حـسـافـةعـلـيـج يـ كـويــت !!

الموضوع في 'إستراحة المنتدى' بواسطة AL-mutairi, بتاريخ ‏8 مارس 2008.

  1. AL-mutairi

    AL-mutairi عضو نشط

    التسجيل:
    ‏4 سبتمبر 2007
    المشاركات:
    801
    عدد الإعجابات:
    21
    مكان الإقامة:
    حاره كل من أيدو إيلو !!
    حسافة عليج يا كويت


    دخلنا في سنة 2008 .. يعني صار لنا 18 سنة من الغزو .. يعني اللي انولد ذيج الأيام ، تخرج من الثنوية و يبي يدش الجامعة و يبي يتزوج .. يعني فيه جيل يديد طلع .. يعني السنين مرت ..
    يعني بدينا نكبر و نشيب ..
    خلال هذي الفترة ، جم شغلة تغيرت بالكويت ، نقولها للأمانة:
    فتحنا سوق شرق و المارينا .. و توه هم بطلوا الأفنيوز.
    الجمعيات صارت شوية كشخة.
    المدينة الترفيهية صار فيها قطار ينقلب!
    و يمكن جم إشارة سووها دوار .. و حطوا نفق بالدائري الخامس ، صار له دهر و ما خلص ..
    للأسف ، راحت الأيام اللي الناس كانت تحسدنا لأنا كويتيين ، يوم كنا النموذج ، الناجح و الكل يشوفنا و يقلدنا ، و وده إصير مثلنا ..
    صرنا آخر عمرنا المساكين اللي نكسر الخاطر ، الناس كلها طايرة ،
    و احنا بالغصب نلحقهم على 'عربانة و حصان' ..
    شوفوا الخليج اشلون قام و صار مشاريع و استثمارات و تخطيط
    ورؤية و تنمية و ناطحات سحاب ، و احنا لما الحين مستانسين على برج التحرير ، لا و ما يخلونا نصعده بعد !!
    في دبي ، بنوا أربع جزر صناعية تنشاف من القمر ، و بالكويت مو عارفين شيسون في فيلجا !
    في السعودية ، بنوا مدن طبية و مستشفيات تخصصية ، و بالكويت لما الحين قاعدين يصبغون مستشفى الصباح و يرقعون الرازي و يطفون الجهرا !
    في قطر ، قاعدين يسون مدينة كاملة للطاقة ، و بالكويت ،
    و بعز الحر ، كل يوم يدقون علينا ، يبونا نسكر المكيفات عشان ما تطفي علينا الكهربا !
    حتى المنتخب فشلنا و رفع ضغطنا ..
    مسرحياتنا صارت مليقة ، مسلسلاتنا صارت سخيفة ,,
    و الكويتية إن طارت بالموعد صفقوا للكابتن !
    جسر الصبية خو من انولدت و أنا أسمع فيه ، القدس راح تتحرر
    و احنا ليلحين نسوي دراسة بيئية حقه !
    الأسعار شبت نار ، و المعاشات ما توكل خبز ، و العيشة كلها أقساط .. بيوتنا أقساط .. سياييرنا أقساط .. حتى حريمنا قمنا ناخذهم بالأقساط !
    و عسى ما صارت عطلة أو إجازة ، إن شاء الله 3 أيام ، شفت الناس كلها هجت و سافرت و الديرة خلت .. و الله ما ينلامون الأوادم ، و ين نبيهم يروحون الجزيرة الخضرا ؟؟ و لا النافورة الراقصة ؟؟
    حرام و الله الكويت تصير جذي ، بس تدرون ..


    المشكلة مو فيها ، المشكلة فينا !
     
  2. قدوع

    قدوع عضو جديد

    التسجيل:
    ‏25 ديسمبر 2007
    المشاركات:
    254
    عدد الإعجابات:
    0


    يا ليت تحدد من المقصود (( بالمشكله فينا )) هالجمله هذى عايمه وهلاميه وغير واضحة المعالم

    يا ليت تكون أكثر تحديدا :rolleyes:
     
  3. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    هلا والله بـ ولد حمران النواظر ..
    وانا فعلا ً معاك .. ان المشكله فينا احنا ..
    اللي ما حافظنا على ( عروس الخليج ) .. اللي صارت ( عانس ) ..
    المشاكل وايده ..
    بـ ايام قبل كان الكل يحسدنا على الكويت ..
    لكن قول لي منو فاضيلها ..؟
    اعضاءنا ووزراءنا في منهم نوعين ..
    النوع الاول مشغول بـ الصفقات اللي اتكون تحت الطاوله ..
    علشان يزيد اصفار ارقام حسابه ..
    النوع الثاني يركز على الايدولوجيات والمبادئ اللي يتبعها ..

    لكن الحين ..؟ منو اللي يهتم بآمر الكويت ..؟
    لي نزلت مطار قطر ..
    راح تلقى يافطه اكبيره معلقه .. شنو مكتوب فيها ..؟
    كويت الماضي ، دبي الحاضر ، قطر المستقبل ..


    خلها على ربك ..
    الله كريم ان شاءلله ..
    يمكن باجر يكون احلى ..

    تحياتي لك
     
  4. حكيم زمانه

    حكيم زمانه موقوف

    التسجيل:
    ‏18 فبراير 2008
    المشاركات:
    127
    عدد الإعجابات:
    0
    هذا ماجنته يداك
    والله لو الحكومه تفكنا من مجلس الخمه والله بنرد احسن من ايام النهضه العمرانيه
    لان كل خير احنا عايشين فيه هو من تخطيط الحكومه لكن لمه صار للمجلس كيان وصراخ
    الحكومه شالت ايدها وصرنا حكايه مثل حكايات جحا
     
  5. Bokandar79

    Bokandar79 عضو نشط

    التسجيل:
    ‏19 مايو 2007
    المشاركات:
    2,535
    عدد الإعجابات:
    1
    مكان الإقامة:
    Q8
    eeeeee

    :)
     
  6. جوكوزال

    جوكوزال عضو جديد

    التسجيل:
    ‏13 يناير 2007
    المشاركات:
    1,890
    عدد الإعجابات:
    0
    بارك الله فيك كلام في الصميم
     
  7. برميت

    برميت عضو نشط

    التسجيل:
    ‏15 فبراير 2008
    المشاركات:
    4,292
    عدد الإعجابات:
    3
    :(:(:(


    يعطيك الف عافيه
     
  8. ياقوت

    ياقوت عضو جديد

    التسجيل:
    ‏18 فبراير 2006
    المشاركات:
    1,726
    عدد الإعجابات:
    0
    مكان الإقامة:
    kuwait
    الشكوى لله ​
     
  9. rakan_yes

    rakan_yes عضو نشط

    التسجيل:
    ‏24 مايو 2007
    المشاركات:
    2,073
    عدد الإعجابات:
    0
    جبتها على الجرح وجتك مادريت


    مشكور على هالموووضووووع

    بس نقدر نقول

    الشكوى لله

    تقبل تحياتي
    ابورااشد
     
  10. فوركسي

    فوركسي عضو جديد

    التسجيل:
    ‏26 فبراير 2007
    المشاركات:
    736
    عدد الإعجابات:
    0
    الحل بالخصخصة علشان نمنع الواسطات الي دهورتنا