وشوفة عينك وين وصلنا..
    سكتنا عن الرياضه وإنت ادرى بالحال..
    ياخي سكتنا لين وصلنا آخر اللسته بكل شي..
    الناس تصعد واحنا نتسابق بالنزول..
    في بريطانيا وتحديداً في لندن لما زادوا سعر البيض عليهم في فتره من الفترات الناس وقفت وقفه وحده..
    قالوا ما نبي بيض لين خاس على الرفوف واجبروا التجار يردونه لأسعاره الأوليه..
    احنا اهني ما عندنا مثل هالوقفه..
    صج إني مدمن قهوه لكن مو آنا اللي أشتريها ولو ما نبهني عليها شريكي والا ما كنت أدري عنها ولا أشتريها..
    وتعال شوف ربعنا ووقفتهم..
    قررت أقاطع الـ KDD وقمت أشتري المراعي وغيره من الشركات..
    الربع ما يقصرون بالضغاط :D
    والمشكله إنه بعد يومين يدق يقول عندك سلف !!
    شقول وشخلي يابن الحلال..



    أخوك/ ويلاه
     
  19. khqreen

    khqreen عضو جديد

    التسجيل:
    ‏27 يوليو 2005
    المشاركات:
    177
    عدد الإعجابات:
    0


    فعلا اخوى انا لما قلت خلك ساكت ,, ترى قلتها عن تجربه

    خلنى اقولك ,, تذكر لما مجلس الوزراء ( الله يطول عمارهم ) المنه قصدى زيادة الـ120 دينار الاخيره ,, كل الكويتيين تكلموا فيها ,, وطبعا علشان اثبت انى كويتى لازم اتكلم ,, فكانت لى مشاركه فى احد المنتديات او بالاحرى اقتراح ,, ملخص الاقتراح ,, بعد ما ذكرت الشباب ان الحكومه عاهدت المواطنين على تصليح امور كثيره ومنها ضبط الاسعار ,, والحكومه نزلت الـ120 دينار بتوقيت فى غير صالح المواطن ,, يعنى على الاقل تضبط الاسعار او حتى تتفق مع التاجر على مبلغ معين للسلعه وبناء عليه تتم زيادة المواطن ,, اما ما يسمى زياده عشوائيه فهى مرفوضه لان الزياده ماهى للمواطن ولا راح يتمتع فيها ,, هى للتاجر من الحكومه عن طريق المواطن ,, وطبعا المشاركه كان فيها كلام كثير ,,,, المهم بلشت الردود

    سجل عندك ,,, ( شر البلية ما يضحك )

    1- طلعت عميل لدوله مجاوره لغتها الام فارسيه ( ويعلم الله حتى عرج من بعيد ما عندى من هالدوله )

    2- طلعت احد الذين يرفسون النعمه ( خلنا نشوف النعمه اول وبعدين نرفسها )
    3- متواطئ مع الناس اللى أبنوا مغنيه ( شكو ما ادرى )

    4- اذا مستغنى عنها ودها بيت الزكاة ( الاخ عنده خبر ان فى كويتيين ماسكين طابور يدورون صدقات )

    5- الكويتيين اكثر شعب يتحلطم ( بسكم تحلطم ) الرد بهالصيغه

    6- قول الحمدلله احنا وااايد احسن من افريقيا ( طالع المقارنه التافهه )

    7- ردود وايد بس اكثرها على هالموال

    اخوى ويلاه - الحكومه تعرف الشعب عدل - ما عندهم الا بربره على الفاضى -
    انت تدرى واحد من التجار لما قاطعوه الجمعيات شسوى - اخذ عندك
    دز له مصرى مع كاميرا ديجيتال - وعلى مدى عشرة ايام قاعد يصور الكويتيين اللى يشترون من محازن الشركه - طبعا الصوره فيها التاريخ والوقت

    الحبيب اخذ الصور - ولا رده الا مسئول حكومى عووووووود -
    التاجر وصل فكره عن اتحاد الجمعيات للمسئول انهم شوية صبيان بيردوون الديره نفس ايام الغزو - والدليل شوف طال عمرك هاااذى صور الكويتيين ما سكين دور على المخازن عندى -
    باختصار - الجمعيات قاطعوا هالتجار علشان سالفة زيادة الاسعار - وهم ماكوا فايده رحنااا لهم نطقطق عليهم بيبان مخازنهم ,,, تكفون بيعوا لنا بالسعر اللى انتوا تبون ,, وهم تبى موقف ( من صجك انت يا اخوى )
    ==========================================

    انت قلت سالفة البيض فى لندن - لا انا باقولك سالفة جريدة الانباء -
    جريدة الانباء كانت هى الجريده اللى لا يعلى عليها بالكويت - اكثر اهل الكويت مشتركين فيها - قررت ادارة الجريده ترفع سعرها من 100 فلس الى 150 فلس لغير المشتركين - واظن 35 دينار بدال 30 دينار على المشتركين ,,, لما صار موقف وقاطعوها لا فى تجديد اشتراكات ولا احد يشتريها - طاحت بجبودهم ,, وفنشوا نص موظفينهم - والى يومك هذا والجريده ماحد يطالع صوبهاااا - اعتقد ان اشتراكهم الحين بـ10 دنانير ومو محصلين احد يشترك - هاااذى المواقف

    اما شركة كى دى دى يعلم الله ان ديوانيه كامله تعاهدنا انه هالمنتج ما يدش بيوتنا الا فى الضروره القصوى ,, ولله الحمد ليما الحين ما مرينااا بضروره قصوى وشغالين على المراعى واكتيفيا والله يعز المنتجات السعوديه اللى اجود وارخص واحسن من ربعناااا ,,, ( وانصحكم بانواع العصائر خاصه البرتقال ,, تذوقه مررره تطلبه كل مره )

    ==========================================

    ترى احنا شغل عدل بالضغاط ,, ما عليك خلك على شغلك وكمل مقاطعتك لهم ,, خلك من الكلام الفاضى اللى يقولك جعص علشان 20 فلس ,, واللى يقولك ما تسوى ,, واللى يقول لك اذا ما شريت اخاف بيسكرون مخازنهم ,,, ما عليك منهم ترى اللى مقاطعين ناس وايد واهم حاسين ,, واحصائياتهم اثبتت ان مبيعاتهم نقصت ,, والـ 20 فلس تعتق رقبتك من جهنم ,, يستاهلها من هو بحاجتها واللى من وراه الاجر عند الله ,,

    وسلامتك
     
  20. SpeciaL 1

    SpeciaL 1 عضو مميز

    التسجيل:
    ‏23 يوليو 2005
    المشاركات:
    4,621
    عدد الإعجابات:
    8,908
    مكان الإقامة:
    أي مكان فيه واي فاي
    بارك الله فيك أخوي/ khqreen
    وللأسف اللي مثل تفكيرك قليل..
    يابن الحلال السالفه لا اهي بخل ولا جعصنه..
    الحمدلله عندنا وعندكم خير..
    لكن في غيري ما يقدر على هالأسعار.. يمكن هالشخص يكون أخوي أو أختي أو رفيجي..
    هل أكون أناني وما أفكر بغيري على بو أكشخ عليه ؟؟

    هذا احنا نحاول نوصل لهم الحل ونطرح هالمواضيع في الدواوين وبأي مجلس وفي المنتديات عل وعسى نوعي اللي للحين ما وعى..

    أشكرك وجزاك الله خير على تشجيعك..



    أخوك/ ويلاه